အမရာ ပို့ထားတဲ့စာကိုမြင်တော့ နှင်းဆီအံ့သြရသည်
ချောတစ်ယောက် ဘာတွေများလုပ်လိုက်လို့
အမရာမောင် ထိုသို့ချက်ချင်းတုံ့ပြန်လာသနည်း
"ချော ရှင်မောင့်ကို ဘာလုပ်လိုက်တာ"
"ပုံတစ်ပုံပဲ ပို့လိုက်တာ ကျမက"
ချောက အောင်နိုင်သူကြီးလေသံနဲ့ မာန်ပါပါပြန်ဖြေလေသည်
"ဘာပုံ "
"ရှင်နဲ့ ဟိုဝိုင်လာစပ်တဲ့ ကိုမြတ်သုခရဲ့ပုံကိုပို့လိုက်တာ"
"ဘယ်က ဘယ်လိုပုံတုန်း
ရှင်ရိုက်ထားတာလား "
"ဟုတ်ပ
ဒင်းပြန်မလာပဲ အချိန်ဆွဲနေတာလေ
အဲ့တော့ ခြံထဲအသီးထွက်နှုန်းလိုက်ပြတုန်းက ပုံကို ပို့ပေးလိုက်တာ
ရှင့်နားမှာ ဝဲနေတဲ့စွန်လေးတွေဘယ်လောက်များကြောင်း
ဘယ်လောက်အလိုက်သိကြောင်း ပြောပြလိုက်တယ်
အရမ်းအသက်ဝင်တော့ ဒင်းမခံစားနိုင်ဘူးလေ"
"ဒါမျိုးကျ အရမ်းအားကိုးရတာပဲ
သိပ်ချစ်ဖို့ကောင်း မောင်ပြန်လာရင်လဲ အားကိုးမယ်သိလား
အရင်ရက်ပိုင်းဆို အဆက်အသွယ်တောင်မလုပ်ချင်သလိုဖြစ်နေတာ ဒင်းက"
နှင်းဆီက အမရာ့ကိုပညာပြလိုက်တဲ့ ချောကိုကျေးဇူးတွေတင်နေသည်
ချစ်သူကိုသတိရလွန်းလို့ ပြန်လာမဲ့အချိန်ကိုမျှော်နေတဲ့နှင်းဆီ အမရာပြန်မလာခင် သူငယ်ချင်းချောကောင်းမှုနဲ့ Skin care ရှယ်လုပ်သည်
အမရာပြန်လာလျှင်လဲ အနားကမခွာနိုင်အောင်ကို လုပ်ပစ်ဖို့ ပညာအပြည့်အဝသင်ပေးသည်
~~~~~~
တကယ်တမ်း အမရာပြန်လာတဲ့အခါမှာတော့ နှင်းဆီထက် အမရာက ပိုလို့ပြောင်းလဲနေလေသည်
ပြောင်းလဲနေသည်ကား လူပုံသဏ္ဍာန်ကစသည်
အရင်လိုမိန်းကလေးပုံစံ အချိုးအစားမျိုးမဟုတ်တော့ ကျားကျားယားယားကြီးဖြစ်လာသည်
အရင်လို မိန်းကလေးမျက်နှာပေါက်မေးချွန်ချွန်လေးမဟုတ်တော့ ယောက်ျားတစ်ယောက်လို့ ပါးရိုးခပ်ကားကားကိုမှ သေချာကြည့်လျှင်မိန်းကလေးများအကြိုက် အတော်ဆွဲဆောင်မှုရှိသည်
ချစ်စရာကောင်းတဲ့မျက်နှာမျိုးမဟုတ်တော့ပဲ
ဆွဲဆောင်မှုရှိသောမျက်နှာမျိုးဖြစ်လာသည်
YOU ARE READING
ချစ််ရပါတယ် မနှင်းဆီ
Romanceမနှင်းဆီရေ မိုက်မဲလွန်းတဲ့ အမရာ က ဆူးတွေပြည့်နေတဲ့ မနှင်းဆီကိုမှ နှလုံးသားထဲ ထည့်ချစ်မိသည်တဲ့လေ ဆူးတွေ ဆူးနေပါစေ ချစ်မြတ်နိုးမိနေသည်လေ
