"မင်းရေကူးတတ်လား "
အမရာခေါင်းခါကာ
"မကူးတတ်ဘူး "
အမရာ ရေမကူးတတ်ပါ
ငယ်စဥ်ထဲက ရေနစ်ဖူးတဲ့ဖြစ်ရပ်ကြောင့် ရေကြောက်ပါသည် အကြိမ်ကြိမ်သင်ဖူးပေမဲ့ ရေကူးမတတ်ပဲကြောက်စိတ်သာပိုခဲ့သည်
အမရာ နှင်းဆီဘာတွေးနေလဲ ကောင်းကောင်းသိသည်
"ဟိုး ကန်ရဲ့အလည်ကိုကြည့်လိုက် ကြာပွင့်လေးတွေ့လား
အဲ့ကြာပွင့် တို့လိုချင်တယ် ခူးပေး"
ထင်ထားသည့်အတိုင်းပင် ရေလည်ခေါင်မှ တစ်ပွင့်တည်းသော ခရမ်းရောင်ကြာပန်းလေးကိုမှ လိုချင်သည့်တဲ့
"ပြောတော့..
နှင်းဆီပဲကြိုက်တာဆို မနှင်းဆီရဲ့"
"မင်းကအရမ်းစကားများတာပဲ တို့လဲလူသားပဲ
လူသားကိုမှ မိန်းကလေး ဘယ်ပန်းဖြစ်ဖြစ်တို့ကြိုက်လို့ရတယ်လေ
အရင်ကနှင်းဆီကြိုက်တာ အခုတို့စိတ်ပြောင်းသွားလို့ပေါ့
ထားလိုက်ပါ..
မင်းရေမကူးတတ်ဘူးမှတ်လား "
ငါ့ခွင်ထဲရောက်ပြီဆိုတဲ့ အပြုံးမျိုးနဲ့ နှင်းဆီရဲ့လေသံက ရေမကူးတတ်တဲ့အမရာ့ကိုလှောင်နေသလို
အမရာလုပ်လို့မရသည့်အရာကိုမှ ခိုင်းတာလဲသိသည်
အမရာ့ဘဝမှာ အရှုံးဆိုတာမရှိခဲ့
သူမနဲ့မှသာ အမြဲအရှုံးပေးနေရပါသည်လား
အမရာ ကန်ရေကိုတစ်ချက်ဝေ့ကြည့်လိုက်တော့ စီးစရာလှေနဲ့တူတာမရှိ
"ထားလိုက်ပါတော့"
ဒီတစ်ခါတော့ လေသံအေးအေးနဲ့သာပြောလာသည့် နှင်းဆီ
သို့သော် အမရာကတော့ အရှုံးမပေးပါ
သူမလိုချင်သည်ဆိုတဲ့အရာကို ရအောင်ယူပေးပါမည်
အမရာ ဘောင်းဘီအိတ်ကပ်ထဲမှ ဖုန်းကိုထုတ်ကာ ရေကန်နဘေးမှ ထိုင်ခုံတန်းလေးပေါ်တင်လိုက်သည် နာရီကိုလဲချွတ်ကာ ဖုန်းနည်းတင်လိုက်ပြီး ကန်အစပ်တွင် ရပ်လိုက်သည်
"တို့ထားလိုက်တော့လို့ ပြောနေတယ်လေ"
အမရာ နားမထောင် ကန်အစပ်တွင် ငြိမ်နေသည်
ငြိမ်နေခြင်းမဟုတ် အမရာ့ စိတ်ထဲတွင်စကားတချို့ပြောနေခြင်းသာ
YOU ARE READING
ချစ််ရပါတယ် မနှင်းဆီ
Romanceမနှင်းဆီရေ မိုက်မဲလွန်းတဲ့ အမရာ က ဆူးတွေပြည့်နေတဲ့ မနှင်းဆီကိုမှ နှလုံးသားထဲ ထည့်ချစ်မိသည်တဲ့လေ ဆူးတွေ ဆူးနေပါစေ ချစ်မြတ်နိုးမိနေသည်လေ
