"မမကို မောင့်အိမ်ကိုခေါ်သွားချင်သေးတာ
အချိန်လဲ မရတော့ဘူးနော်"
အမရာ နှင်းဆီပန်းလေးတွေပြချင်ပါသေးသည်
"ဟင် ဒီနေ့ အချိန်ရတာပဲကို မမတို့က သန်ဘက်ခါမှပြန်မှာလေ ဒီနေ့လိုက်ခဲ့မယ် ရလား ..."
"အဲ့လိုဆို လိုက်ခဲ့လေ
ဟိုမေမေနဲ့ဖွားဖွားတော့ အိမ်မှာ မရှိကြဘူး
မေမေ့အသိမိတ်ဆွေရဲ့ အဖေဆုံးလို့တဲ့ အဲ့တာအင်အားဖြည့်သွားကြတယ် ဖွားဖွားရဲ့သူငယ်ချင်းလို့လဲပြောတယ် "
"ဟုတ်လား
မမက မောင့်မေမေကို တွေ့ချင်နေတာ"
အထူးအဆန်းမို့ မေးခွန်းပြန်ထုတ်မိသူက အမရာ
"ဟင် ဘာလို့တုန်း"
"မောင့်ကိုမွေးပေးထားတဲ့ မေမေမို့လေ
တွေ့ဖူးချင်တာ "
အလိမ္မာလေးအသွက်လေးရဲ့မိခင်မို့ မြင်ဖူးချင်သည်
နှင်းဆီက ချက်ချင်းဆိုသလို အမရာ့အိမ်လိုက်ကာ ညအိမ်မည့်အကြောင်း အဖွားကို ခွင့်တောင်းပြီးလိုက်လာသည်
~~~~~~~~~~
အမရာတို့ ခြံလေးထဲရောက်တာနဲ့ နှင်းဆီရဲ့မျက်ဝန်းတို့က ခြံထဲက နှင်းဆီပင်များထံမှာပင် ရှိနေလေသည်
အမရာ ကားတံခါးဖွင့်ပေးဖို့ ဆင်းလိုက်ပေမဲ့ နှင်းဆီက အောက်ရောက်လို့နေသည်
"မောင်ရယ် ခြံလေးက ပန်းလေးတွေနဲ့ လှလိုက်တာ
နှင်းဆီပန်းတွေက အရောင်စုံပဲ
မမလေ အိမ်မှာ နှင်းဆီပန်းလေးတွေစိုက်ဖို့ လူသပ်သပ်ငှားထားတာ ဒါတောင် ဒီလိုပန်းလေးတွေမရဘူး"
"လာ မောင်လိုက်ပြမယ် မမ "
အမရာ နှင်းဆီလက်ကိုဆွဲကာ အိမ်ရဲ့အနောက်ဘက်ခြမ်းကိုခေါ်သွားသည် ခန္ဓာကိုယ်သေးသွယ်တဲ့နှင်းဆီက အမရာ့ဆွဲခေါ်ရာနောက်ကို ပါသွားလေသည်
အမရာက အိမ်ရဲ့အနောက်ဘက်ခြမ်းမှာ ပိုလှသည်မို့လေ
ခေါ်လာခြင်းပင်
"ဒီမှာကြည့်... "
"အိုးး တကယ်လှတာ
ဘယ်လိုတွေများစိုက်ထားတာလဲ နည်းလမ်းတွေရှိတာလား
လျှို့ဝှက်ချက်ရှိရင် ပြောပါဦး"
"လျှို့ဝှက်ချက်က မောင်လေ မမရဲ့"
အမရာက ရွှတ်နောက်နောက်ပြောလိုက်တာကြောင့် နှင်းဆီကမယုံသလိုပင်
YOU ARE READING
ချစ််ရပါတယ် မနှင်းဆီ
Romanceမနှင်းဆီရေ မိုက်မဲလွန်းတဲ့ အမရာ က ဆူးတွေပြည့်နေတဲ့ မနှင်းဆီကိုမှ နှလုံးသားထဲ ထည့်ချစ်မိသည်တဲ့လေ ဆူးတွေ ဆူးနေပါစေ ချစ်မြတ်နိုးမိနေသည်လေ
