A Journey To Hell ~ گەشتێک بۆ دۆزەخ

.·:*¨༺ ~ Part 37 ~ ༻¨*:·.

"لە ڕۆژی ڕووناک ڕادەکەم،...
ئەو ڕاستی دەکرد،
چونکە ڕووناکی هەرگیز ڕووی لە ژیانمان نەکردووە
گەر شتێکت نەبینیبێت...
لێی بەدوور ناکەوی؟"
بە ساردی و خەندەیەکی شکاوەوە وتی و بەرە و ڕوویان هات.

"ئەوە بەوجۆرە نییە سەیرکە-"
هەوڵی دا چەقۆیەکەی لێ وەرگرێت بە هێواشی...

"تۆ سەیرکە... سەیری دەستەکانی کە...
هەمیشە پێت وایە کە ڕاستیت،"
وای وت و سەیری ئەوەی تری کرد...

"چونکە وام، ئێستا نا...
سەد ساڵی تر هەر دێنەوە سەر ڕای من..."
خەندەیەکی کرد و ڕووی چەکەکەی لێکرد...

"وامەکە!"

/دەنگی گولە/

.
.
.

~~~~~~~~~~~~~~~~~~~~~~~~~~~~~~~~

.

.

.

کێڵەر و بڕاون لە قەڵەباڵغیەکە دەرچوون کە خەریکی ئێدی بوون و کێڵەر قۆڵی بڕاونی گرت و فڕێیدایە پێش خۆی تا خێراتر بڕوات و بە خێرایی سەیارەکەی کردەوە و چوونە ناوی..

"باش خۆت بگرە من وەک شێت شۆفێری دەکەم..."
کێڵەر بە پەلەوە وای وت..
قایشەکەی بەست و بڕاونیش بە ترس و دڵەڕاوکێوە خەریکی قایشەکەی بوو کە سەیارەکە لەناکاو زۆر بە خێرایی کەوتە ڕێ...

"کێڵەررر!!!!"
پڕ بە سەیارەکە هاواری کرد چونکە سەیارەکە زۆر بەهێز بوو و هەر بە دریفت و سوڕان و خێراییەکی زۆر کەوتە ڕێ و بڕاونیش لە خێرایی دەترسا و خەریک بوو بمرێ...

"دەمت دادەخەی یان فڕێت دەمە دەرەوە؟!"
کێڵەر بە توڕەییەوە وای وت و سەیارەکەی سوڕاند و بە لادا لە شەقامەکە چوونە دەرەوە تا بە ڕێگەیەکی کورتر بڕۆن و بڕاون خۆی لە قایشی سەیارەکە لولدابوو و ئاگای لە ئازاری دەستە شکاوەکەی هەر نەمابوو...

"لیام ناونیشانی ئەو هیچانەم بۆ بنێرە خێرا.."
لە شاشەی ناوەوەی سەیارەکەی لەگەڵ لیام قسەی دەکرد...

"بە چاوان ئێستا"
لیام وای وت و ناونیشانەکەی نارد بۆی و کێڵەر خێراییەکەی زیاد کرد بەرە و ناونیشانەکە و بڕاونیش ئەوەندەی مابوو خۆی هەڵداتە دەرەوە لەناو سەیارەکە...

.

.

.

ئارثەر و ناثان بە خێراییەکی زۆر بەڕێوە بوون تا یەکێک لە سەیارەکانی هێزەکەی هەنتەریان بینی و ئارثەر بێ بیرکردنەوە ئاڕاستەی سەیارەکەی خۆیانی بۆیان گۆڕی و بەرە و ڕوویان ڕۆیشت...