A Journey To Hell ~ گەشتێک بۆ دۆزەخ

.·:*¨༺ ~ Part 48 ~ ༻¨*:·.

.

.

.

~{پیاوی پەیکەرەکان}~

{ئەلێکس ئێبێرت}

.
.
.

{ئەو وێنەکێشەی بە خوێن نیگارەکانی دەکێشێت}

.

.

.

"ئای خوایە... دکتۆر!
وەرە سەیری ئەو منداڵە بکە چەن جوانە!"
پەرستاری شوێنی منداڵە تازە لەدایکبووەکان بە خێرایی و سەرسامی بەو دکتۆرەی وت کە بەوێدا تێپەڕی.

یەخەی گرت و ڕایکێشایە ژوورەوە تا سەیری ئەو منداڵە بکات کە لەناو هەموو ئەو منداڵانەی لەناو شوشە دانرابوون ئەو تاک و جیاواز بوو...

دکتۆرەکە هەر بەدوای ئەو پەرستارەدا دەڕۆیشت کە چۆن پەلکێشی دەکرد تا گەیشتنە سەر سەری یەکێک لە منداڵەکان کە نزیکەی شەش مانگێک بوو لەوێ بوو و دایک و باوکی نەیاندەبردە ماڵەوە چونکە بە کار مەژغوڵ بوون...

وە پەرستارەکە لەوێ نوێ بوو هەرکە چاوی بەو منداڵە کەوت خێرا لە پەرۆشیا دکتۆرەکەی ڕاکێشابوو تا بیبینێت..

ئەو منداڵە خەپە و جوان و نازدارە کە پێدەکەنی و یاری بە قژی خۆی دەکرد تازە تەمەنی شەش مانگ بوو کەچی بە قژی خۆی داپۆشرابوو...

ئەو ڕەشی و جوانییەی قژی و درێژیەکەی کە بە ژێر پشت و قاچەکانی دا بڵاوبووبۆیەوە و چاوەکانی دەتوت شوشەی شین و ئەڵماسن وا گەورە لە هەردووکیانی دەڕوانی...

دکتۆرەکە سەرسام بوو و بە خەندەوە سەیری منداڵەکەی دەکرد و دەستی برد و تاڵێکی قژی گرت و سەیری درێژییەکەی کرد دواتر ڕووخساری منداڵەکە کە چاوەکانی وا گەورە و شین و نازدار بوون..