A Journey To Hell ~ گەشتێک بۆ دۆزەخ

.·:*¨༺ ~ Part 39 ~ ༻¨*:·.

.

.

.

نیک بە توندی دەستی لەسەر برینەکانی ڕووخسار و سەری کۆنەر دانا تا خوێنبەربوونە قوڕسەکەی بوەستێنێت...
لە شۆکدا هیچی بۆ نەدەوترا ئاخر تازە بەیەکەوە گەڕانەوە ماڵەوە چ زوو وایان بەسەرهێنا...

لەبەر نیگەرانی بۆی خەوی لێنەکەوت و بڕیاری دا بێت و لێی بپرسێت یان گەر بیەوێت لە وانەکان یارمەتی بدات چونکە دەیزانی بەیانی تاقیکردنەوەی هەیە بەڵام ئەمە چ دۆزەخێک بوو بینی...

بە توڕەییەوە سەیری باوکی کۆنەری کرد و نەفرەتی کرد خێرا کۆنەری هەڵگرت و ڕایکردە دەرەوە بەو باران و کەشە سەخت و ترسناکە بەناو کۆڵانەکاندا ڕایدەکرد و تاکە شت لە مێشکی ڕزگارکردنی براکەی بوو پێش ئەوەی لە دەستی بدات...

خوێنی کۆنەر بەسەر قۆڵەکانی و جەستەیدا دەهاتە خوارەوە کە چاکەتەکەی پێشتر دایبوو بە کۆنەر دابوو بەسەر ڕووخسار و جەستەی کۆنەردا تا بارانەکە تەڕی نەکات و برینەکانی زیاتر پیس نەکات...

بەناو ڕێگاکاندا و لەژێر ئەو بارانە بە خوڕە و بە درەنگانی شەو بە هەموو شوێنێک کە گومانی بۆ دەچوو دەرمانخانەکە کراوە بێت یان بچووکترین هیواش بۆی ڕۆیشت...
بەڵام هیچیان نەکرابوونەوە ڕێگەی نەخۆشخانەش لێرەوە تا ئەوێ زۆر دووربوو بۆ ئێستا و لە بێچارەییدا نەیدەزانی چیبکات ئاخر براکەی لەناو دەستەکانی بمرێت لە خۆی خۆشنابێت...

بە سەرگەردانی دەگەڕا و بەهۆی بە خوڕی لافاوەکە و کۆبوونەوەی ئاو لەناو شارۆچکەکە ئاو تا خوار چۆکەکانی هاتبوون و ڕاکردنیش بۆی قوڕس بوبو چونکە ئاوەکە خاوی دەکردەوە...

"دەی دەی نیک بە نەفرەت بیت بیرکەوە.."
نیک بە توڕەییەوە بە خۆی دەوت...
دەیزانی بۆ ئێستا دەبێ بیر لە شوێنێک بکاتەوە بۆ کۆنەر کە لێی سەلامەت بێت لەجیاتی مانەوە لەژێر ئەو بارانە بە خوڕە...
جەستەی ماندوو بوبو لەو هەموو ڕاکردنە و هەڵگرتنی کۆنەر بەڵام لە خۆی قبوڵ نەدەکرد ماندوو بێت لە دۆخێکی وەها دا کە براکەی لە سەرە مەرگە...

سەیری شوێنەکە و دووکانەکانی دەکرد و چاوی کەوتە سەر یەکێکیان لە دوکانی کەلوپەلی ناوماڵ دەچوو...
خێرا بەرە و ئەوێ ڕۆیشت و بێ بیرکردنەوە یان
وەستان بەدەم ڕاکردنەوە بە شانی دای لە شوشەی دوکانەکە و هەردوو دەرگا شوشەییەکەی ورد و خاش کرد..!

خەریک بوو بکەوێت کە چووە ژوورەوە و بە زۆر خۆی گرتەوە
سوپاسی خوای کرد کەشی ناوەوەی ئەوێ گەرم بوو هەرچەن پارچەی شکاوی شوشەکان لە قۆڵ و شانەکانی چەقین ئەو شوێنانەی چاکەتەکەی بەری داینەپۆشیبوو هەمووی بریندار بوو...