بقلم _( أوُزْآن )...
بأختصار الجمال شرق وهو غرب.
سالم وهو يشوف حب حياته : هلا بغنو قلبي.
انخرشت ولفت بتهرب وتجمددت بمكانها وهي تشوف سعد معه دلة القهوة مجهزها وعيونه تطلع شرار تكلم من بين أسنانه : وش جابك هنا؟.
تلعثمت : مااا.. مادري.. عمتي قالت.. مافيه احد.
نورة من ورهم : وه ياكبره عند الله تظلمين عمتك عمت عينك ان شاء الله.
انصدمت بس مو اول مره تجحدها عمتها التفتت عليها بتتكلم قاطعها كـف سعد الذي توسط خدها الناعم...
تجمعت الدموع بعيونها وهي تدعي ماتطيح قدامهم ومشت بخطوات سريعة داخل البيت تاركه وراها العاشق الولهان الي عيونه على سعد بحقد.
--------------------------------------
الرياض قصر ( سلـطان آل حـمـد )...
فتح الباب ودخل والتفت على ترحيب زوجته تتقدم له : هلا ورحب ومطر وسحب.
ابتسم لها : ياهلا بشيخة الحلوات.
تقدم لها وطبع قُبله على جبينها وابتسمت وأخذت شماغه وعقاله : ايوه كيف المنافسة؟
التفت لها ورفع حاجبه بأفتخار : فيه منافسة يدخلها سلطان ولا يكسبها؟
ضحكت وضحك معها وبدأو بسولفون وقطع عليهم دخول ولدهم الذي يبلغ من العمر 30: سلام عليكم.
ردو : عليكم السلام.
استغربو شكله التعبان ونطقت ام مروان بحنية : فواز حبيبي شفيك؟
تقدم وباس راس امه وابوه : ابد والله تعرفين القضايا تهلك.
مسحت على كتفه : الله يوفقك انت واخوانك.
ردو : آميييين.
استئذن فواز لغرفته وراح ينام ونطق ابو مروان بتساؤل : مروان جاء البيت؟
ام مروان : لا.
تنهد من ولده ونطقت بإستغراب : ليش صاير شيء؟
ابو مروان : ايه تهاوشت معاه.
أم مروان بتساؤل : شفيك عليه.
ابو مروان : عشان فتحت معه موضوع الزواج.
ام مروان : وقلت له عن عزيزة؟
هز راسه بالإيجاب وتنهدت : ماتعرفه انت مايحب احد يتحكم بحياته كيف زوجته المستقبليه.
___________________________
بـالـمـكـتـب...
دخل ورفع عيونه على ذياب بوسط الأوراق والملفات والأجهزة حوله وضحك بخفة : هد يابوي علامك ضاغط نفسك؟
تنهد ذياب والتفت له : كيف تبيني اهدي وهو مسرب مشاريع الشركة وفوقه ماخذ 5 مليون؟ولاتنسى أنسجنت ظلم بسببه.
تنهد وطلع سجارته وحطها بين شفايفه وشغلها : ماراح أنسى بس هونها وتهون ان شاء الله.
أنت تقرأ
أنخذل وتزداد الجروح وبكرا يطيب الجرح وأنسى لياليه
General Fictionالكاتبة : أوُزْآن. لا أسمح لأي شخص يقوم بنقل روايتي فهذه لي ومن تعبي وأنا بنفسي أجتهدت عليها وسهرت ليالي لكي أنجزها وأختمها.. فأتمنى أن لا أحد ينقلها أو يأخذها فأنا لن أسامحه سواءً بالدنيا أو بالآخرة.. ياوحشه الفراق على قلب مشتــاق حلمي لقانا بس ا...
