بقلم ( أوُزْآن )...
تقدم للباب يطرقه بعد ماطلب أبوه حضوره للمكتب دخل بعد ماسمح له بالدخول : السلام عليكم.
أبو مروان : عليكم السلام.
نواف : بغيت شيء؟
أبو مروان : أخوياك سافرو؟
نواف بأستغراب : لا ليه؟
أبو مروان : ودك تسافر مع أخوياك؟
نواف : اي والله ودي.
ابو مروان بأبتسامة : خلاص أحجز معهم و روح.
نواف بتوجس : يعني موافق ولا بكرا تغير رأيك؟
أبو مروان : ابد موافق روح وغير جو.
نواف : وش غيرك وانا لي أسبوع شوي وأبوس رجولك عشان توافق؟
أبو مروان برفعت حاجب : الحين جالس تحقق معي ورا ماتنقلع تلحق على أخوياك وتحجز معهم.
نواف : مادري عنك فجأة غيرت رايك.
أبو مروان : تدري شلون؟ مافيه سفره واجلس هنا وساعد أخوك على تجهيزاته.
فز نواف ونطق بسرعة : لالا خلاص يالغالي أمزح معك شفيك؟
أبو مروان بطرف عينه : أنقلع لا أغير رأيي.
نواف توجه للباب : يلا مع السلا...
قطع عليه أبوه : دقيقه تعال.
نواف التفت عليه : هلا؟
أبو مروان : أنتم وين مسافرين؟
نواف : إيطاليا.
أبو مروان : اهااه وكم تجلس؟
نواف بتفكير : أتوقع أسبوعين ونص على ماأظن.
أبو مروان : لا تروح إلا إذا حضرت ملكة أخوك.
نواف : لالا ماعليك بس بكرا ترى بسافر لدبي.
أبو مروان : وليه ان شاء الله؟
نواف : يالغالي نسيت الصفقة بعد بكرا.
أبو مروان : اي والله نسيته أعوذ بالله عاد الله الله بالشغل الزين.
نواف : ولا يهمك ماراح يكسبها إلا أنا وأنا ولد سلطان.
أبو مروان مركز بالأوراق بين يدينه : اي اي ونعم يلا توكل.
نواف توجه للباب : مقبولة منك فمان الله.
أبو مروان : فمان الكريم.
-----------------------------------------
طلع من الملحق بعد ماأخذ فروته وجواله وشواحنه
التفت لياسر متقدم له : تو الناس يابن الحلال أجلس وريح نفسك للعصر.
مشعل : لا الله يجزاكم خير ويكثر خيركم لازم أروح.
ياسر بأستغراب : ليه عسى ماشر؟
أنت تقرأ
أنخذل وتزداد الجروح وبكرا يطيب الجرح وأنسى لياليه
General Fictionالكاتبة : أوُزْآن. لا أسمح لأي شخص يقوم بنقل روايتي فهذه لي ومن تعبي وأنا بنفسي أجتهدت عليها وسهرت ليالي لكي أنجزها وأختمها.. فأتمنى أن لا أحد ينقلها أو يأخذها فأنا لن أسامحه سواءً بالدنيا أو بالآخرة.. ياوحشه الفراق على قلب مشتــاق حلمي لقانا بس ا...
