بقلم ( أوُزْآن )...
قراءة ممتعة....💙.
جلست سماء ونزلت السلة المليئة بأنواع التشوكلت والشبسات بالوسط وجلسو حوالينها...
فجر التفتت لمنار : هي صدق تأجل زواجك؟
منار هزت راسها بالإيجاب : ايه.
فجر بقهر : ليه تأجلونه؟
منار ناظرتها بطرف عينها : تستهبلين؟ نتزوج ومروان بالسجن؟
فجر : طيب عادي إذا طلع صار باقي أسبوعين على الزواج.
منار : يمكن مايطلع لا سمح الله؟ أصلاً عاجبني أنه تأجل.
سماء : اي والله حتى انا عاجبني.
فجر تأففت : طيب متى أتفقتو؟
منار بأبتسامة : بعد شهر.
فجر بصدمه : لا عاااد ! خير ليش هالبعد؟
سماء ضحكت بخفه : وأنتي وش عليك؟ هم اللي بيتزوجون و يقررون من نفسهم.
منار : اي والله صادقة.
فجر بقهر : أجل بحريقة انا وش علي منكم؟
منار ضحكت وضربت فخذها : أقول أتركي الزعل على جنب وقولي لي وش صار على الحبيب علامه ما جاء؟
فجر أبتسمت وعدلت جلستها : ماقلت لكم؟
سماء ضحكت ونطقت : نست الزعل.
ضحكت منار : لا ماقلتي لنا وش صار؟
عدلت جلستها وبدأت تقولهم الموقف وشهقت منار : هذا شفيه؟ كل ماشافك يتغزل؟ قال تحسنت بعد شوفتك قال وجع اي والله وجع.
فجر ضحكت بنعومة : شفيك عليه؟.
سماء بأبتسامة : طيب وش قصده اللي يقول ما أنتهت مواعيدي عندك؟
فجر بتفكير : ما أدري عنه.
منار بأبتسامة : يمكن يبي يجيك بدون مواعيد ويجلس معك.
فجر بصدمه : سلامات يابوي خير وين عايشين أحنا؟
منار ناظرتها بطرف عين : وانا شدراني عنك أنتي وياه.
سماء : يمكن يقصد يخطبك؟
فجر مسكت راسها بصدمه : نعنبو بليسكم هالأفكار من وين لكم؟
-----------------------------------------
الــيــوم الــتــالــي ....
الـــســاعــة 10:00 صـبـاحـاً ....
التفت لجواله يرن بأسم مشعل أبتسم و رد : هلا والله.
مشعل : هلا فيك شلونك؟
سعد : بخير الحمدلله أنت أخبارك؟
مشعل : بخير دامك بخير، فاضي الليلة؟
أنت تقرأ
أنخذل وتزداد الجروح وبكرا يطيب الجرح وأنسى لياليه
General Fictionالكاتبة : أوُزْآن. لا أسمح لأي شخص يقوم بنقل روايتي فهذه لي ومن تعبي وأنا بنفسي أجتهدت عليها وسهرت ليالي لكي أنجزها وأختمها.. فأتمنى أن لا أحد ينقلها أو يأخذها فأنا لن أسامحه سواءً بالدنيا أو بالآخرة.. ياوحشه الفراق على قلب مشتــاق حلمي لقانا بس ا...
