بقلم ( أوُزْآن )...
المره هذي البارت أطول من قبل.. !
قراءة ممتعة...💙.
زادت دقات قلبها بتوتر لما سمعت التبريكات والصراخ عرفت أنها أصبحت حَرم فواز...
التفتت لدخول أمها عليها هتفت بأعجاب : ماشاءالله تبارك الله قمر بسم الله عليك يلا تعالي أنزلي معي.
منار بتوتر ورعب : وين؟
أم منار بأستغراب : وين يعني؟ أكيد لفواز بيشوفك يلا تعالي.
منار بتوتر : خلاص يمه خايفة مابيه خليه يروح.
أم منار بذهول : هاااه؟ وش خايفة منه؟
منار : مادري.
أم منار بعصبية : أقول أمشي لا أهفك بكف يمشيك.
منار بحلطمه : طيب راعي مشاعر بنتك أقولك خايفه تقولين أهفك كف؟
أم منار سحبت ذراعها وتوجهت فيها لباب الغرفة : أقول عن الدلع لو ما أخذتيه طقيتي ومتي أمشي قدامي الولد ينتظر.
منار تمشي من الدرج بخطوات سريعة من سحب أمها لها : بشويش يمه تراه ماهو طاير.
أم منار : أص ولا كلمه.
توجهت لصاله مع أمها وأبتسمت بخجل لما صارخو خالاتها وبناتهم لشكلها وجمالها..
تقدمو لها وباركو وحضنوها بفرح أنحرجت من كلامهم ومدحهم لها.
ضربتها فجر من كتفها : عشتو ! ماعرفتك تو أدري أنك تستحين؟
ناظرت لها بطرف عين : ليه وش شايفتني؟ ماعندي مشاعر؟
فجر : لالا حشى.
منار ضربتها من جنبها : أشوا عبالي.
فجر بحلطمه : آآآي وجع.
منار : افف فجر والله خايفه مابي.
فجر بصدمه : من وش؟
منار تشتت نظراتها : فواز.
شهقت فجر بقوة لدرجة جذبت الأنظار لها أردفت أم مروان بأستغراب : شفيك يا أمي؟
فجر بتتكلم قاطعتها منار بأنحراج : انا قرصتها.
أم منار : نعنبو بليسك تهبدين هنا وفواز ينتظر بالمجلس؟
وقفت وأتجهت لها مسكت ذراعها وسحبتها للمجلس لترى فواز.
منار : يمه شفيك ترى توه عند الرجال ماجاء.
أم منار التفتت لها : فهد دق علي وقال أحنا متوجهين للمجلس خليها تجلس فيه.
منار : طيب خليه يدخل وأنا بعده أدخل.
أم منار بعصبيه ورفعت يدها بوجه منار بتهديد : مناروه... والله لا أبطحك وأتوطى ببطنك، أدخلي وتعوذي من بليس.
منار تأففت : خلاص خلاص بدخل.
راحت أمها للحريم وتركتها.
التفتت وراها للباب ورفسته برجلها و أول مادخلت طاحت عيونها بعيون فواز وأخوها فهد واقفين عند الباب الثاني.
عضت شفايفها بأنحراج تمنت تنشق الأرض وتبلعها.
بلعت ريقها برعب من نظرات فهد لها وأردف بحده : وش فيه؟
منار غمضت عيونها ماتدري كيف ترد فتحتها لما نطق فواز محدث فهد بمزح لينقذها : ياخوي خلاص رح لا يكون بتجلس عندنا؟
فهد ناظره ونطق : لا بجلس عند الباب لك خمس دقائق واطلع إذا طولت دخلت عليك وسحبتك هذا انا قلت لك.
فواز أتسعت عيونه : لا والله ! شوفة شرعية هي؟ أقول أطلع زوجتي وأبي أقعد معها انت وين موقعك بالإعراب؟
فهد ضحك و أتجه للباب وطلع وقفله معاه.
فواز التفت لها وتقدم ونطق بأبتسامة : علامك كنتي بتكسرين الباب لهدرجة متحمسه لشوفتي؟
منار دمعت عيونها بأنحراج وصدت عنه بتطلع أسرع بخطواته ومسكها ولفها له وأنصدم لما شاف دموعها حضن وجهها بين كفوفه ومسح دموعها : افااا.. أمزح ياروح فواز أمزح. طبع قُبلة على جبينها.
ومسك يدها ونطق : تعالي.
وسحبها معاه جلس ع الكنب وجلسها بجانبه التفت لها يناظرها بأعجاب : بسم الله عليك جميلة من وأنتي صغيرة من شفتك تهبدين بنات الناس مايقربون مني حبيتك وعشقتك.
منار أبتسمت بأنحراج وأتسعت أبتسامته لما أبتسمت ونطق : علامك ماتتكلمين؟ لا يكون بلعتي لسانك؟
منار ضحكت بخفه ونطقت بتوتر : مادري.
ضحك وحضن أكتافها يقربها له : اااه ياروحي.
أبتسمت تشوف ضحكته وهتفت بدون شعور : يالبى الضحكة يناس.
ضحك بقوة وأدرف : ايه خليك كذا تكلمي معي.
غمضت عيونها بأنحراج وفتحتهم لما نطق : متى تبين الزواج؟
منار رفعت أكتافها : مادري كيفك.
فواز يمسح على شعرها : شرايك بعد شهر؟
ناظرت فيه بصدمه : لالا سلامات؟
فواز : ليه؟ بالعكس أبيه بعد شهر بالاجازة.
منار بأستغراب : ليش؟
فواز : لان بنروح لندن و بنطول هناك وانا أبي أخذك معي عشان مره وحده نسافر من هناك نروح شهر العسل.
منار فكرت وأعجبتها الفكرة : خلاص حلو ماعندي مشكله.
فواز بصدمه ابداً ماتوقعها توافق : صادقه؟
منار أبتسمت بنعومه : أيوه.
فواز ناظرها بحب ونطق : شرايك الأسبوع الجاي الزواج مو أحسن؟
ناظرت فيه بصدمه : لا عاد ! تدري شلون بعد خمس شهور تعال وخذني.
ووقفت بتروح ضحك بقوة ووقف ومسكها : خلاص يابنت الحلال بعد شهر.
منار أبتسمت : ايه كذا حلو.
فواز : خذي رقمي من خالتي بتواصل معك.
منار هزت راسها بالايجاب : طيب، تبي شي قبل أروح؟
فواز أقترب لها ونطق بهدوء : ايه.
منار بأستغراب : وش تب.... أصمتها بقُبلة هادئة بطيئة على شفتيها الناعمة يعبر عن حبه لها.
أبتعد وأبتسم بخفه ونطق بهمس : يلا روحي.
أنصدمت ابداً ماتوقعت أنحرجت وأبتعدت عنه توجهت للباب فتحته وطلعت.
أنت تقرأ
أنخذل وتزداد الجروح وبكرا يطيب الجرح وأنسى لياليه
General Fictionالكاتبة : أوُزْآن. لا أسمح لأي شخص يقوم بنقل روايتي فهذه لي ومن تعبي وأنا بنفسي أجتهدت عليها وسهرت ليالي لكي أنجزها وأختمها.. فأتمنى أن لا أحد ينقلها أو يأخذها فأنا لن أسامحه سواءً بالدنيا أو بالآخرة.. ياوحشه الفراق على قلب مشتــاق حلمي لقانا بس ا...
