بقلم_ ( أوُزْآن )...
جواد : اكيد ياحبيبي كله من خير مروان.
سياف عدل جلسته : يازين اليوم الي يكون قدامي انا بعذبه بدال مروان.
ضحك بتار : عاد انت ياحبك للعنف والتعذيب تتلذذ.
سياف ابتسم شبه ابتسامة ونطق هجرس : اخخ كل ماأشوفه أمسك نفسي عنه.
جواد : أنتبه لا تغلط ولا تعرف كيف يتصرف معك مروان.
سياف يناظرهم بطرف عينه : ماأدري ليش لف ودوران أروح أنا وأجيبه عند رجول مروان.
بتار اتسعت عيونه : تستهبل؟
قطع عليهم دخول ذياب ووقفو يسلمو عليه وجلس ذياب ورفع نظره لهم: هاه شصار؟
جواد : ماعليك باقي بس بتار يروح له ويهدده.
ذياب التفت لبتار : الله الله بالشغل الزين.
أبتسم بتار : ازهله ولا يهمك.
وقف وعطاهم ظهره متوجه للباب: عاد ماأوصيكم فتحو عيونكم والتفت لهم قبل يطلع : عُلم؟
أبتسمو :عُلم.
------------------------------------
اليوم التالي
الساعة 3:00 عصراً...
الجد واقف عند السيارة ويرتب الأغراض وياسر وسعد يرتبون معه...
خلص الجد وياسر وراحو متوجهين للبيت ينادي: يام سعد.
جت الجدة : لبيه.
الجد : لبيتي حاجه يابعد عيني.
ضحك ياسر : ياعيني على الغزل انا.
الجد ناظره بطرف عينه: أرفع أرفع علومك.
ياسر : أبشر طال عمرك.
التفت الجد للجدة: هاه خلصت ألاغراض ولا باقي؟
الجدة : لالا خلاص.
الجد : أجل هاتو القهوة بنتقهوى اذا اذن نمشي.
الجدة : اي والله وقته.
وراحت تنادي لويس وجت غنى وهي لابسه عبايتها وطرحتها على اكتافها ومحرره شعرها ونقابها بيدها.
: هاه نمشي؟
ياسر : لالا بنصلي ونمشي.
غنى : اهاه.
دخل سعد : يبه ترى انا بروح قبلكم.
الجد : ليه؟
سعد : بشوف المزرعة وابي أشتري أغراض.
الجد : اييه زين الله يستر عليك أنتبه لطريق.
سعد : أبد أبشر تبي شي؟
الجد : سلامتك..
سعد : الله يسلمك ، وطلع.
أنت تقرأ
أنخذل وتزداد الجروح وبكرا يطيب الجرح وأنسى لياليه
General Fictionالكاتبة : أوُزْآن. لا أسمح لأي شخص يقوم بنقل روايتي فهذه لي ومن تعبي وأنا بنفسي أجتهدت عليها وسهرت ليالي لكي أنجزها وأختمها.. فأتمنى أن لا أحد ينقلها أو يأخذها فأنا لن أسامحه سواءً بالدنيا أو بالآخرة.. ياوحشه الفراق على قلب مشتــاق حلمي لقانا بس ا...
