أنا لك خائن

𝐂𝐡𝐚𝐩 | 03

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

••••••••••••••••••••

مادي  :  سادن هادي هيا ميرفت  ...  ميرفت هادا هوا سادن  ..

شافت فيها ميرفت ورجعت شافت في سادن  ..  يعني هادا هوا راجلها  ..  كيفاه معرفاتوش  !!  ..  ما اساسا كيفاه تقدري تتذكري شخص وانتي مشفتيهش من اربع سنين  !!  اما علاه من كل الكلام لي قالوه عليه ولا وحدة قالت انو جمالو حد الفتنة ..  كأنو إله من الالهة الاغريقية  ..

تبسمت تبسيمة هادية وهيا تشوف فيه بعدها مدت يدها ليه  ..  شاف فيها ورجع شاف في يدها  ..  مد يدو حتا هوا وصافحها  ..  لتنين نزلو نظراتهم ليدهم كأنو في شي غريب صرا بسبب تلامسهم  ..  شبه ابتسامة ترسمت على شفافو وهوا يشوف فيدها يلي بلعتها يدو ..  هزلها راسو بكل هدوء وحكا  ...

سادن  :  متشرفين آنسة  ...  ميرفت  ..

هزتلو راسها بنفس الابتسامة وبنفس نبرتو الهادية جاوباتو  ..

ميرفت  :  الشرف ليا مسيو سادن  ..  صدقني سمعت بزاف صوالح عليك خلاوني متشوقة نتعرف عليك وخصوصا عقليتك وشخصيتك ..

اااه دقيقة يعني هيا حاليا تتمسخر بيه  !!  .. طلقت ضحكة خفيفة وسحبت يدها من يدو بكل هدوء  .. طلع حاجبو على اخر كلامها ومسح على دقنو  ..  رجع حكا بنفس النبرة الهادية خالها تنتابهلو  ..

سادن  :  ونقدر نقول أنو شي لي سمعتيه مش مليح فحقي  !! ..

كبحت تبسيمتها حتا متظهرش لانو بالاساس قاتلو بطريقة غير مباشرة على الكلام لي يتقاال عليه  .. اساسا عارف هاد شي وكل كلمة تتقال عليه  ..  عضت شفتها وقت فلتت تبسيمة من شفافها  ..  شي لي خلا مادي ومنصف يضحكو مع بعضهم من عملتها  ..  هيا فعلا متتغيرش حتا لو تقولك الكلام  بطريقة هادية ولطيفة اما صدقوني معناها أبعد مما يكون عن اللطافة  ..  قلب عينيه بملل وشاف فيها وقت طلقة ضحكة خفيفة  ...  رجعت شافت فيه وحكات مزالها تضحك  ...

ميرفت  :  ههه سامحني مسيو سادن أما مش بقصدي  ..

هزلها براسو ورجعتهالو  ..  شافت في منصف وشي لي في يدو  ...  مدتلو يدها حتا تاخذو وهوا فهم عليها  ..  شدت داك الكارني وبدات تقرا  ..  عقدت حواجبها وشافت فيه  ..

ميرفت  :  راك غالط فالميزانية ولد العم ومن الافضل تروح تشري هاد الصوالح من " أونو  " اكيد تلقا الرخس تماك مش فلافيل راح يحرقوك وصدقني انت مش ناوي تفلس قبل زواجك وتحرم مرتك من شهر العسل .. ولا لا  !!  ..

طلعتلو حاجبها بمكر وتبسمت تستفز فيه  ..  قلب عينيه بملل وشد عليها الكارني  ..  شافت فيه مادي وحكاات بأسف ..

مادي  :  للاسف ربي بلاك ببنت عم كيفها اتحمل ياخويا  ..

منصف  :  ما أساسا هادا واش نعمل  ..

هزتلو بكتافها وتحركت من تماك دور فالكوزينة  .. رجعت حكات كأنو مش مهتمة  ..

ميرفت  :  همم من المفروض تشكرو ربي صباح وعشيا لانو رزقكم بوحدة كيفي  ..  كيفاه تتكبرو على النعمة  !! ... و انتو من وين راح تلقاو وحدة مثلي  !؟ ..

شافو فيها كلهم وعملو نفس جاست  ..  طلعو حواجبهم بنفس الطريقة وسادن مسح على دقنو  .. حركة بسيطة خلاتو يبان مثير لدرجة مرهقة وهادا واش لاحظاتو ميرفت  ... شافت فيهم واحد واحد ورجعتلهم جاست  ..

ميرفت  :  متشوفوش فيا هاكا كأنو عملت ذنب  .. 

رمات شعرها ورا ضهرها بكل غرور وقعدت فوق الكرسي تاكل فالتوست تاعها بالشوكولا  ..  تلفت سادن لمادي ومنصف وقت ضحكو  ...

مادي  :  سادن مهيش نرجسية ومهيش مغرورة راها تڨصر لا غير لانو تحب تستفز منصف  ..

منصف  :  كلامها صح ههه  ..

هزلهم براسو وشاف فيها كيفاه تشوف فيهم وتتبسم  ..  عضت شفتها وشافت في مادي تحكي  ..

ميرفت  :  مادي ظاهر زوجك خذا نظرة مش فمحلها عليا  ..

شافت فيه وطلعتلو حاجبها  ..  رجعلها نفس الجاست حاط شوفاتو الغامضة عليها  .. ببحة خشينة وصوت هادي حكا لافت انتباههم  ..

سادن  :  قدامنا وقت طويل حتا ناخذ النظرة الصح عليك  ..  الحكم يكون من عدة مواقف تماما مثل المحكمة ادا حبيت تحكم على شخص يلزم شعال من جلسة وشعال من دليل حتا تاخذ القرار الصح  ..

ميرفت  :   وانت القاضي لي راح تحكم حول شخصيتي وكيفاه راح تكون من وجهة نظرك  ..

تبسمت بمكر وخلات لسانها يمسح على شفافها  ..  رجعت نطقت بكل مكر عينيها على عينيه  ..

ميرفت  : مالا جهز حالك للمحاكمة  ..

رمات كلامها وتبسمت باستمتاع  .. شي لي خلاه يبادلها نفس الابتسامة بلا ارادتو  ... الظاهر كانت غالطة والاحلى راح تتوافق معاه ..  شافت فيهم مادي وتبسمت  ..  هزتلها راسها بمعنى واش قتلك خلات ميرفت تقلب عينيها  ..

ميرفت  :  مادي مزال  ..  مزال ياروحي  ..

حطت من يدها تنفض فيهم وتقدمت منهم  ..  شافت في سادن وحكات تبسيمة على وجها  .. بنبرة هادية خرجت الكلام من حلقها خلاتو يركز مع حركة شفافها  ..

ميرفت  :  انت مش بهاد السوء صدقني  ..

طلعلها حاجبو  ..  وحكا بنفس النبرة ممزوجة بالمكر خلاتها تعض على شفتها  ..

سادن  :  متتسرعيش مزال قدامك الوقت حتا تحكمي  ..

تبسم على اخر كلامو خلاها تضحك بخفة  ..  وأخيرا لقات شخص تستمتع معاه هيا تحب المراوغة والمكر فالكلام وصعيب انو شخص يتوافق معاها او يفهمها و وقت قالت بنت عمها راح تتوافق معاه كانت قاصدة واش تحكي  .. تلفتت لمنصف وحكات  بهدوء ..

ميرفت  :  إيمتا رايح تشري  !!  ..