أنا لك خائن

𝐂𝐡𝐚𝐩 | 08

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••••••••••

خرجو مع بعض من غرفتها ودخلو للغرفة وين كان قاعد سادن وحاط ادواتو الطبية قدامو  ..  كان يفصل بينهم مجرد حائط شي لي خلا مادي تطمن كتر عليها  .. توجهت ليه وعينيها يتفحصو كل تفصيل منو  ... طاحت عينيها بالصدفة على حرفين موشومين على سبابتو  .. تبسيمة ماكرة ترسمت على شفافها وقت عرفت معناهم رغم انو الكلمة مش كاملة  ... بحركة خفيفة تلفتت لمادي تتاكد ادا كاين تكملة الكلمة على يدها اما ملقات ولا شي  ..  شي لي خلاها طلع حاجبها باستغراب  .. 

قدمت قعدت اونفاص ليه ومادي قعدت فوق سرير تراقب فيهم  .. حكم سادن يدها بلاما يطلع فيها وحط جهاز قياس الضغط عليها  ..  وزنلها ضغطها لقاه طايح على غير العادة  ..  طلع حاجبو وشاف فيها  ..  لقاها تشوف فالجهاز وشعاال راه ضغطها  ..  عضت شفتها وقت شافتو نازل  ..  طلعت شوفاتها ليه شي لي خلا نظراتهم يتلاقو  ..  رمشت مرة وثنين وهيا تشوف فلون عينيه لي نعاكس عليهم ضوء الغرفة ورغم انو شعال وهوما مع بعض فالخارج الا انها مقدرتش تميزهم حتا لدرك  ..  حكات بصوت خافت مش واعية على نفسها  ..

ميرفت  :  عينيك يهبلو  ..

على كلامها ضحكت مادي بخفة وهيا تراقب فردة فعلها  ..  حكات بنبرة هادية مجاوبتها على كلامها  ..

مادي  :  صدقيني صرالي نفس الموقف لما شفت لون عيونو فالضوء  ..

تلفتت ليها وطلعت حاجبها بخبث ميلت راسها على جنب خلات خصلات شعرها يطيحو على كتفها وحكات بكل هدوء  ..

ميرفت  : غيرت رأيي حابة نزوج ولازم يكون عيونو مثل عيون سادن او مش راح نزوج  ..

خبطت كف يدها على جبينها وشافت فيها عاقدة حواجبها  ...

مادي  :  ونا وين نلقاهلك  !!   ..  انتي علاه دايمن تخيري الامور الصعيبة علينا حتا منقدروش نفذوها وتنفذي رأيك برك  ..

تبسيمتها الماكرة توسعت وقت سمعت كلامها  ..  لأنو فعلا هادا واش تعمل  ..  تخير اكثر الطرق غرابة وصعوبة حتا يعجز الشخص ينفذها وبعدها تخليه يحس انو هوا لي منجحش وتنفذ واش في بالها  ..  طريقة لطيفة حتا تخليك توافقها الرأي غصبا عنك  ..

رفدت يدها وبعدت شعرها من كتفها بكل غرور كاشفة رقبتها وعظام ترقوة  .. دارت رجل فوق رجل متركزة على الكرسي ناسية الشخص لي قدامها كليا ولي نظراتو حفظو كل تفصيلة منها وكل حركة عملتها بإرادتها او بدون ارادتها  .. حدة عيونو كانت مثل عيون صقر لما يصطاد فريستو من الاعلى وهوا يدرس في تحركاتها بدون ارادتو ..

تركزت بمرفقها على الكرسي وميلت راسها تحكي مع مادي شي لي خلا رقبتها توضح كتر كأنها تقدملو فعرض اغراء مجاني ... حكات بكل مكر وهيا تضحك بخفة وشي لي زاد طين بلة  ..

ميرفت  :  لانو ببساطة نحب نفذ رأيي لا غير  ...  كلام ناس مش معيار حتا نتصرف على اساسو  ..

لف وجهو للجيهة ثانية على اخر حركة عملتها وسب حالو دخلاني ..  مش عارف علاه بدون ارادتو يلقا روحو يشوف فيها  .. صدقوني هاد الامر سببلو ازعاج اكثر مما يتوقع  ... وخاصة الحركة لي عملتها قدامو زادت طين بلة لا غير ..

فنظرها هيا مجرد حركة اما فنظرو هوا حركة مغرية حد اللعنة تخلي اي رجل مثار منها  ..  وخصوصا نظراتها الماكرة ..  قام من مكانو بكل هدوء مخليها تحكي على راحتها مع مرتو وجاب جهاز قياس النبض  ..  رجع حكا معاها مخليها تركز معاه  ..

سادن  :  خليني نقيس نبضك وبعدها نكتبلك وصفة  ..

هزتلو براسها بكل هدوء وبسمتها بهتت كليا بسبب صداع لي حكمها  ..  هيا لازم ترقد وحالا لانو ادا بقات هاك راح تفقد وعيها  ..  قاس نبضها يحاول على ميقدر انو ميلمسش بشرتها لانو الغوب لي كانت لابستها كاشفة بشرتها  ..  غي كمل شاف فيها  ..

سادن  :  ماراكيش تاكلي غاية على هادي ضغط هود والم رأسك من الاحسن تشربي اعشاب مهدئة للاعصاب أحسن من دوا  ...  مادي تعرف طيبهم راح طيبهملك وشربيهم مرين  ..

شاف في مادي وهزلها براسو تبسم بكل هدوء ..  رجعتلو نفس جاست وتبسمت  ..

مادي  :  خلاص راني طيبتهملها دك تروح تشربهم وترقد شوي تريح  ..

قامت من مكانها وشافت فيهم بابتسامة هادية على وجها  ... 

ميرفت  :  شكرا على اهتمامكم ودروك راح نخليك لازم نرقد احسن مانوقع فهاد اللحظة  ..

تلفتت بكل هدوء وتحركت رايحة لغرفتها  ...  غي خرجت من الغرفة تلفت سادن لمادي ميل راسو على جنب وحكم دقنو يمسح عليه حركة يعملها بلا ارادتو وخصوصا ادا كان يخمم في شي  ... حكا بكل هدوء  وهوا يشوف في مادي ...

سادن  :  بنت عمك غامضة بطريقة غريبة .. 

ضحكت مادي بخفة وهزتلو براسها  ..

مادي :  هيا بالاساس غامضة مرات تخليك تستغرب من تصرفاتها او طريقتها فالتفكير اما بعيدا عن الغرابة هيا احسن مما تتوقع تخليك تنساجم معاها وتحب تحكي معاها وخصوصا ادا فهمت طريقة استفزازها او مكرها  ..

هزلها براسو وتلفت يجمع فالعدة تاعو  ..  شبه ابتسامة ترسمت على شفافو وهوا يذكر فيها  ...  تمتم بين شفافو بعدها قام من مكانو  ... 

سادن  :  مميزة  ...