أنا لك خائن

𝐂𝐡𝐚𝐩 |52

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

••••••••••

عند عايلة التوهامي  ..

فاتت هاديك ليلة وجات ليلة العرس وين كانت الفيلة على طولها محاوطة بالسيارات من كل الانواع  ..  الدنيا كانت مقلبة بصوت تزمار وعياط الرجال في كل بلاصة  ..  منهم لي يبعد فالولاد على طريق ومنهم لي يحكي مع صحاب السيارات حتا يعدلو رواحهم ومنهم لي يدخلو فالضيوف يلي بداو يجو للعرس  .. 

ومن كل هاد الفوضى كان قاعد وسط شومبرتو ويشوف في جهاز العروسة يلي جابوه الصباح وكيفاه خملاتو امو مع خالتها واختها او خزانتو يلي قسموها على ثنين وصارت الجهة اليمنى كلها ثياب بناتية وعطور ومكياج ..  بقا صافن فمكانو وكل همو كيفاه راح يعيش مع هاد البنت  ..  هوا فعلا خايف أنو يضلمها  ..  البنت بريئة معندهاش ذنب فشي لي يصرا في حياتو وهيا مهيش ضحية حتا يخليها تعاني  بسببو ..  تنهد بقوة ووقف فمكانو توجه للمراية عدل ثيابو  ..  شاف لحالو ثواني قبل لا يتبسم  من هاد الدقيقة لازم يخمم برك في مرتو وكيفاه راح يبني حياتو معاها وهاد واش لازم يصير  ..  تحرك بخطوات ثقال وفتح لباب خارج منو  ..  غي غلقو وتلفت لقا وراه ميرفت يلي كانت جاية ليه  وتتبسم  .. 

لابسة قفطان فالازرق الملكي مطرز بالخيوط ذهبية وشعرها جامعاتو على شكل كعكة مهملة وحاطة تاج فالاصفر  مع عقد خفيف وأقراط ..  شاف فيها من الفوق للتحت وصفر بقوة  ..  شي لي خلاها تضحك بكل قوتها  ..

منصف  :  واش هـادا  !!  ..  حـابة تـخطفي الاضـواء مـن مـرتي هـاد اللـيلة  !!  ..

تبسمت بمكر ورقصتلو حواجبها  ..  بادلها نفس الجاست وضحك عليها  .. حمحمت وحكات بكل غرور  ..

ميرفت  :  راح نـخطف القـلوب مـش الاضـواء بـرك  ..

منصف  :  عـلى الاقـل متـبقايش سيـنغل بـائس  ..

شافت فيه بنص عين وقحرتلو  ..  تبسم بخبث وقدم محاوط كتفها وتحركو من تماك بينما يحكي  ..

منصف   :  الحـق يـقال حتـا أنـا حـاب نـزوج خـتي مـع شخـص يـحبها ويـحطها فعـينيه  ..

تخمامها كلو تركز على سادن وهيا تسمع في كلامو  ..  تبسمت معاه وحكات بكل هدوء مغيرة الموضوع ..

ميرفت  :  بالمنـاسبة أنـت راح تـروح مـعانا   !!  ..

منصف  :  راح نـروح مـع سـادن ومـادي  أمـا مـش أنـا لـي نـخرجها مـن دارهـم يـما راح تعـمل هـاد شـي  ..

ميرفت  :  بـراحتك  ..

كملو نزلو التحت وين كان الكل قاعد و مجهز روخو حتا يروحو للكوتاج  ..  شوي هاك وجا عندهم مهدي  ..

مهدي  :  هيـا الكـل يخـرج راه الوقـت  ..  رجـال راح يـقلعو  .. 

وقفو الكل وتحركو حتا يخرجو بينما ميرفت بعد يد منصف وتحركت بسرعة لعندو  ..

ميرفت  :  مهدي حـابة نـروح مـعاك  ..

معهدي  :  راح نـروح مـع صـحابي مـكانش كـيفاش تـروحي مـعايا  ..

ميرفت  :  يـا تـحكي صـح  ..

زمت شفافها قريب تبكي من القنطة  ..  شي لي خلاه يشوف فيها باستغراب  ..  قدم منها وحط يدو على كتفها  ..  حكا بكل هدوء وعيونو يحومو على ملامحها  ..

مهدي  :  واش كايـن  !!  ..  ملـقيتيش مـعامن تـروحي  !!  ..

ميرفت  :  مـلقيتش  بـابا خـذا مـاما وخـالاتي وليلـى خـذات صـابرين مـع مـيلاف وهـايدا  ..  وأنـا  !!  ..

تبسم على جنب وهوا يشوف في ملامحها قرصها من خدها وضحك  .. هيا فـعلا طـلعت كأننا طفلة وهيا تحكيلي بهاد طريقة  ..  حكـم خـدها ثاني وقرصهم بينما يحكي  ..

مهدي  :  واش رايـك تـروحي مـع مـادي ومـنصف نـظن مـش راح يـروح مـعاهم شـخص آخـر  ..

ميرفت  :  لالا مـش حـابة نـروح  ..  قـصدي عـمتو هـديل سـمعتها تـحكي أنـها راح تـروح مـعاهم  .. 

شاف فيها لفترة بـعدها شاف من  ..  هوما هاك وقدم منهم منصف  ..  عقد حواجبو وهوا يشوف فيهم حكا يهدوء بينما ينقل فنظراتو بينهم  ..

منصف  :  واش كايـن  ..

مهدي  :  مـلقاتش مـعامن تـروح بـحكم كـل السـيارات محـجوزة مـن غير لـي راح نـجيبو فـيهم أهـل العـريس  ..

شاف فيها منصف لفترة اما بعدت عينيها منو لأنو عارف مليح علاه مش حابة تجي معاهم وهوا صا يوم عن يوم يتاكد بهاد شي..  تبا...  تبا للحقير لو يعرف برك انو عمللها شي او خمم في شي راح ينسفو من الارض  ..  شاف في مهدي وحكا  ..

منصف  :  شـوف كـاش واحـد مـن رجـال يـاخذها متـخليهاش وحـدها  ..

مـهدي  :  راح نـشوف مـع عـمي مخـتار  ..

هزلو براسو وراح من تماك  ..  شاف في ميرفت يلي تشوف في امها تحكي مع باباها وظاهر أنهم مدابزين  ..  يوم كامل وهيا تقنع فيه انها حابة تاخذ لبنات ويرجعو اما رفض هاد شي كليا كيفاه تاخذ لينات وتروح منا واش يقولو عليها  !!  ..  والاهم راح تزعف عجوزتها ويامنة كيفاه تخلي العرس قايم وتروح لبيتها  ..  تنهدت بقوة وقلبت عينيها لمنصف  ..

منصف  :  بـعد العـرس راح تـحكيلي واش لـي راه صـاري بيـنك وبـين سـادن  ..

ما اللعنة  !!.. تبا تبا تبا .. اقتلوها  ..  واحد منكم يقتلها يا عالم  ..  بلعت ريقها وهزتلو براسها موافقاتو وتحركت من تماك  ..  للحظة حبت تبكي  تنهدت بقوة وقعدت فكرسي تماك بقات تشوف فالناس لي يدخلو والغرازين يلي يتجاراو وكاين لي يلعبو  ..  بقات على حالها حتا شافت سادن داخل للباب اما توقف فمكانو لما شافها قاعدة بديك الطريقة وتشوف فيه  ..  بلع ريقو وقت قلبو ضرب بقوة  ..  شاف فيها من الفوق للتحت على اقل من مهلو  ..  تبا تبا كانت فاتنة حد اللعنة  ..  صدقوني حابب وفهاد اللحظة يسرقها  ..