أنا لك خائن

𝐂𝐡𝐚𝐩 | 25

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••••••••

منصف  :  اعـملي لـي حـبيـتي فـي كـل الاحـوال أنـا الخـاسر الوحـيد  .. 

رما كلامو وقام من  مكانو مخلي امو تشوف فيه عاقدة حواجبها  .. خرج من الصالون تحت نظرات لبنات يلي كانو يراقبو فيه من لما قعدو شي لي خلا ميلاف تغمز هايدا  ..

هايدا  :  واش  ..

ميلاف  :  إلحقـيه  ..

هايدا  :  مـش حابـة لانـو قلـبي يـوجعني لـما نشـوفو  ..

ميلاف  :  حـتا هـوا لـيكي حالـتو مـسكـين  .. لـو مـش مـرت عـمي هـوا مـكانـش قـبل بهـاد الـزواج وأنـا متـأكدة أنـو يـحبك  ..

شافت فيها لفترة مترردة بعدها قامت بسرعة لاحقاتو  ..  غي خرجت من صالون قابلها خارج من باب جنينة  ..  لحقاتو بسرعة قبل لايخرج أي شخص ويشوفها وخاصة امها يلي حذرتها انو تقرب منو بطريقة كبيرة وهوا راح يزوج  ..  وفهاد اللحظة تبا للجميع وتبا للكل ادا كانت غايتهم فراقهم لانو منا ورايح مش راح تخبي مشاعرها عليه ابدا  ..

اما فالجيهة الثانية  ...

تبسمت بكل مكر وهيا تشوف فيه شي لي خلاه يقرب منها بخطوة  واقف مقابلها تماما بينهم خطوة لا غير .. طلعت راسها ليه بسبب فارق الطول الشاسع  لي بينهم .. وبكل هدوء انحنى لمستواها مقرب من وذنها حتا يهمسلها  ..  للحظة غمضو ثنيناتهم عيونهم وهوما يستنشقو في عطر كل واحد منهم  ..  كان مثل الغريق لما خرج من الما وهوا يشتنشق في ريحتها بهاد الطريقة كأنو روح ترجع لجسدو بعد ماكانت راح تخرج ..  كأنو مدمنين ببعض ولقاو إدمانهم  .. همس بصوت خافت مخلي انفاسو تضرب في رقبتها  ..

سادن  :  ونـا نحـب الاسـتغلال مـن النـاس الممـيزة  ..  أمـا لـما يـكون بطـريقة مثـيرة مـثل صـاحبتو  .. الامـر تـماما مثـل الادمـان كلـو متعـة  ..

على اخر كلامو تلفتو لتنين يشوفو في بعض لدرجة ارنبة نيوفهم تلامست  ..  رمشت مرة وثنين وهيا تشوف في زرقة عيونو  ..  نزل شوفاتو لشفافها وبلع ريقو  ..  تبسمت على جنب بكل مكر وطلعتلو حاجبها  ..  حطت سبابتها على صدرو ونطقت كلامها بينما فنفس الوقت دفعاتو بعيد عليها  ..

ميرفت  :  الادمـان عـلى بـعض الامـور مـضر للصـحة تـماما مـثل الاشـخاص المـثيريـن  ..  ولأنـو منـحبش النـاس تـنضر مـننصحكش بيـه  ..

كملت كلامها وغمزاتو  ..  شي لي خلاه يطلع حاجبو ويتبسم بكل مكر هوا ثاني  ..  جـديا  !!  ..  كان احلى شي انو يحكي معاها بهاد الطريقة المشفرة وانـو بكل سهولة تـقدر تفهـمو  ..  تبا لحظو العاهر يـلي جمعو بيها فوقت مثل هاد  ..  صدقوني كمية الاستمتاع يلي حاسين بيها ثنيناتهم فهاد الوقت مش راح يقدرو يوصفوها  في مجرد كلمات ..  رجع مسح على ذقنو وحكا بكل هدوء  ..  عيونو تتأمل في تفاصيلها كأنو يحفظ فيهم ...

سادن  :  كـلنا نـمارسو الإدمـان .. البـعض يـدمن الأشيـاء و الـبعض يـدمن الأمـاكن ..  وكـل شـخص عـندو إدمـانو  .. أمـا شـي الممـتع وقـت تلـقا إدمـان جـديد يـلغي الكـل فـي حضـرتو  ..

هيا حـرفيا تبسمت بكل صدق  ..  وإنتو أكيد فهمتو واش قصد بآخر كلامو   !!  ..  وهاد تماما واش فهمت هيا  ..  عضت شفتها حتا متضحكش وشافت فيه مطلعة حاجبها  ..  حكات بنبرة مستفزة وبحركة خفيفة رجعت شعرها المموج خلف ظهرها شي لي برز عظام الترقوة وكيفاه مزينين بعقد خفيف تدلى منو فراشة فضية مزينة بجوهرة وردية  .. 

ميرفت  :  مـش راح نـتحمل  نـتائج إدمـانك  ..  فالاخـير حذرتـك  ..

على اخر كلامها جاها صوت مادي من وراها بنبرة عالية مخليهم يتلفتو ليها ثنيناتهم  .. عيونهم طاحت على ملامحها المنزعجة  ...

مادي  :  أمـا سـادن مهـوش مـدمن  ..

كملت كلامها وقدمت منهم حتا وقفت جنبهم وكأنهم مشكلين مثلث  ...  صدقوني خطورة هاد المثلث لي شكلوه بوقفتهم وبدون علمهم تجاوز خطورة " مثـلث بـرمـودا  " بأشواط عدة  ..  تبسمت معاها ميرفت بكل هدوء وحكات تشوف فيها  ..

ميرفت  :  مـش قـصدي الادمـان مـثل مـا فـهمتـي يـا روحـي  ..  سـادن راح يـشرحـلك الـوضع تـمام  !! ..

رمات كلامها وتلفتت لسادن تتبسم بكل مكر  ..  رقصتلو حواجبها بمكر وتحركت من تماك تتبسم مخلياتو يركز مع كل خطوة منها  ..  غي بغات تتلفت لفت وجها ليه لقاتو يشوف فيها ومادي تحكي معاه  ..  ضحكت بخفة وغمزاتو مخلياتو يسحب انفاسو يلي حسها سرقتهم منو بعمملتها  ..