أنا لك خائن

𝐂𝐡𝐚𝐩 | 11

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

••••••••••••••

مجتامعين كامل فوق السطح عاملين جو بڨصرتهم وضحكهم  ..  طبعا الكبار كلهم رقدو من غير لولاد لي طلعو فوق سطح  ..  دايرين موسيقى وحاطين أتاي والڨاطو قدامهم ويحكو مع بعض  ..  طلعت ميرفت راسها بسرعة وقت شافت منصف دار اغنية #زهري_وين_وانا_وين  ...  ناضت بسرعة تحت نظراتهم كل ... علابالهم تعشق هاد الاغنية والشاطر فيهم يغيرها درك لانو راح تتحول من بنت هادية ولطيفة لبنت ألطف بكثير وانتو أكيد مش حابين تعرفو معنى اللطافة عند ميرفت  ..  حكمت مادي من يدها ومنصف وبدات ترقص معاهم  ...  خلات الكل يركز معاها بسبب رقصها  .. 

ميل راسو على جنب بحركة خفيفة شاف من ومن لقا عيون الكل عليها  ..  تقضيبة بين حواجبو زادت كتر وكتر  ..  بقا يراقب فيها وفي كل حركة تعملها  ..  غي كملت الاغنية رجعت لمكانها لي كان اونفاص ليه  ..  رجعت راسها الخلف وهيا تتنفس صدرها يطلع ويهود من انفاسها المضطربة  ..  تبعها بعينيه شي لي خلاه يبلع ريقو  ..  حكات معاها مادي خلاتها تعدل قعدتها  ..

مادي :  انتي وهاد الاغنية قصة عشق  ..

تبسمت بكل هدوء وهزتلها براسها  ..  حكات بنبرة هادية ورفدت كاس العصير لي قدامها  ..

ميرفت  :  تعرفيني وقت نحب حاجة مستحيل نغيرها لو يصرا واش يصرا  ..

بكلامها خلاتو يطلع حاجبو بلاما تنتابهلو وشبه ابتسامة ترسمت على شفافو  ...  لف نظراتو لمنصف لي قعد جنبها وحكا بنبرة ماكرة كأنو يحاول يستفز فيها ..

منصف  :  همم مالا تأمني بالحب من النظرة الاولى  ..

تلفتت ليه عاقدة حواجبها وبنبرة سريعة جاوباتو مش مادتلو فرصة حتا يشكك في كلامها  ..

ميرفت  :  طبعا لالا  ... الحب ميجيش بهاد السهولة والحب ميشاورناش وقت يجي  ..  تماما مثل ما تنوض من رقاد وتلقا الوقت فاتك  ... هوا اساسا ميكملش بدون اهتمام وثقة  .. شايالا الفايدة ادا قلت لشخص نحبك وانت متهتمش بيه ومديرش فيه كونفيوس  ...

هزت مادي راسها موافقتها على كلامها وحكات  ..

مادي  :  صح اساسا نحير فهاد الناس كيفاه يقدرو يعبرو عن حبهم بهاد البساطة  .. 

تلفتت لسادن وحكات معاه ابتسامة هادية ترسمت على شفافها وهيا تشوف فيه بكل حب  ..

مادي  : وانت تأمن بالحب من اول نظرة او لالا  ..

ميل راسو على جنب شي لي خلا خصلات طيح على جبينو بطريقة مثيرة ..  مسح على دقنو كأنو يخمم بعدها جاوبها بنبرة غامضة حاط عيونو فعيون ميرفت تماما  ..

سادن  :  لا  ..  منأمنش بالحب من النظرة الاولى  ..  اما نأمن بالانجذاب الجسدي من أول لمسة  ..

ابتسامة مكر ترسمت على شفافها وهيا معلقة عينيها على عينيه ..  طلعت حاجبها بنوع من الاستفزاز وحكات بنفس نبرتو ..

ميرفت  :  وانت اكيد تعرف انو الانجذاب الجسدي  دايمن يرافقو الانحذاب الروحي  !!  .. 

شبه ابتسامة ترسمت على شفافو وهوا يشوف في ابتسامتها الماكرة ونظراتها لي مفهمش معناهم وهاد شي لي جذبو ليها كتر وكتر  ...  كأنها مرآة ليه لما يقابلها بالغموض تقابلو بنفس الغموض ولما يقابلها بالشفافية تقابلو بنفس الشفافية  ... نطق منصف مقاطعهم عن جولة التحديق لي خذاوها  ..

منصف :  عن نفسي نوافق ميرفت لانو فعلا وقت تحس انك منجذب لإنسان جسديا قلبك لا شعوريا يتفاعل مع هاد الانجذاب  ...

كمل كلامو بصوت هادي ونظراتو موجهة على هايدا لي قاعدة فمكان شوي بعيد عليهم مع بنات في عمرها ويڨصرو  ..  حكات مادي خلاتو يفيق من صفنتو  ..

مادي  :  ظاهر تفكيركم أعمق بكثير لانو منقدرش نخمم بهاد طريقة او نفهم كلام بهاد الغموض  ..

تبسمت ميرفت بكل هدوء ومدتلها يدها حتا تشدها  .. حكمت يدها وتبسمت معاها بنفس الطريقة  .. حكات بنبرة هادية وحنينة فنفس الوقت  ..

ميرفت  :  لانك ياروحي بسيطة وطيوبة  .. نحسك طفلة صغيرة بسبب نيتك وطيبتك ياقلبي  ...  وانا نحبك فكل حالاتك  ..

خدودها توردو من الحشمة وهيا تسمع في كلامها  ..  حمحمت وجبدت يدها من يد ميرفت ونزلت راسها تفرك في صباعها  ..  شي لي خلا ميرفت تطلق ضحكة خفيفة وترجع للخلف حاطة راسها على كتف منصف  .. 

عيونو لا إراديا لقاهم ينحارفو ليها  ..  بقا يشوف فيها وعيونو مركزين على كل انش على وجها  ..  مسح على دقنو وقت عينيه تركزو على شفافها  ..  مافاق غي بيد مادي لي تحطت على كتفو  ..  شاف فيها وهزلها راسو بمعنى واش  ..  شارتلو بعينييها على منصف وحكات  ..

مادي  :  منصف كان يناديلك وانت كنت شارد  ..

تلفت لمنصف لقاه يشوف فيه بتقحيرة وهوا مطلع حاجبو  ..  مسح لاخر على دقنو وهزلو راسو بواش  ..  هوا علابالو انو شافو وهوا مش من عادتو يخبي شي يعملو  ..  حكا منصف بكل هدوء  ..

منصف :  الانحراف للمحرمات ياخذك للهاوية  ..

تبسم بمكر مطلعلو حاجبو  ..  حكا بنفس نبرتو مبينلو بزاف صوالح   ...

سادن  :  المحرمات مباحة  .. وكل ماهو ممنوع مرغوب  ..

وهنا كانت اولى نقاط يلي تحطت على قدر محرم ...  حطها بكل جرأة و وقاحة متحدي بيها الكل  .. مش عارف انو الانجراف ورا هاد الاهواء راح يدفعهم ثمن قلب راح يروح ضحيتهم  ..