أنا لك خائن

𝐂𝐡𝐚𝐩 | 27

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

••••••••••••••

أميرة  :  اللهم آمين يارب  ..  هـيا نخـليكم بـاغية نـريح شـوي وبـعدها نـروح نـعاون لـبنات  ..

هزولها بريسانهم موافقينها الكلام وهيا خرجت من عندهم  ..  غي دخلت لعرفتها غلقت الباب وجبدت تيليفون صغير كانت مخبياتو في صدرها ومن شكلو باين قديم بزاف ومكسر كامل لانو كانت لافاتو بشريط لاسق من كل جانب  ..  شوي هاك وجاها اتصال  ..  ردت عليه بسرعة وبسمتها من الشق للشق  ..

أميرة  :  سـامحني يـاروحي هـاداوين وصـلت لبـيت دارنـا  .. وكـان لازم نـفوت عـلى يـما  ..

بقات تسمع في كلام طرف تاني وبسمتها توسعت لا اراديا  ..  قعدت فوق السرير تنحي في ثيابها بعدها حكات بصوت كلو تمحليس وبسمتها على شفافها  ..

أميرة  :  أنـت تعـرف شـعال تـوحشتك  !!   ..  حـابة نـشوفك ونـتلاقاك كـي قبل  ..  مـنيش نـقدر نصـبر عليـك  ..

تنهدت بقوة وتسطحت فوق سرير حاطة تيليفون على وذنها  ..  ضحكت بخفة وحكات معاه  ..

أميرة  :  هـممم يـعني راح نـحاول نـخرج  ..  أساسا رؤوف لازمـو وراق بـحكم قـراية قـربت وراح يسجـل  .. 

هزتلو راسها كانها تشوف فيه ورجعت حكات معاه  ..

أميرة  :  تـمام راح نـقول انـو يحـتاجهم ونـتلاقو مـع بعض  .. 

كملت كلامها وقطعت عليه الضحكة من الشق للشق  ..  إنتو متخيلين جحم الكارثة  !!  .. طبعا لالا أنو يكون عمرك 40 سنة  !!  ..  وعندك بنت كبيرة مزوجة و ولد عمرو 24 و وبنت 20 سنة و ولد اخر 15 سنة وتخوني راجلك  !!  ..  يلزم وقت حتا تستوعبو الامور  ..

عند ميلاف  ..

خرجت من صالون رايحة تغير ثيابها حتا تروح مع مهدي خوها يشرو  ..  خرجت لبرا لقات لقمان ولد عمها واقف وقدامو ولاد عمامو لخرين واقفين فقط واحد ومن وجوهم مرعوبين كانهم راح يبكو  .. كان رافد مطرق في يدو ويهدر  ..  ضحكت بخفة وهيا تشوف فيه مشكل عصابة  ..  حـرفيا كان يبان رئيس عصابة بملامحو هادي وهوا يحكي معاهم  ..  عقدت حواجبها وقربت منو  ..  نطقت بصوت قاسي حتا متحسسوش انو كانت تضحك  ..

ميلاف  :  لـقمان واش تـعمل  !!  ..  واش هـادا يـلي فـيدك  !!  ..

تلفت ليها وحكا معاها بحواجب معقودين ويشير بهاداك المطرق  .. 

لقمان  :  عـملنا مـصيبة ولازم نـحمو رواحنـا مـن ميرفت  ..

هايدا  :  واش عـملتو لـميرفت  !!  ..

لقمان  :  مـبارح رشـيناها بـالما وهـربنا  ..

هايدا  :  راح تـخلصوها غـالية يـاروحي  ..  إنـت مـن بـين الـكل قـررت تـعصب ميرفت  !!...

بلع ريقو بخوف وتلفت لولاد عمامو يلي راح يديروها تحتهم  ..  رجع شاف فيها وحكا بصوت يرجف  ..

لقمان  :  بـغينا نـلعبو مـعاها لا غـير  ..

هايدا  :  مالا اتـحملو واش راح تـعمل فـيكم  ..

رمات كلامها وتحركت من تماك عاضة شفتها حتا متضحكش غي طلعت راسها قابلها واقف اونفاص ليها وفيدو كاس قهوة متكي على باب الجنينة ومرة على مرة يترشف من كاسو  .. نظراتو كانو مثل نظرات النسر وهوا يترقب في فريستو  ..  قلبها نبض بعنف وهيا تشوف فيه واقف بكل ديك الرجولة حـرفيا ذابت فيه كليا  .. 

كملت طريقها عاملة حالها متجاهلاتو أما صدمها وقت شافتو يقرب منها  ..  خطوات قليلة وكان واقف اونفاص ليها  ..  حكا بصوت هادي وببحة كلها نوم  ..

رمزي  :  صـباح الخـير  ..

ميلاف  :  صـباح الـنور  ..