أنا لك خائن

𝐂𝐡𝐚𝐩 |48

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

••••••••••

جات تعيط عليه اما صدمها لما حكمها من ديها جابدها ليه  .. شافت فيه عاقدة حواجبها وحكات بنبرة قاسية  ..

ميرفت  :  واش تـعمل  !!  ..  هـبلت ولالا  !!  ..  صـدقني لـو مـا بـابا طـلب مـنك تـوصلني مـكنتش راح نـجي مـعاك  ..

سادن  :  حـبسي متتـجاهلي فـيا بـهاد الطـريقة ..

ميرفت  :  وأنـت حـبس مـتجري ورايـا  ..

سادن  :  تـمام خـبريني بـقرارك ونـا راح نـتوقف  ..

ميرفت  :  لا نـتا هـبلت صـح  ..  يـا ربـي راك مـزوج وبـنت عـمي عـلاه مـش حـاب تـفهم  !!  ..

غمض عينيه وتنهد بكل قوتو  .. حاول على قد مايقدر يسيطر على عصبيتو  ..  لأنو حرفيا مش راح يزيد يتحمل هاد التفاهة  .. فـعلا الامر كان مزعج حد اللعنة ..  مالا وبكل هدوء تلفت ليها حاط صباعتيه على ذقنها وجبدها ليه  ..  حكا بنبرة معصبة وعيونو معلقين على عيونها  ..

سادن  :  بـنت عـمك يـلي تـقولي عـليها مـرتي كـانت حـابة طـلقني بعـد العـرس  ..  كـانت راح تطـلب الطـلاق مـع أنـو قـتلها لا وأنـو حـياتنا مـش ناقـصها شـي أمـا هـيا بـقات مـصرة أنـها طـلقني خـذيت أيـام ونـا نـقنع فـيها أنـو لـولاد رزق مـن عنـد ربـي وقـد مـا طـولنا راح يـجينا ولـد  ..  وهـيا واش عـملت  !!  ..  كـل هـمها كـلام نـاس و واش يـقولو عـلينا  ..  إنـتي عـارفة واش شـعور أنـك تـدخلي لبـيتك بـعد يـوم طـويل مـن الخـدمة وحـيلك مـهدود  ..  كـل هـمك أنـك تـرتاحي أمـا تتـصدمي لـما يـقولك راجـلك حـابة نـطلق مـنك وشـوفي نـاس واش يـقولو عـلينا  !!  .. 

التقضيبة يلي كانت بين حواجيها زالت تدريجيا وهيا تحاول تفهم كلامو  .. لحظة  .. لحظة لو سمحتو  .. واحد يخرجها من الصدمة لأنو وبكل معنى الكلمة فتحت عيونها على وسعهم وهيا تسمع في كلامو  .. يعني لأنهم ماجابوش ولاد فهاد الخمس سنين هيا طلبت طلاق  !!  .. ما اللعنة  !!  ..  لهاد الدرجة من الضعف وصلتها بنت عمها  ..  هيا فـعلا مش مصدقة واش قـال لأنو حـرفيا انصدمت وأنا اعنيها  ..  شكون هادي لي تطلب طلاق من راجلها لانو ناس هدرو عليهم وقالو ميجيبوش ولاد  !!  ..  يلزم الامر وقت حتا تستوعب الامر  ..

هاهم ثنيناتهم واقفين داخل غرفة الاستعجالات بعد ماسادن لبس ثيابو الخاصة بالمشفى وميرفت غيرت ثيابها حتا هيا  ..  واقف جنبهم علي ومن الجانب الثاني رئيس القسم  ملامحهم كانت جدية وهوما يشوفو في أحمد ..  بقا يقلب في صور الاشعة وحواجبو معقودين بينما الكل يشوف فيه ويسنا واش يقول  ..  تنهد بخفة وشاف فيهم واحد واحد  ..  عيونو تركزو على ميرفت وهوا ويحكي  ..

أحمد  :  الصـور النـظيفة كـليا  ..  يعـني الولـد مـش يـعاني مـن ولا مشـكلة  .. 

ميرفت  :  أمـا واش سبـب الاعـراض أكـيد فـاتنا شـي  .. 

سادن  :  خـلينا نتـأكدو مـنهم لآخـر مـرة  ..

مدلو الصور حتا يشوفهم وميرفت عاقدة حواجبها لأنو هيا فـعلا مـتأكدة أنو كـاين خـلل ومـش مـن الطبيعي يتعرض لهاد النكسات بدون سبب  .. شاف فيها سادن وهزلها حاجبو بمعنى ولا شي  ..  عضت شفتنا وخذات الاوراق من بين يديه  ..  حكمتهم بحواجب معقودين وبقات تشوف فيهم  ..  فاتت مدة وهيا رايحة جاية قدامهم ملامحها مترخاوش لمدة ثانية  ..  بينما سادن كان حاط يديه لثنين وسط مأزرو ويشوف فيها  ..  عيونو بقاو متبعين كل حركة تعمل فيها من طريقة تقليبها للاوراق من طريقة قضمها للقلم وهيا تخمم لحواجبها يلي مرة ترفع الاول ومرة تنزل الثاني  .. شبه تبسيمة ترسمت على شفافو وهوا يشوف في بسمتها يلي توسعت  ..  تلفتت ليهم بسرعة ابتسامة انتصار مرسومة على شفافها  .. طلعلها حاجبو بمكر مخليها تبادلو نفس الجاست وابتسامة مكر تترسم على شفافها  ..  قدمت من رئيس القسم وحكات بكل هدوء بينما هوا بقا مراقبها من لما خذات الاوراق منو  ..

ميرفت  :  شـوف هـنا  ..  هـاد الظـل يـلي مـش واضح أكـيد يـكون ورم  ..

خذا الصور من عندها وشاف في تشيرلو  ..  كانت تشير للمنطقة السفلى فالجهة اليمنى من الرئة  ..  عقد حواجبو و شاف فيها  ..

أحمد  :  أمـا هـاد مـش سـبب كـافي ويـبقا مجـرد ظـل  ..

مـيرفت  :  لا مـتأكدة أنـو مـش مـجرد ظـل  ..  الاعـراض خـير دلـيل والطـفل حـالتو تـسوء كـتر  ..  لازم عـملية  ..

علي  :  تـتمسخري صـح  !!  ...  بـاغية تـفتحي المـريض لأنو شـكيتي وجـود ورم  !!  ..

ميرفت  :  الاعـراض هـيا لـي تبيـن وهـاد مـش مـجرد ظـل  ..

سادن  :  خـلينا نـتفقدو حـالتو وبـعدها نـحكمو  ..

شافت فيهم بعيون كلها تحدي وتحركت سابقتهم  ..  شاف أحمد في سادن وهزلو بحاجبو  ..  تبسم على جنب ولحقوها لعند الولد  ..  اما حالتو مكانتش طبيعية أبدا  ..  قربت منو هيا علي بسرعة  .. 

ميرفت  :  حـرارتو مرتفـعة  .. 

جاب سادن مقياس الحرارة و قرب منو  ..  بينما هيا بقات حاكماتو حتا تساعدو يتنفس  ..

سادن  :  راح نـوزنها دقـيقة  .. 39.4  ..

علي  :  نشاطو الحيوي  ..  85/50  ..

ميرفت  :  إلتهـاب فالصـدر  + سـد القـصبة الهـوائية  ..

علي  :  الجـيوب الانفـية نـفس شـي  ..  لازمـلو قـناع الاكسـجين  ..  راح نـحقنو بـمضادات حـيوية  ..

ميرفت  :  لا وقـف مـستحيل كـاين احـتمال وجـود ورم  ..  المـضادات الحـوية راح تـقتلو  ..