أنا لك خائن

𝐂𝐡𝐚𝐩 | 22

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••••••••

مالا وبكل هدوء وقف من مكانو واقف اونفاص ليها .. حكم ذفنها بين صباعتيه مطلع راسو ليها بينهم سنتيمترات وتتلامس اجسامهم  ..  ما اساسا كل واحد حاس بحرارة جسم ثاني  ..  للحظة انفاسهم تثاقلت ونظراتهم متعانقين بهاد الطريقة  .. لا هوا عارف واش راه يصير معاه ولا هيا عارفة واش يصير معاها  .. قلوبهم برك يلي تنبض للاسف كانت نبضات محرمة تحررت من سجنها ..  طلع ابهامو مفوتو على شفتها التحتانية بكل هدوء مخلي صدرها يطلع ويهود ..  طلق تنهيدة خافتة وحط يدو ثانية ورا رقبتها يتلمس في شعرها المموج  ..  للحظة فكرت انو راح يبوسها وهوا ماسكها بهاد الطريقة  .. شي لي خلاها تلعن حالها  .. تبا كيفاه حتا وصلت الامور لهاد المنحنى  !!.. حـرفيا الخوف تسلل لقلبها  .. هزتلو راسها بلا  وعيونها يبرقو بالدموع يلي غطاوهم ..  جات تحكي اما كان وقفها لما نطق بصوت هادي انفاسو تضرب في وجها  .. وبحرو معانق سواد ليلها  ..

سادن  :  القـلوب مـرضت ودواهـا غـالي  ..

ميرفت  :  كـل عـضو مـريض راح يـشفى مـع الـوقت  .. مـش مـستعديـن نـدفعو ثـمن شـفاءُ ..

سادن  :  مـتحكميش عـلى الـعضو الـمريض من الـتشخصيش الاول  .. حـالات نـادرة ويـن يـقدر يـتعافـى  ..

ميرفت  :  فـهاد الحـالة نـفضل أنـو نسـتأصل الـعضو نـهائيا  .. أو نـخلي المـرض يـنتشر  ..

سادن  :  صدقـيني حالـيا انـتشر ومـش راح تـقدري تـسيطري عـليه  ..

على اخر كلامو تراجعت بسرعة للخلف مخلياتو يبعد يديه عليها  ...  شافت ليه لثانية عاقدة حواجبها شي لي خلاه يدخل يديه في جيوبو ويراقبها بكل الهدوء  ..  لعناتو ألف مرة داخلها وراحت تجري لبست الكيمينو تاعها ساترة جسمها  ..  بقا يشوف فيها بكل هدوء وقلبو حتا الان رفض انو يهدا  .. هاد النبضات اللعينة يلي راح تجيب آخرتو  ..

وقت تلفتت ليه وشاف عيونها يلي حمارو وهيا شادة دموعها حتا متبكيش لعن حالو ألف مرة  ..  تبا وتبا لقلبو العاهر  ..  فـعلا كان حقير حد اللعنة وهوا يغضط عليها نفسيا بكلامو  ..  ومن دموعها يلي حابستهم عرف مليح انها فهمت كلامو  .. بقات تشوف فيه بنفس النظرات وكأنها تلوم فيه  .. 

فـعلا حديث العيون قصائد لو ترجمت صدقوني لن يبقى للسان ڪـلام  ..  اما قصائدهم كانت عبارة عن إيقاعات مذنبة مصدرها قلوبهم  ... تنهد بخفة من الاحساس لي حسو هوا ولا مرة نبض قلبو بهاد الطريقة و ولا مرة حس روحو منجذب لشخص بهاد الطريقة  سؤال واحد يدور في بالو وهوا واش لي يصير معاه   !! .. تلفت وتحرك حتا يخرج اما قبل لا يخطي أول خطوة وقفاتو بكلامها  ..

ميرفت  :  جـريمـة القتـل تـوقع ادا كـان الشـخص المـغدور يستـاهل هـاد شـي  ..  امـا ادا كـان بـريئ صـدقني ذنـبو راح يـبقا معـلق فـي رقـبتك الـى يـوم ديـن  ..

تلفت وشاف فيها بنظرات غامضة شي لي خلاها تبادلو نفس النظرات  ..  قلبت عينيها بعصبية وعطاتو بظهرها مخلياتو يتبسم على جنب  ..  تحرك من تماك خارج وغلق الباب وراه بكل هدوء  .. بقا لحظة واقف تماك حتا هدات أنفاسو وهدات دقاتو  .. 

دخل لغرفتو قابلاتو مادي تماك  ..  غي شافتو بسمتها توسعت  لا اراديا ..  حطت شي لي في يدها وراحت تجري ليه ترمات في حضنو معنقاتو بكل قوتها  ..  لف يديه عليها مبادلها الحضن وملامحو للحظة تحولت للبرود  ..  تمام مش من المفروض قلبو يدق فهاد اللحظة ومرتو معنقاتو بهاد الطريقة الحميمية  !!  ..  مالا على قلبو اللعين مش ينبض مثل ماكان ينبض من شوي  !!  .. تبا تبا للعاهر  !!  .. نطقت مادي بصوت هادي مخرجاتو من صفنتو  ..

مادي  :  تـوحـشتك  ..  تـوحـشت حـضنك وأنـي نـحس بـيك بـهاد الطـريقة  ..  مـتتصورش شـعال  ..

طبعت بوسة خفيفة على رقبتو وشافت فيه عيونها يلمعو  ..  متمنيا يقوللها حتا هوا توحشها  ..  هيا تعرفو وعاشراتو سنين وعلابالها مليح انو مهوش داك الانسان لي يعبر عن مشاعرو بهاد السهولة  ...  اما فاجأها وقت حكا  ..

سادن  :  حـتا أنـا تـوحـشتك  ..

مادي  :  صـدقا  !!  .. تـمام واش رايـك نـقعدو شـوي مـع بـعض قـبل ميـبداو الـرجال  !!  ..  أنـا حـابة نـقعد مـعاك  ..

تبسم في وجها بكل هدوء وهزلها راسو  ..  حكمها من يدها وتحركو لسرير بسمتها مرسومة من شق للشق  ..  غي قعدو حطت راسها على صدرو وشبكت يدها مع يدو  .. 

سادن  :  إنتـي مـليحة  !!   ..  أو تـحتاجـي شـي  ..

مادي  :  أنـا مـليحة  ..  ومـش محـتاجة ولا شـي  .. يـكفي أنـك جـنبي  ..

طلعت راسها ليه تتبسم وقربت منو بكل هدوء حاطة شفافها على شفافو  ..  باستو بوسة هادية وبعدت منو حشمانة  ..  حط يدو على راسها ومسح عليها بلطف وحكا بنبرة هادية  ..

سادن  :  إدا حـتاجـيتي أي شـي قـوليلي مـش حـاب نـقص عـليك شـي  ..

مادي  :  صـدقنـي ادا حتـاجيت أي شـي راح نـقولـك يـا روحـي  ..

تبسمت وهزتلو براسها  ..  أما ياريت تقدر تقولو محتاجة قلبك  ..  هيا حـرفيا راح تكون أسعد وحدة بالكون ادا حبها  ..  مش ذنبها انو محبهاش فكل هاد سنين  ..  وهيا عارفة هاد الشي ورغم هادا مزالها تحاول حتا تخليه يحبها  ..  أما شي لي متنكروش انو يحترمها ولا مرة قلل من قيمتها او عمل شي يضرها  ..  بالمختصر شي الوحيد يلي كان ناقص هوا حبو وللاسف قلبو حقير لدرجة نبضاتو رجعت نبضات آثمة تعزف على إيقاع الخطيئة ..