أنا لك خائن

𝐂𝐡𝐚𝐩 | 10

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

••••••••••••••••

عند هايدا ...

حكمت البيدون تاع الما وقحرت للشخص لي واقف قدامها  ...  حابة تنط عليه تخنقو الوغد  ..  حكات بنبرة معصبة وهيا تقحرلو  ..

هايدا :  ياااا انت مين تفهم شوف رجليك كيفاه معلمين فالارض وانا نسيق  ..  ياك قتلك استنا حتا نكمل وادخل ياااا  ..

قلب عينيه بملل وشاف فيها يقحر  ..  حكا بنفس صوت خلانا تجن  ..

مهدي  :  منسناش حضرتك طول الوقت حتا تكملي  ..  حتا اتا عندي خدمة ولازم ندخل  .. نجيب حاجتي ونخرج مش راح نعطلك  ..

هايدا  :  مقتلكش اسناني طول الوقت  ..  متهبلنيش قتلك اسنا شوي راح نكمل  ..

قرب منها حتا بقا بيناتهم خطوة وقحرلها  ..

مهدي :  بعدي من طريقي ياااحبة القارص او صدقيني راح نعمل شي ميعجبكش  ..

هوا قاللها حبة قارص  !!  ..  صح هوا قالهالها لانو حرفيا راح تقتلو اليوم  ..  حكمت البيدون تاع الما لي في يدها ورماتو عليه بكل قوتها  ..

هايدا  :  دك نوريلك حبة القارص واش تعمل فيك ياكلب  ...

شهق بصدمة وهوا يشوف روحو رجع مثل القط المشمخ  ..  ضحك بعصبية وشاف فيها  ..

مهدي  :  قاتلك وربي كبير  ..

غي كمل كلامو طلقت البيدون بسرعة وعطات ريح لرجليها  .. هربت تجري بكل سرعتها وهوا وراها يعيط  ..  خرجت برا وين الجنينة وراحت تجري خزنت ورا شجر  ..  اليوم يقتلها مافيهاش  ..  مكانش واحد عصبي كيما ولد عمها مهدي ادا حكمها يعملها عصير من القارص  ..  بقا يعيط عليها ويسب تحت نيفو وقت ملقاهاش  ..  طلت عليه ورا الشجرة ضحكت شر ترسمت على ملامحها  .. تركزت على الشجرة وتنهدت بقوة ..  غي فتحت عينيها قابلها قدامها  ..  شهقت بقوة شي لي خلاه يحط يدو على فمها  ..  هزلها راسو ونزل عند وذنها همسلها  ..

منصف  :  واش عملتي حتا راه يحوس عليك  ..

بعدتلو يدو وتنفست بقوة ومن كثرت لي كان قريب صدرو لسق مع صدرها  ..  تبسيمة ماكرة ترسمت على شفافها قبل مترجع شعرها بصباعتيها خلف وذنها  ..  حكات بصوت ماكر وهادي في نفس الوقت  ..

هايدا :  انا كنت نسيق وهوا يعفسلي مين محبش يسمع لكلام رميت عليه بيدون ما برك  .. 

طلع حاجبو من كلامها  ..  شاف فيها وتبسم على جنب  ..

منصف  :  رميتي عليه بيدون ما برك  !!  .. 

هزتلو براسها وهيا تتبسم  ..  هز راسو بقلة حيلة خلاها تطلق ضحكة خافنة  ..  عقد حواجبو وشاف فيها  ..

منصف :  علابالك ادا حكمك راح يخلفهالك  ..

قلبت عينيها بملل ورجعت شافت فيه  ..  قربت منو وحطت صباعتيها على زرار شوميز تلعب بيهم  ..

هايدا  :  اما كيفاه راح يتجرأ يقرب مني وانت هنا  ..  انا علابالي مستحيل تخليه يقربلي او يمس شعرة مني ...

تبسيمة ماكرة ترسمت على شفافو  ..  حط عيونو على زرقة عيونها وطلع حاجبو يحكي بكل مكر  ..

منصف :  همم يعني متأكدة  ..

هزتلو براسها وهيا تتبسم  ..  قرب منها وطبع بوسة طويلة على خدها  .. استنشق ريحتها بقوة قبل مايبعد عليها وتكشفو نبضات قلبو ...  تنهد بصوت وحكا معاها  ..

منصف  :  هيا دخلي دك نحكي مع مهدي انا  .. 

شافت فيه لفترة بعدها حكات بنبرة مقلقة من حالتو  ..

هايدا  :  أنت مليح  ...  يعني حاساتك مش على بعضك  ..

تبسم بكل صدق وهوا يشوف فالقلق على وجها  ..  حط يدو على خدها ومسح عليه بكل حنية  ..

منصف  :  تعبان شوي لا غير   ...  متقلقيش روحك  ..

غي كمل كلامو قربت منو وحضناتو  ..  دخلت وجها في رقبتو وحاوطت خصرو بيديها  .. حكات بكل هدوء عند ودنو كأنها تهمسلو  ..  انفاسها الحارة تضرب في رقبتو  ..  خلاتو يتنهد كتر من جاست تاعها  ..  حاوط يديه عليها مدخلها كتر وسط حضنو  .. 

هايدا  :  متعبش روحك راح تمرض وانا مش حابة نشوف خويا الكبير مريض  .. وقتها شكون يتلها بيا انا  !!! ...

عض على شفتو بكل قوتو هيا تقولو خويا الكبير  ..  تمام ادا كان في غبي أكثر من ميلاف فهيا اكيد هايدا ..  لو سمحتو واحد منكم يخبرها انو هوا مش خوها وانو يحبها حد النخاع  ..  لانو فعلا مشاعرو واضحة وضوح الشمس  ...  مش من طبيعي يهتم بيها لهاد الدرجة وهوا يعتبرها مجرد اخت  ..  بعدت عليه بالشوي وخربت تسريحة شعرو  ..  حكات بكل هدوء خلاتو يتيه فيها  ..

هايدا :  متفاهمين ياك  !!  .. 

هزلها براسو خلاها تتبسم وهيا شافت من ومن وقت ملقاتش مهدي تحركت بسرعة رايحة من تماك  ..  مش علابالها انو بالاساس منصف بعتلو ميساج وهددو بصريح العبارة  ..  ولهاد سبب مش راح يتجرأ يقرب منها  ..  تركز خلف الشجرة وحط يدو على قلبو لي ينبض بقوة  ..  تنهد بحزن على الحال لي وصللها  ..  اصعب شي انو يماه تخيرو بين رضايتها وبين رفضو للزواج  ..  مش علابالها انو بهاد الطريقة راح دمر حياة ولدها لي بالاساس بقالو خطوات على دمارها  ...