أنا لك خائن

𝐂𝐡𝐚𝐩 | 09

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••••••••••••

يوم جديد  ...

قاعدة وسط الحوش مربعة رجليها فالارض مقابلينها بنات عمامها ومادي وجنبها هايدا وميلاف  ..  لي يشوفهم من بعيد يقول عليهم توأم رغم انهم بنات عم الا انو الشبه بيناتهم اكبر بكثير  ..  لثنين كانو بشعر أصفر ذهبي وعيون زرق وهاد حال كل العايلة البعض منهم ورثو الشعر الاصفر والعيون زرق من جداتهم  .. كانو مزيج من الجمال  ..  بقات تحكي مع لبنات وينظفو فالمعالق والفراشط لي راح يحطوهم  ...  سكتت لفترة وهيا تسمع فالبنات يحكو لفتت انتباها بنت عمها صابرين  ..  تلفتت ليها لقاتها تشوف في مادي وتحكي  ...

صابرين  :  مادي ختي بصح سمحيلي راجلك ماله دايها في روحه مليار  !!  ..  تحسبي منه مكانش  ..  تبسيمة وميتبسمش في وجهك  .. على الاقل يقيمنا ويحكي معانا ..

مسحت مادي جبينها بتوتر ونطقت بصوت هادي تحاول قد متقدر متبينش انزعاجها  ..

مادي  :  لالا هوا جاي طبعو هاك  ..  كلامو قليل وقليل وين يخالط ولا يرتاح مع شخص  ..

عوجت لخرا شفافها وشافت في بنت عمها اخرى  ..  حكات معاها كأنها تتمسخر منها  ..

صابرين  :  شوفي ليلى راجلها يضل يضحك ويڨصر معانا  ..  عمرو ماعقد حواجبو كيف مايعمل راجلك  ..  على الاقل كون جبتي واحد ضحايكي يزهيلك ليام  .. مش واحد معقد حاسب روحو  ..

نزلت مادي راسها حشمانة من كلامها شي لي خلا ميرفت طلع حاجبها  .. دروك عرفت سبب كلام لبنات عليه وعرفت شكون زرع هاد الافكار فيهم  .. هو ابدا مش بهاد الصفات ولانو تافهة فاكيد مش راح ياخذ ويعطي معاها  .. حطت المغارف من يدها بقوة خلاتهم كلهم يتلفتولها  ...  نطقت بصوت هادي وبنبرة قاسية حكات مخليتها تبلع فمها  ..

ميرفت  :  وانتي واش راحلك ادا يضحك ولالا  ..  ياك راجل راجلها  !!  .. مش انتي لي عايشة معاه ولا ترقدي معاه  !!!  .. هيا على الاقل تزوجت وجابت راجل شوفي نتي حتا المخنث ومجبتيهش  ..

حطت مادي يدها بسرعة على فخضها قبل ماتزيد تتمادى  ..  تعرفها وقت تتقلق مش راح تسكت ومش راح تتحكم فنفسها ..  شافت فيها صابرين تقحرلها شي لي خلا ميرفت طلعلها حاجبها  ..

ميرفت  :  المرة الجاية وزني كلامك قبل لا تهدري ادا مش باغية تسمعي كلام يسمملك بدنك  .. ومش راح تزيدي تحكي كلمة سوا مع مادي او بنت اخرى راني شفتك كيفاه تحكي معاهم وتحاولي تقللي من قيمتهم  ..  يقولك لي مايوصلش للعنقود يقولك حامض  ..  مالا بدل ما تضلي تطلقي في سمك على لبنات ولاعبتها خير منهم روحي شوفي حياتك  ...

كملت كلامها وقحرتلها  ...  هاد البنت كل مرة يتلاقاو تبدا تطلق فسمها عليهم رغم انها اكبر منهم الا انو محشمتش وفكل فرصة تحاول طيح من معنوياتهم وتحوس على اي نقطة ضعف ليهم حتا تهاجمهم بيها  ...  اساسا رانا شايفين بزاف ناس من هاد النوع  ...  يحاولو يقللو من قيمتكم قدام ناس غي باه يبانو خير منك وكل شي تعمليه ينتاقدوك بطريقة تهدف لتدميرك وتدمير طموحاتك  .. هاد ناس بالذاات ناقصين ويغطو على نقصهم بانتقاد غيرهم ويبينوهم فصورة اقل قدام ناس  ..  تماما مثل بنت عمتها لميرفت  ...  كل مرة تسكت وتقول مش راح نرد عليها لانو يجي يوم وتسكت اما لالا لي يسكت على الغلط مرة راح يتمادى اكثر ولهاد السبب لازم من اول غلط تبينو موقفكم مش تتصرفو كأنو شي عادي  ..

تنهدت ميرفت بصوت خافت وشافت في لبنات  ..  غي طلعت راسها هبطو ريوسهم يكملو في شغلهم  .. قلبت عينيها بملل وقامت من مكانها تنفض فحالها  ..  شاف في مادي حكات  .. 

ميرفت  :  راح نروح نجيب السلة الباقية من داخل ونجي  ..

مادي :  اما مش ثقيلة عليك !!  ..

ميرفت  :  راح نقول لواحد من رجال يعاوني  ..

هزتلها براسها وتحركت من تماك رايحة  ..  جبدت تيليفونها وبعتت ميساج لصحبتها  ميرا  .. رجعت تيليفون لمكانو ودخلت للبيت وين كانو حاطين ماعين العرس  .. شافت من ومن بعدها خرجت من البيت تحوس بعينيها على كاش واحد من ولاد عمها حتا يساعدها  .. لقات برك الغراوين يلعبو ورجال واحد منهم مكانش  ..  تنهدت بقوة حكات بنبرة منزعجة  ..

ميرفت  :  وقت نحتاجهم واحد فيهم مايبان  ... 

طلعت راسها بسرعة وقت سمعت صوتو لي وصلها بنبرة هادية وقاسية فنفس الوقت ..  تبسمة بهدوء وشافت فيه  ... 

سادن  :  وياترى انا واحد منهم  ..

ضحكت بخفة على كلامو وهزتلو براسها  .. حكات بنبرة هادية وهيا تشوف فيه  ..

ميرفت  :  من حسن حظك انك مش منهم  ..  اما مدامك جيت فأكيد راح نستغلك  ..

كملت كلامها وتبسمت بمكر  ..  طلع حاجبو وقت شاف تبسيمتها وحكا بنفس النبرة  ..

سادن  :  نكره الاستغلال ونكره الشخص لي يستغلني  ..  اما حسب الشخص ادا كان مميز او لالا وحسب نوع الاستغلال  ...

كمل كلامو وشاف فيها بمكر  ..  شبه ابتسامة مرسومة على شفافو  ..  ميلت راسها على جنب وطلعتلو حاجبها من كلامو  ..  هيا مش غبية حتا متفهمش كلامو لي قالو بطريقة غير مباشرة  .. كان ايحاء جنسي واضح لما قاللها حسب نوع الاستغلال  ..  حكات بنبرة هادية مزالت تشوف فيه بنفس الطريقة  ..

ميرفت  :  مالا مش محتاجة نعرف ادا كنت مميزة او لالا لانو فكل الاحوال راح نستغلك  ..

رمات كلامها وتلفتت لداخل شي لي خلاه يتبسم على جنب ويلحقها للداخل البيت  ...