أنا لك خائن

𝐂𝐡𝐚𝐩 | 01

_ ڪـمدمـنـ أدمـنـ إࢪتـشـافـ الـمـخدࢪاتـ  .. 🖤

_ أدمنتـ إࢪتشافـ الخـطيئة منـ شفتيڪ  .. 🖤

•••••••••••••••••••••••••••••••••••••••••••••••••

بلعت الفاليز تاعها بعد ما حطت آخر قطعة فيها ونزلتها من فوق السرير  ..  تحركت للكوافاز وقعدت فالكرسي  ..  حكمت الميك أب تاعها ودارت ميك خفيف بعدها حطت خيمارها  ..  لقات على نفسها نظرة أخيرة وتبسمت برضى على نفسها  ..  حكمت الفاليز تعها وجرتها خارجة من غرفتها رايحة للصالون  ..  غي دخلت لقات يماها قاعدة مع باباها يحكو تبسمت وحكات بصوت هادي ..

ميرفت :  بابا خلاص راني واجدة خلينا نروحو  ..

حسام  :  اسناي ختك تجي حبيبة وبعدها نقلعو  ..

هزتلو براسها وراحت قعدت جنب يماها حاطة راسها على كتفها  ..

رقية  :  لميتي كل صوالحك !!  ..  لانو بعدها مش راح يرضى باباك يرجعك للبيت  ..

ميرفت :  لالا خلاص كلش جبتو  ..

هزتلها براسها وتبسمت معاها  ..  اااه شعال فرحانة وأخيرا بعد عام وصل العرس لي كانت تستنا فيه  ..  وشكون مايحبش عراس العايلة وقت اللمة الحلوة والحكايات والڨصرات خصوصا انو عايلتهم كبيرة من اولاد عمامها وعماتها  ..  هيا هاك وتدخل ختها تجري  ..

هايدا :  بابا هيا هيا الوقت شوف شعال حابة نوصل قبل ميلاف ...  مش راح نخسر الرهان  ...

رمات كلامها وخرجت تجري للطونوبيل تاعهم حتا تركب  ..  هزت رقية راسها بقلة حيلة وحكات  ..

رقية  : دروك هاد عمرها 18 سنة  !!  ..  مش راح تكبر يعني  !!  ..

ميرفت :  جيل آخر زمن للاسف  ..

شاف فيها باباها وطلع حاجبو بمعنى منيتك  ..  شافت فيها رقية بنفس النظرة شي لي خلاها تبادلها النظرة  ..

ميرفت  :  متشوفوش فيا هاك  .. كأنو مش صح  ...

حسام  :  لي يسمعك يقول أنك من جيل سبعينيات  ..

قلبت عينيها بملل وقامت من بلاصتها تعدل فالغوب تاعها  ..  حمحمت وحكات ...

ميرفت :  جيل التسعينيات حضرة الدكتور  ...

هزت رقية راسها وحكات بسخرية حتا تستفزها  ..

رقية  :  ايه يافيلسوفة زمانك   ...  مش كأنو غلطتي فاختيار التخصص من المفروض تختاري فلسفة مش طب حضرة الدكتورة  ..

لالا هيا فعلا راح تجن من هاد السيرة من قوة ما تكره الفلسفة يماها ماخذتها نقطة قوة ليها وفكل فرصة تنعتها بالفيلسوفة  ...  نفخت خدودها بعصبية وتحركت من تماك حتا تركب  ...  تبسمت امها بالشر وغمزت باباها  ...