أنا لك خائن

𝐂𝐡𝐚𝐩 | 14

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••••

طلق ذقنها من بين أناملو وتراجع خطوة للخلف ملامحو غامضة شي لي خلاها تتلفت وتعطيه بظهرها  ..  حمحمت وحكات  ..

ميرفت  :  انت ارفد هادو واستخدم عضلاتك لشي يفيدنا مش قاعد تتفتل هنا ولهيه كأنك عارض ازياء  .. 

شافت فيه وابتسامة مكر مزينة شفافها  ..  هاهيا من جديد قاعدة تتمسخر بيه  ..  لو سمحتو يوقفها واحد منكم لانو بالحق الهيبة تبكي فالزاوية ياسادة  ..  تبسيمة ماكرة ترسمت على شفافو قبل ميتحرك بكل ثبات مقرب ليها  ..  وقف جنبها حتا كتفها لامس إيدو  .. طلعت راسها ليه خلات عيونها يعانقو زرقت عيونو  ..  انحنى بالشوي وحكا بصوت خافت انفاسو الحارة تضرب فرقبتها  ...

سادن  :  واش رايك نستخدمهم فشي ثاني افضل بكثير  !!  ..  شي أكثر متعة وإثارة  !!  ..

هاهوا للمرة الالف يحول الكلام لإيحاء جنسي  ..  عقدت حواجبها وتلفتتلو تقحرلو  ..  حكات بكل هدوء وتضغط على كل حرف مخرجاتو من حلقها  ..

ميرفت  :  يا إما عقلك لازملو تعقيم او انت بالاساس تحتاج تعقيم  ..  مش كل شي نقولو تحولو لايحاء جنسي  .. 

طلع حاجبو وشاف فيها المكر يتراقص بين عيونو  ..  قلبت عينيها بعصبية وتحركت من تماك خالاتو يلحقها وشبه ابتسامة مرسومة على شفافو  ..

يـوم جـديد  ..

فاقت من نومها على صوت طبطيب فالباب .. فركت عيونها وتلفتت من ومن ملقاتوش جنبها  .. كانت الغرفة مضلمة من غير ضوء الفياز لي شاعل جنب سادن .. رفدت تيليفونها وشافت شعال ساعة  ..  عقدت حواجبها باستغراب وهيا تشوف فالوقت ..  كانت 4.30 تاع صباح ومش من طبيعي يجي شخص فهاد الوقت ينوضها الا ادا صرا شي ..

قامت بكل هدوء متوجهة للخزانة  .. جبدت كيمينو تاعها ولبساتو فوق النويزات ساترة جسمها .. تحركت للباب فتحاتو قابلتها مرت عمها .. غي شافتها مرت عمها حكات بكل هدوء ..

سعاد  :  سـامحـيني بـنتي جـيتك فـهاد الـوقت  ..

هزتلها مادي راسها بلا وحكات عاقدة حواجبها  ..

مادي  :  غـي الـخير عـمتي كـاش مـصرا  !!  ..

سعاد  :  مـاصرا والـو بـنتي بـرك كـان خـصني ليـزيبيس لـي شـريتوهم قـاتلي مـيرفت انـك دسـيتيهم وكـيما عـلابالك بـدينا نصـيب  ..

تنهدت بخفة وهزتلها راسها بكل هدوء ابتسامة هادية ترسمت على شفافها لانو فـعلا فكرت انو في شي صرا  .. 

مادي  :  اااه نـسيتهم كـامل  ..  دك نـبدل ونـجي نـمدهملـك وادا حـبيتي نعـاونكم  ..

سعاد  :  خـلي طيـاب علـينا حـنا كبـار بنتـي وبـاقي شغـل راح تعـملوه انـتو لـما يـفيقو بـاقي بنـات عـمومك  .. انتـي رجـعي رقـدي وريـحي  ..  يـسناكم شـغل طـويل  ..

هزتلها راسها وتبسمت معاها  .. جات تتحرك اما تلفتت ليها وحكات باستغراب ..