أنا لك خائن

𝐂𝐡𝐚𝐩 | 57

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••

الحاجة  :  خطبتها لأيهم وحـبيت نعـرف بـنت شـكون  ..

مادي  :  تـحكي صـح  !!  ..  راهـا بـنت عـمي مـاما  ..  صـبري دقـيقة نـعيط لـخالتو لـرقية  ..

رمات كلامها وتلفتت بسرعة رايحة تعيط لرقية  ..  بسمتها مرسومة من الشق للشق  ..  عندها شعال مسمعتش خبر يفرح مثل هاد  .. كانت تتمنى أنو تزوج ميرفت لأيهم اما مكانتش عندها لجرأة حتا تدخل او تحكي فمواضيع متخصهاش وتخص ناس غيرها  .. 

بلعت ريقها بقوة  ..  وقلبها راح يكسر قفصها الصدري كانو وحش وحابب يتحرر من سجنو  .. ولا مرة تخيلت انها توقع فموقف مثل هاد صدقوني تتمنى الارض تنشق وتبلعها فهاد اللحظة  ..  للمرة الالف يذكرها حظها أنو عاهر لعين ومستحيل يجي يوم ويوقف فصفها  ..  طلعت نظراتها ليه على أقل من مهلها لقاتو يشوف فيها وعيونو للحظة حستهم راح يختارقوها  ..  لانو فـعلا الوضع صار مينطاقش  ..

في مرة قالت الكاتبة النمساوية #ماري_فون_ابنر_رايشنباخ  : " أنـنا لا نـثق بـالحب الحـقيقي و كـذلك الـمرض إلا بـعد تـلقينا الـصفعة الاولـى منـه "  ..  هوا حـرفيا تعرض لأكبر صفعة في حياتو  ..  فهاد اللحظة بذات تأكد انو شي لي يحس بيه اتجاه هاد البنت مش مجرد إعجاب أو نزوة مارة وإنما شي أكثر بكثير  ..

هوما هاك حتا وقفت رقية مع مادي لي تضحك جنبهم  ..  شافت في ميرفت بعد ما سلمت على الحاجة وعرفت انها عجبتها وولدها عندو مكتب للسفارة الجزائرية وعمرو 27  ..  شارتلها بعيونها باه تروح وهيا هزتلها براسها  ..  حاولت ترسم بسمة على شفافها تحاول قد متقدر تبين أنها حقيقية  .. 

ميرفت  :  تـهلي فـي روحـك خـالتي مـعرفة خـير إن شاء الله  ..

الحاجة  :  تـهلاي فـي روحـك بـنتي وإن شاء الله نشـوفك كـنة فـي داري  ..

طلعت شوفاتها لا اراديا لسادن لي شاف فيها بدورو  ..  هزت راسها تتبسم وتحركت من تماك  ..  شوي هاك و وصلها ميساج في تيليفونها  ..  فتحت عيونها بصدمة لما شافت كلامو  ..  تلفتت وراها لقاتو يشوف فيها مش هامو ولا شخص من غيرها  .. كأنو راح يهمو الحقير  !!.. لا علينا  تحركت بسرعة وهيا رايحة للجهة يلي قاللها عليها  .. هوا أكيد جاب رقم الهاتف تاعها من عند مادي حسب واش تتذكر ممداتولوش ابدا او هوا طلبو  .. 

شاف فيهم للحظة وحكا حاط عيونو على أمو  ..

سادن  :  يـما رانـي رايـح ادا حـبيتي تـروحي أنـتي و رونـق ( مرحبا بضيفتنا الجديد وحتا هيا لقبها خوجة مثل سادن وراح تكون اختو 🤭  )  عيـطيلي نـوصـلكم  ..

مادي  :  لالا هـاد ليـلة راح يـباتو هـنا عـيب يـشورو فـهاد الوقـت  ..

هزلها سادن براسو وتحرك من تماك  ..  بينما مادي قدمت من عجوزتها حكمتها من يدها حتا توقفها وحكات معاها رقية  ..

رقية  :  ارواحـي الحـاجة نـدخلو الـداخل ونهـدرو  ..

___

هاهم قاعدين ثلاثتهم ومتقابلين بينما مادي تكب ليهم فالقهوة وبسمتها على شفافها ناسية كامل الفوضى لي صارية برا وطبعا صوت مهدي يلي كان طالع بينما يحكي فالتيليفون ومن نبرتو واضح انو معصب وصوت ميلاف تبكي او صوت يامنة يلي تسب فالبنت وتقول انها دمرت حياة ولدها مش كأنو هيا لي حبت تزوجها ليه أو راها غالطة  !! ..  كأنو فوضى العالم اجتامعت فهاد الحوش بسبب المشاكل يلي طاحت عليه وشي لي زاد عليها صوت الاطفال يلي يبكو كأنو ناقصين مؤثرات صوتية وضافوها حتا توالم الحدث  ..  لا علينا لأنو  تجاهلت كل هاد شي وقدمت كاس القهوة لعجوزتها و كاس ثاني قدماتو لرقية وبقات تستنا منهم يفتحو الموضوع من جديد  ..  حمحمت رقية وحكات حاطة عيونها عليها  ..

رقية  :  شـوفي خـالتي هـاد المـواضيع بـذات منـحبش نلـف ونـدور فـيهم  ..  أمـا سـامحينا مـش راح نـقدر نـقبل عرضـك للـزواج  ..  البـنت بـاباها راهـو حـاكي عـليها مـع صـاحبو حـتا يـزوجها لـولدو  ..  يـعني تـقدري تـقولي أنـها انـكتبت عـلى اسـم راجـل آخـر  ..

شافت فيها مادي بعيون مصدومة  ..  تمام هيا حاليا تعرضت لصدمة  ..  يعني ميرفت حاكيين علييها وراح يزوجها باباها وهوما معلابالهمش  !!  ..  نطقت بصوت مستغرب وهيا تشوف في رقية  ..

مادي  :  بـصح مـيرفت مـاقتليش هـاد شـي  !!  .. وهـيا ولا مـرة ذكـرت أنـو بابـاها مـاد كـلمة للسـيد  !!  ..

رقية  :  هـيا مـش عـلابالها بالاسـاس  ..  حـسام كـان نـاوي بـعد العـرس يـحكي مـعاها ويخـبركم فـي نـفس الوقـت  .. 

مادي  :  إن شاء الله خـير خـالتو  ..  أمـا تتـوقعي مـيرفت تـقبل بـهاد شـي  !!  ..

رقية  :  مـعندهاش حـل آخـر يـابنتي  ..  رجـال وقـت يـمدو الكـلمة ميـرجعوش فـيها  ..  وهيـا مـش راح تـرفض طـلب بـاباها  ..  تـفضل فـرحتو عـلى فـرحتها  ..

كملت كلامها وهيا تشوف قدامها بينما شردت في نقطة وحدة  ..  بنتها أكيد راح ترفض هاد شي خاصة بعد شي لي صرا  ..  الامور رايحة وتتعقد وحسب واش فهمت من كلام لي صرا مادي مراحش تطلق من سادن مالا أحسن شي تقنع بنتها أنو تقبل بهاد الزواج وهاد تماما واش راح تعمل  ..  شي لي طمنها أنو بنتها قدمت طلب انتقال لمشفى آخر  ..  لأنو لما قالت راح تبعد عن سادن هيا فـعلا كانت تعنيها  .. 

في جيهة أخرى  ..