أنا لك خائن

𝐂𝐡𝐚𝐩 | 23

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••••••••

يوم جديد  ..

وين كان الكل متجمع فالصالون ويتقهوا كل واحد منهم قاعد في شيرة يلي قاعد فالارض ويلي قاعد فوق الكرسي ويلي مزالو فمكانو هاداك وين ناض ..  البعض مرقدتش طول الليل والبعض خلا السهرة فالنص والبعض حتا كملو على ثلاثة تاع صباح رقدو  ..  ومثل العادة هاهيا مادي نازلة مع ميرفت بعد مانوضتها  ..  قربو وين قاعد منصف مع سادن وقعدو جنبهم  .. نطقت بصوت هادي حاطة راسها فالسنيوة وتحوس على الحليب حتا تشرب  ..

ميرفت  :  صبـاح الـنور  ..

نطق بصوت هادي وببحة خشينة راد عليها  .. 

سادن  :  صـباح النـور  ..

طلعت راسها ليه بحركة ثقيلة حتا تلمح ملامحو وادا في شي اما تنهدت بخفة وقت لقاتو يشوف فيها بنظرات هادية  ..  شي لي خلاها تتبسم بكل هدوء  ..  تلفتت لمنصف لقاتو يشوف فيها بكل غموض ومتبع كل حركة تعملها  ..  رسم تبسيمة على وجهو ومد يدو ليها حاكمها من خدها  .. 

منصف  :  رجـعو خـدودك مـثل الباندة وكـلو من الرقـاد  ..  وتـاني راهـم خبـروني أنـك محضـرتيش البـارح  ..

وعلى سيرة البارح بلعت ريقها بقوة وقت تفكرت واش صرا  ..  يعني كان لان يجيب سيرة مبارح  !! مـش كـانت راح تـكمل تـمثيلها فـي أنـو ولا شـي مـاصرا  !! ..  فـعلا حقير  .. بعدتلو يدو تقحرلو  ..  مسحت على خدها يلي حمار وحكات  ..

ميرفت  :  راسـي وجـعني مـبارح مـالا فضـلت أنـو نـرقد  ..

سادن  :  مـش غـريب أنـو كـل مـرة يـوجعك  !!  ..  واش رايـك تجـي لعـندي ونعـملك تحـاليـل  !!  .. 

شافت فيه لثواني وهوا يشوف فيها بكل هدوء  .. تمام بالعادة تشوف نظراتو الماكرة اما لدرك قالها بكل عفوية شي لي خلاها تتبسم بهدوء تحاول قد متقدرش تنحي جو توتر لي بينهم  ..  وقبل ما تحكي حكات مادي مقاطعتها  ..

مادي  :  صـح إنـتي لازم تـروحي لعـندو حـتا تتأكـدي إدا عـرفت خـالتو رقـية راح تتـقلق علـيك  ..

منصف  :  لا مـش راح تـروح أنـا عنـدي صـاحـبي دكـتور وبـعد العـرس ناخـذها لـيه  ..

تلفت لسادن وتبسم تبسيمة صفرة  ..  جـديا  !!  .. هوا حـرفيا راح يرجعلو مثل اللعنة يلي تخرب حياتو  .. وكأنو الفيروس يلي راح يخرب مشاريعو الحقيرة  .. شي لي خلا سادن يطلع حاجبو ويقحرلو  ..  لف وجهو بسرعة لميرفت لقاها حاطة راسها وتخلط فالكاس  ..  نطقت بصوت هادي ملامحها مظلمين وبسمتها تمحات من شفافها  ..

ميرفت  :  أنـا ملـيحة ومـش محتـاجة دكتـور شـكرا علـى اهتـمامـكم  ..

وهاد كان الانسب حتا متلاقاش بيه وحتا تبعد هاد النظرات منها لانو حـرفيا مش قادرة تتحمل  ..  صدقوني راح تنفجر وتقوللهم بركو متشوفو فيا هاك كأني عملت ذنب  .. طلعت راسها وقت حكات معاها مادي  ..

مادي  :  واش هـادي شـكرا  !!..  منـيتك ميـرفت  !!  ..  اسـاسا إنـتي راح تـروحي مـع سـادن حـتا يـشوفك ومـش راح نخلـيك تـقولي لا أو نخـبر خـالتـو رقـية  ..

ميرفت  :  عـلاه عـليك هـاك  !!..  قـتلك رانـي مليـحة  ..

مادي  :  ميـهمنـيش  ..

تنهدت بقلة حيلة وشافت في منصف يلي يشوف فيها بكل هدوء  ..  نقلت شوفاتها لسادن لقاتو يشرب في قهوتو بكل هدوء ويشوف في لولاد يلي يلعبو  .. هيا حاسة بتغيرو كأنو جابو شخص ثاني مكانو وكأنو آخر كلامها مبارح حطت نقاط لشي لي يصرا بينهم  ..

اما دقيقة  !! هيا من شوي كانت مقررة أنها متزيدش تتلاقا بيه فمكان وحدهم  ..  مالا واش اللعنة لي صرات درك  !!  ..  تبا تبا تبا هادا واش تمتمت وعضت على شفتها بكل قوتها  ..  كان حظها عاهر حد النذالة  .. صدقوني لو جا مرة في صفها كانت راح تعمل وليمة وتغدي كامل سكان حيهم  ..  اما للاسف بعض الاحلام متتحققش  ..

نفضت هاد الافكار من بالها وتلفتت لمادي  .. 

ميرفت  :  مادي راح تـروحي للـحفافـة غـدوة  !!  ..  و واش قالـت جـدة  !!  ..

مادي  :  الكـبار بـرك راح يـروحـو للحـنة وصـغار راح  يـقعـدو  ..  راح تبقـا مـعاهم عمـتي سعـاد و فـاطمة .. 

ميرفت  :  تـمام وإنـتي راح تـروحي  !!  .. 

مادي  :  واه راح نـروح  ..  وراح تـروحـي معنـا  ..

ميرفت  :  لاااا تـعرفيني منـبغيش نـروح راح نبـقا هـنا نعاونـهم فالعـشا  ..

مادي  :  تـمام أسـاسا راسـك راح يـوجعك  ..

تبسمت معاها وقامت من مكانها  ..  رفدت سنيوة من قدامهم وحكات معاها  ..

مادي  :  هيـا نـوضي جـهزي حـالك  ..