أنا لك خائن

𝐂𝐡𝐚𝐩 |55

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

••••••••

صوت الباب يلي تفتح بكل قوتو خلاهم ثنيناتهم يقفزو مفزوعين من اماكنهم  .. بعدت منو بسرعة و وقفت تعدل حالتها وشعرها لي كان منكوش  .. أما رمزي تبسم بعصبية على جنب ومسح شفتو بإبهامو  .. كان مستمتع بيها والحقير فسدت متعتو  !!.. تبا  .. هوا حرفيا كان حابب يضربها  ..   شافت فيهم بحواجب معقودين وقدمت منهم نظراتها قريب يحرقو رمزي  ..  حكات مع ميلاف بنبرة كلها انزعاج بلاما تتلفت لميلاف  ..

هايدا  :  مـهدي كـان يـحوس علـيك  .. قـال أنـو خـالتو أمـيرة منـعرف ويـنها  ..  أنـزلي شـوفيه بعـد مـا يـنزل هـادا حتـا مـيشوفكم ولا شـخص ..

شاف فيها بنفس النظرات تقضيبة مرسومة بين حواجبو  ..  حكا مخاطبها  نبرتو كلها تعصيب ..

رمزي  :  عنـدي اسـم مـسمونيش هـادا  ..

هايدا  :  واش دخـلني فيـك  !! منـيش مـلزومة نـحكي باحـترام مـع أمـثالك ..  انـزل قـبل لا يـطلع كـاش حـد وديـرلنا مـشاكل منـاقصناش تـمام ..

رمزي  :  واش قـصدك  بأمـثالي  !!  .. 

ميلاف  :  رمـزي خـلاص يـاريت تـنزل قـبل مـا يـطلع مـهدي  ..

تلفت لهايدا شاف فيها بتقحيرة وتحرك من تماك بينما هيا قلبت عينيها بعصبية وشافت في ميلاف  ..  حطت يدها على خصرها وعيطت على ميلاف  ..

هايدا  :  كـيفاه خـليتيه يـقرب منـك هـاكا هبلـتي  !!  ..  مـعندكش بـزاف مـلي عـرفتيه وبـاينة يكـون يـتمسخر  ..  دروك نـتي لـي يـجي يـقولك مـرتي وعـجبتني تـأمنيه  !!  ..  ويـنتا صـرات هـادي  !!  ..  شـافك دقـيقة وحـكا مـع زوج كـلمات بـدا يـحلب ونـتي صـدقتيه  !  ..

ميلاف  :  مـهوش يـتمسخر هـوا قـالي راح نـجي نـخطبك ومـن خـوك تـاني  ..

هايدا  :  ادا هـاك عـلاه مـيروحش لمـهدي ديـركت  !!  عـلاه جـايبك هـنا ويـفعل فـيك  !!  ...

ميلاف  :  هــايدا   .. 

عيطت عليها وعيونها تغرغرو بالدموع  ..  عضت شفتها بقوة وقت استوعبت واش قالت  ..  الحقيرة كان لازم تنفعل بهاد الطريقة  !!  ..  اعذروها لو سمحتو لانو فعلا اعصابها تالفة  ..  راح تجن حرفيا كل ما تتذكر انو منصف راه بين يدين مراة اخرى  ..  جات تحكي معاها أما تخطاتها بسرعة ونزلت تجري من درج  ..

قعدت هايدا تماك وملامحها كلها حزن  ..  غطات وجها بكفوف يديها وطلقت شهقاتها يلي كانت حابستهم  ..  صح مراحش نموتو ادا فقدنا الشخص لي نحبوه أما راح نعيشو مثل الميت  ..  الحياة تفقد بنتها وحلاوتها  ..  وخاصة لما تكوني عشتي كلشي سيئ وحلو مع هاد الشخص  .. 

في مرة قال شوبنهاور عن الاحتياجات الشخصية الأساسية للإنسان : " إن عـلى الكـائنات ذات القـدمين، أن تـتجمع بـالقرب مـن الـنار لـتحصل عـلى الـدفء، ولـكن الإقـتراب كـثيراً سيـحرقها "  ..
شوبنهاور كان يشوف أنو احتياجات الإنسان من "الـحب والعـلاقات والاهتـمام والشـفقة والعـطف.. إلـخ"  ..  سلاح ذو حدين  .. فكل إنسان فهاد الدنيا لازملو جرعة منها أما آدا زادت هاد الجرعة عن الحد المطلوب راح تنعكس سلبا  .. تماما مثل الشخص يلي يتعاطى المخدرات  .. ادا زاد في نسبة الجرعة يلي يتعاطها راح تقتلو  ..  وهاد واش صرا مع هايدا  ..  هيا تعلقت بيه أكثر من لازم ربطت سعادتها بوجودو ولما خذاه المكتوب من بين يديها حست كأنها فقدت العالم كلو مش سعادتها برك .. 

عند منصف  ..

بقا للحظة واقف ويشوف فيها  ..  تبسم على جنب وقعد على سرير حاط راسو بين يديه  ..  شي لي تعرضلو من شوي كلمة صدمة قليلة على واش يحس  ..  تمام مش من المعقول يكون حظو زفت لهاد الدرجة  ..  لما قرر ينسا الماضي و يبني حياتو مع مرتو وياسس عايلة ويحاول على قد ميقدر أنو ميظلمهاش طلعت هيا فحد ذاتها مجبورة على هاد الزواج  !!  .. يا للسخرية  ..  القدر كان يلعب بيه مثل الكرة بالضبط مرة يرميه من ومرة يرميه من  .. 

فاتت مدة وهوما على حالهم ولا واحد ما حكا او تحرك  ..  طلعت نظراتها ليه وقت وقف من مكانو بحواجب معقودين  ..  حكا بكل هدوء ولف شوفاتو منها  ..

منصف  :  بعـد غـدوة راح تـرجعي لـداركم  ..

وئام  :  وعـلاه مـش غـدوة  ..

منصف  :  راح نـطلب مـن أهـلك يـجو حـتا نـحلو الخـالوطة لـي طـحنا فـيها  .. 

وئام  :  راح طـلقني أنــا مـراحش نـقعد هـنا  مـعاك وفـنفس الشـومبرة  ..

تلفتت ليها وقحرلها  ..  تمام هوا حاليا شاد روحوو على شعرة حتا ميخنقهاش الحقيرة  ..  بكل جرأة قاعدة تحكي ومش خايفة من الفوق  !!  ..  زفر بقوة وحكا بنبرة قاسية قدرت تعرف شعال راهو معصب  ..

منصف  :  أسـاسا مـراحش نـبقا مـعاك  ..  راح نـقوللهم يـجهزولك غـرفة تـبقاي فـيها هـاد لـيلتين بيـلاما رجـعتي لـداركم  ..

وئام  :  مـعنديش مـشكل مـدام نـتا مـراحش تـقرب مـني ويـاريت مـتزديش تـحكي مـعايا  ..

منصف  :  ﷲ يـرضى عـليك اغـلقي فـمك متـربيتش نـضرب البـنات لأنـو صـح راح  نـكسر فـمك  ..

رما كلامو وتحرك خارج من الغرفة  ..  خبط الباب بكل قوتو وتحرك للاسفل حواجبو معقودين وصدرو يطلع وينزل من العصب  ..  غي شافتو يماه راحت تجري ليه هيا  ..

يامنة  :  يـادرة ولـدي كـلش فـات مـليح طـمني  ..

منصف  :  البـنت راهـا الفـوق خـرجوها من غـرفتي وغـدوة عـيطو لأهـلها لأنـو حـبت تـطلق ومحـبتنيش نلمـسها  ..  ودروك فـرحي بـزواج لـي حـبيتيني نـزوجو  ..