أنا لك خائن

𝐂𝐡𝐚𝐩 | 15

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••••••••

هزتلها راسها وتبسمت معاها  .. جات تتحرك اما تلفتت ليها وحكات باستغراب ..

سعاد   :  بالمناسبة شفت سادن خارج ياك مصرا والو ..

عقدت حواجبها من كلامها وهزتلها براسها  ..  هيا كانت مفكرة انو بالحمام لما شافت ضوء اما طلع توقعها غالط  .. حكات بكل هدوء ونبرتها كلها استغراب ..

مادي  :  معلاباليش عمتي يمكن جاه اتصال من المشفى  ..

هزتلها راسها وراحت من تماك  ..  دخلت مادي غيرت ثيابها وخرجت رايحة تمدلهم واش يحتاجو  ..  غلقت الباب وراها وتحركت نازلة فالدرج  ..  سمعت صوت ضحك خفيف ومن صوت عرفتها ميرفت عقدت حواجبها وكملت طريقها غي تلفتت وقفت مصدومة وهيا تشوف فيهم .. كان سادن واقف مع ميرفت ويضحك .. ايه هوا كان يضحك وهاد شي لي خلاها تتصدم عن جد ..  هيا ولا مرة شافتو ضحك بهاد الطريقة مستحيل  ..  بلعت ريقها وقت شافت غمازاتو لي خرجو من ضحك .. جات تتقدم اما وقفها صوت ليلى وراها .. تلفتت ليها لقاتها رافدة ولدها وتشوف فيها ظاهر انها كانت تغيرلو في ثيابو  ..

ليلى  :  مادي انتي مليحة  ..  شبيك متصمرة هاك  !!  ..

رمات كلامها وشافت ورا ضهرها اما عقدت حواجبها وقت  شافت ميرفت وسادن يضحكو مع بعض  ..  رجعت شوفاتها لمادي لي تشوف فيها بكل هدوء اما ملامح الصدمة مبينة على وجها  ..

ليلى  :  واش صرا !!.. ومش كانو يقولو انو راجلك جامي ضحك او حكا مع وحدة فينا  !! ..

هزتلها مادي راسها بلاما تتكلم  .. هيا فعلا نصدمت من منظرو ..  يعني أنك تعيشي مع شخص سنين و ولا مرة شفتيه يضحك من قلبو وبطريقة تبين شعال ضحكتو صادقة هنا صح تتصدمي ..  اما لي حيرها واش عملت ميرفت حتا ضحك بهاد طريقة  .. تمام هيا علابالها انو شخص هادي وادا كتر يتبسم او يضحك بخفة لا غير اما باه يضحك بهاد الطريقة  !!..  لا مستحيل صدقوني كانت اكثر من صدمة ليها .. وحدة منكم تقنعها انو فعلا راجلها ضحك لانو المسكينة ظاهر راح يغمى عليها من صدمة .. فاقت على صوت ليلى من جديد  ..

ليلى  :  كلشي مليح بينكم ياك  !! ..

عقدت حواجبها باستغراب من سؤالها يلي جاها على غفلة .. تلفتت لسادن شافت فيه ورجعت شافت فيها وحكات ..

مادي  :  همم كلش مليح مكان ولا مشكل .. اما علاه سقسيتيني !! ..

شافت فيها ليلى للحظة بنظرات غامضة بعدها شافت في ميرفت وسادن بنفس نظرات ..  هزتلها راسها بلا وتحركت من تماك بكل هدوء خلات الف سؤال وسؤال في راسها ..  تلفتت حتا تروح ليهم اما لقات ميرفت رايحة الكوزينة وحدها ظاهر انو سادن راح ..  كملت طريقها بملامح شاردة قلبها وجعها انو مش هيا السبب لي خلاه يضحك بهاد الطريقة  ..  هيا هاك وتحس حالها دخلت في شخص ..  طلعت راسها لقاتو منصف ..

منصف  :  واش صرا حتا راكي تمشي ونتي صافنة  !!.. و واش مفيقك فهاك الوقت !!.. 

تبسمت مادي بخفة وهزتلو براسو ..  حكات بصوت خافت وشافت فيه  ..

مادي  :  ولا شي  .. اما عمتو سعاد كان خصها شي حتا يطيبو .. بصح نتا واش تعمل فهاد الوقت  !!..

منصف  :  ياك قتلك راح نروح انا وسادن عنا شغل  !!  .. قررت نروح لمعسكر نشري شومبرة مع صوالحها ..

مادي  :  وين في معسكر  !! ..

منصف  :  فالمحمدية صاحبي راح يسناني في طريق مارساي وتماك نروحو مع بعض وبعدها يجي معايا ..

مادي  :  اما مش بكرتو يعني اقل شي تعملو 20 دقيقة فالطريق !!..

منصف  :  راح نروحو قبل نشرو الغنم مع الخضرا حتا ناخذوهم للبنت ..

هنا سكتت لفترة تشوف فيه .. كانت ملامحو تبين بكل وضوح انزعاجو  .. مكانش هاداك الشخص لي يخفي مشاعرو او يبين غموضو .. تنهدت بصوت خافت وشافت فيه بكل حزن ..

مادي  :  منصف عرسك راح يصير بعد أربع أيام ياريت تحاول تتقبل الوضع الحالي لانو بعد النقطة لي وصلنالها مراحش تقدر تتراجع ..