أنا لك خائن

𝐂𝐡𝐚𝐩 | 20

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤
_ أدمنتـ إࢪتشافـ الخطيئة منـ شفتيڪ  .. 🖤

•••••••••••••

فتحت الباب قابلها الظلام فكل مكان..غالقة تاقة ولافة جسمها بالغطا ميبان منها ولا شي..شعلت الضو وبانت ليها الغرفة يلي كان لونها باللون الباج والابيض..سريرها متوسط الغرفة..قدمت منها بخطوات ثقال وحطت يدها على ظهرها هزتها بالشوي ونطقت باسمها بصوت خافت حتا متخلعهاش..
مادي: ميرفت..شبيك حبيبة انتي مليحة.. 
بقات تستنا فيها ترد او تعمل اي فعل وهاد واش صرا وقت بعدت الغطا من فوقها وخرجت تقعدت فمكانها..كانت لابسة شوميز دونوي فاللون الاحمر مبين بياض بشرتها وخدودها حمر وشعرها مفرود على كل وجها..بعدتلها شعرها..تبسمت معاها بكل حنية خلات مادي تبادلها الابتسامة..
ميرفت:انا مليحة اما حابة نرقد لانو راسي يوجعني..
كـذابة..مكان لا راسها يوجعها او حابة ترقد ببساطة كانت حابة تهرب..متستغربوش لانو شي لي صرا صباح خلا قلبها يوجعها وانو تشوف فيها مادي بهاديك الطريقة او تشك فيها..حست حالها فعلا حقيرة..صدقوني تتمنى يصير اي شي و متعملش شي ممكن يضرها..نطقت مادي بصوت هادي وهيا تمسح على خدودها الحمر ويلي طبعا حبتهم كيفاه منفوخين وطريين..
مادي:اما مش من عادتك انك تفوتي لماتنا وخصوصا انو راح يعملو العود الفرقة وصلت..حتا خالتو رقية سقساتني عليك..
وعلى سيرة خالتو رقية تفتح الباب ودخلت منو امها..قربت منها وقعدت فالجيهة الثانية من السرير ..مسحت على شعر ميرفت وحكات..
رقية:فلة واش صرا..وعلاه منزلتيش!!..
تمام ولانها كانت مثل بياض الثلج بشعر اسود وبشرة بيضاء مثل ثلج..امها كانت تناديلها فلة لانو فعلا كانت جميلة حد الفتنة..تبسمت بكل هدوء على امل متكشفش كدبتها وحكات..
ميرفت:ماما راسي واجعني صدقيني ومش حابة ننزل وانتي عارفة الاجواء تحت..
شافت فيها لفترة بكل هدوء وهزلتها راسها  .. تلفتت لمادي تبسمت معاها وحكات..
رقية:مادي انتي انزلي وانا راح نقنعها تنزل..وشوفي هديل واش حبت كانت تحوس عليك..
هزتلها راسها تتبسم وشافت في ميرفت يلي فتحت يديها حتا تقرب منها وتعنقها..ترمات في حضنها وعنقتها بكل قوتها..مسحت على شعرها وحكات..
ميرفت:نحبك..
مادي:ونا نحبك..
بعدت منها وشافت فيها بعيون يبرقو..صـدقا!!..  صدقوني الاطفال وميبكوش بهاد السرعة مثل ماتبكي مادي..مرات تشك انو عندها خلل فالهرمونات تخليها تتأثر بكل بساطة ومن أشياء بسيطة وهادا واش خلا ميرفت تضحك  وتهز راسها..
بعد ماخرجت وغلقت الباب وراها نزلت راسها لحضنها وملامح وجها تغيرو كليا..وهاد تماما واش كانت رقية تشوف..حكات بكل هدوء وعينيها عليها..
رقية:انتي حابة تخبريني شي !!او في شي منيش عارفاتو!!..
نطقت بصوت هادي بلاما تشوف فيها لانو حـرفيـا تعبت من تمثيل..
ميرفت:مكان ولا شي  ماما..
رقية:تمام خليني نسقسيك بطريقة اخرى يمكن تفهمي عليا..انتي في شي بينك وبين سادن!.
على اخر كلامها طلعت راسها ليها بسرعة فاتحة عيونها على وسعهم..تبا تبا تيا..صدقوني هاد ابدا مش فصالحها..اساسا يماها كيفاه عرفت!!..يعني هوما مبيناتهم ولا شي اما توتر لي بينهم فـعلا غريب!!.. حـاليـا كانت وسط متاهة معندهاش مخرج لعين وهاد اكثر شي راح يسببلها وجع رأس..بلعت ريقها وهيا تشوف فملامح أمها الجدية..جات تحكي اما وقفتها  وقت حكات بكل جدية..
رقية:لما تلقاي عضو من اعضاء الجسم متضرر بشكل كبير وراح يضر الجسم ويوصل حتا يقتلو..انتي لازم تستأصلي هاداك العضو حتا يقدر الانسان يعيش وجسمو يتعافى من أي مرض..وهاد تماما واش لازم يصير..
رمات كلامها وقامت من مكانها بكل هدوء خالتها وراها تشوف في نقطة وحدة..رمشت مرة وثنين وقت سمع صوت الباب تغلق..بلعت ريقها بقوة وقت طاحت دمعتها..حرفـيا قلبها حاساتو ينبض بطريقة مألمة مش عارفة واش يصير معاها او كلام امها.. مش حابة تصدق انو فهماتو صح وهيا بالاساس فهمتها بطريقة غالطة..هاهيا للمرة الثالثة تحاول تقنع فحالها انو امها مدتلها درس فالطب لا غير..ماهية متعودة وعلى هادي مش لازم تخمم فأمور اخرى ..   مسحت دموعها بسرعة وقامت من مكانها دخلت للدوش تغسل وجها..تنهدت بقوة وهيا تشوف في روحها فالمرايا..تلفت بكل هدوء وفتحت الباب غي خرجت منو وقفت فمكانها كانو انشلت عن الحركة..
متستغربوش اساسا هادا واش صرا لما لقاتو قاعدة فوق سريرها وجامع يديه عند صدرو..بلعت ريقها بقوة وقت طلع راسو ليها وتلاقو شوفاتهم.. تراجعت خطوة للخلف وقبل ما تتلفت وتهرب من قدامو كان نطق بصوت قاسي وبنبرة مبحوحة خشينة حكا كلامو..
سادن:متخميش تعلميها ابدا..
زيرت على قبضة يدها بقوة وقحرتلو..قدمت منو ملامحها هادين عكس نبضاتها يلي لو قربت منو مسافة كافية راح يسمعهم..حـرفيا كانت حاسة أنفاسها راح تتوقف من توترها..مالا وبكل هدوء حكات بنبرة جدية حاطة عيونها فعيونو..
ميرفت:انت واش تعمل عندي!!..
سادن :في شخص خلاني طول اليوم نفقد تركيزي..وكان لازم نطمن عليه..
ميرفت:صـدقا  !!.. معندكش هاد الحق مسيو سادن..
طلع حاجبو من كلامها..كأنو راح يهتم بكلامها!! ..اما للحظة نزلهم خلاهم يتفحصو كل جزء منها على اقل من مهلو  تفاحة ادم طلعت ونزلت وقت بلع ريقو من منظرها .. مالا وبكل هدوء وقف من مكانو واقف اونفاص ليها..