أنا لك خائن

𝐂𝐡𝐚𝐩 |51

_ ڪـمدمـنـ أدمـنـ إࢪتشـافـ الـمـخدࢪاتـ  .. 🖤

_ أدمنتـ إࢪتشافـ الخطيئة منـ شفتيڪ  .. 🖤

•••••••

بقات تسمع فيه بكل تركيز هوا يحكي  ..  عقدت حواجبها وهيا تسمع فالسبب يلي جاها تافه بكب معنى الكلمة  ..  تنهدت بنفاذ صبر وحكات  ..

ميرفت  :  طـلبت مـنها تـتراجع أو تـخمم فالمـوضوع  !!  ..

سادن  :  خـذيت شـهر كـامل ونـا نـساير فـيها عـلى أمـل تتـراجع أمـا رفـضت لـما جـا العـرس وفقـدت الامـل قـررنا بـعد العـرس نطـلقو  ..  ولـهاد السـبب قـررت نـفوت آخـر هـاد الايـام مـعاها لأنـو مـش راح تـرجع مـعايا بـعد العـرس  ..  أمـا لـيكي شـفتي واش صـرا و كـيفاه تـلاقينا  ..

ميرفت  :  يـعني بـعد العـرس راح تـطلقو  !!..

سادن  :  مـش عـارف أمـا آخـر مـرة حـكينا فـيها قـاتلي خـليلي فـترة نـخمم فـيها  ..

مسح على جبينو بعصبية ورجع كمل كلامو بينما هيا تسمع فيه بكل هدوء وعقلها يخمم في شعال من حاجة  ..

سادن  :  أنـا تـعبت مـعاها مـش عـارف كـيفاه نـتصرف كـل مـرة تـخرجلي بـشي جـديد كـأنو حـياتنا لـعبة بـين يـديها  ..

نطقت بصوت هادي مخلياتو يشوف فيها بنفس الهدوء  ..

ميرفت  :  أنـت حـاليا واش حـاب  !!  ..  حـابب طـلقها أو حـابب تـكمل حـياتك مـعاها  !!..

سادن  :  حـابب طـلاق وخـاصة انـو رجـع عـندي سـبب مـش راح يـخليني نتـشبث بـهاد الـزواج الفـاشل  ..

حكا كلامو مباشرة بدون تفكير لأنو بالاساس مش محتاج تفكير  ..  هزتلو راسها بكل هدوء مخلياتو يشوف فيها برك  ..  هوا مش عارف واش راهي تخمم او واش راح تعمل او كيفاه راح تتعامل معاه  ..  حـرفيا حياتو تعقدت كتر وكتر  ..  للحظة صفن وهوا يخمم أما صوتها يلي طلع بنبرة خافتة خلاه يخرج من صدمتو  ..

ميرفت  :  إدا كـان الامـر هـاك فـخلينا بـعاد قـدر الامـكان  ..  وقـت يـصير هـاد الطـلاق تـماك نـقدرو نـحكو بـراحتنا  ..  وطـبعا راح يـكون لـينا كـلام خـاص  ..

شاف فيها للحظة قبل لا يهز راسو موافقها الكلام  ..  مدام هيا حبت هاك فهوا أكيد مش راح يرفض والاهم مش حابها تحس بتأنيب الضمير وترجع تبكي مثل قبل  ..  غي شافها قامت من مكانها وتحركت حكم يدها بسرعة مخليها تتلفت ليه عاقدة حواحبها  .. 

مـيرفت  :  واش صـرا  ..

سادن  :  راح نـبقاو نحـكو مـع بـعض  !!  ..  مـش راح تتـجاهليني  ..

شافت فيه بهدوء غريب مخلي قلبو ينبض بقوة داخل صدرو  ..  تبسمت باتسامة لطيفة خلات انفاسو تتوقف للحظة  ..  صدقوني هوا حابب يبوسها وفهاد اللحظة بالذات  ..  حكات بنبرة هادية مخلياتو يتنهد  ..

ميرفت  :  مـن الاحـسن نـاخذو فتـرة ونـبعدو فـيها  ..  نـحنا مـش حـابين نغـلطو كـتر وكـتر ولالا  !؟  ..

سادن  :  كـيفاه حـابة تـجردي جـندي مـن أسلحتو  وتطـلقيه وسـط سـاحة حـرب وبـعدها تقـوليلو لازم تـخرج مـنها عـايش !!  ..

ميرفت  :  صـدقني هـوا راح يـلقا الطـريقة حـتا يـعيش ومـنا لـداك الوقـت هـديتو راح تـكون تـسنا فـيه .. 

وقف من مكانو بينما مزالو حاكم يدها  .. بقات مراقباتو و واش ممكن يعمل  .. اما تفاجأت لما جبدها ليه بسرعة مخليها تتصدم فصدرو  ..  حاوط خصرها بيديه وعنقها مدخلها وسط ضلوعو  ..  تنهد بقوة وهوا يحس فقلبو ينبض بطريقة وحشية خاصة وهوا يحس بجسمها بين يديه  ..  تبا  ..  كانت لطيفة بطريقة مقدرش يقاومها  ..  هوا حاليا صار غريق في لعنتها  ..  بقات واقفة بلاما تبادلو العناق بينما قلبها برك لي نبض بهاد الطريقة الشرسة  ..  بلعت ريقها بقوة وبادلاتو العناق لآخر مرة  ..  آخر مرة قبل لا تبـعد عليه وتقنع نفسها أنو راح يطلق  ..  دخلت وجها وسط رقبتو وغمضت عينيها تستنشق فريحتو  ..  نطق بصوت خافت انفاسو الحارة تضرب في رقبتها  ..

سادن  :  أخـطأت .. ولـڪنه عـشق سـار بقلـبي .. لا يخـضع  ..

وقت تمد ثقتك لشخص كأنك مديتلو خنجر و وقت يستغل هاد الثقة راح تتلقا أول طعنة بهاد الخنجر  ..  وهوما ثنيناتهم طعنو مادي بألف خنجر بخيانتهم وكسرهك لثقتها  ..  كان وغد حد اللعنة وهوا يوعد في بنت اخرى بالحياة بينما ينهي فحياة الثانية  ..  كل خائن يخلق لنفسو ألف عذر وعذر حـتا يـقنع نفسو أنو مغلطش وهوما لثنين وبكل وقاحة لقاو عذرهم  ..

عند مادي  ..

هاهيا قاعدة مع لبنات وعقلها كلو عند سادن وفي موضوع الطلاق  ..  من لما جات صارت عجوزتها حاكية معاها الف مرة حتا تغير رأيها وبالزور قدرت تقنعها انو تأجل الموضوع وتزيد تخمم كتر وكتر  ..  اما هيا حاليا مش حابة تبعد عليه حابة تختار نفسها وتكون أنانية وتبقا حنبو حتا لو ماجابوش ولاد و هاد واش راح تخبرو لما يجي  ..  تلفتت بكل هدوء على يد ليلى يلي تحطت على كتفها  ..  شافت فيها بملامح تاعبة وتبسمت معاها  ..  شي لي خلا ليلى تعقد حواجبها  ..

ليلى  :  مـادي واش صـرا خبـريني  ..  نـتي مـن لـما جـيتي وأغـلب الـوقت شـاردة وتـخممي  ..  وأنـا شـايفة تـوتر لـي صـاري بـينك وبـين سـادن كـأنو صـاري شـي  ..  وحـتا آخـر مـرة مـقدرتش نصـدقك لمـا قلتـي انـو كـل الامـور تمـام بيـنكم  ..

مادي  :  أنـا طـلبت مـنو يـطلقني  ..

فتحا عيونها بصدمة على كلامها  ..  ما اللعنة  !!  ..  كيفاه طلبت طلاق  .. لحظة لحظة  ..  امنحوها لحظة حتا تقدر تستوعب  ..