online game ထဲမှာကျင့်ကြံမယ်| online game ထဲမွာက်င့္ႀကံမယ္(Dropped)

အခန်း ၂၂။ ဝိဉာဉ်တစ်စပျောက်ဆုံးနေခြင်း

အခန်း ၂၂။ ဝိဉာဉ်တစ်စပျောက်ဆုံးနေခြင်း

အောင့်ထျန်းသည် ယဲ့ကျိုးပျောက်ကွယ်သွားသော နေရာဆီကြည့်ကာပြောသည်။

"ဖျန်းကျိုးက လမ်းလျှောက်တာအရမ်းမြန်တာပဲ။ တိုက်ခိုက်ပြီးတယ်ဆို ထွက်သွားတာ။ အတန်းဆရာကခေါ်လို့ ကမန်းကတမ်း ထသွားတာကျလို့"

ယဲ့ကျိုး၏ဂိမ်းထဲကနာမည်က 'ယိယဲ့ဖျန်းကျိုး' (leaf boat-သစ်ရွက်လှေ) ဆိုသော်လည်း နာမည်ကရှည်လွန်းကာ system က အသံထွက်အတိုင်း မှန်ကန်စွာရေးသားနိုင်ခြင်းမရှိတာကြောင့် အဖွဲ့သားများက ယဲ့ကျိုးကို အရင်လိုအရှည်ကြီးမခေါ်တော့ဘဲ 'ဖျန်းကျိုး' ဟူသည့် စကားလုံးတိုဖြင့်သာ ခေါ်ဆိုကြလေသည်။

(*ဖျန်းကျိုး - လှေငယ်)

တုကုးကျော့သညိ သူ၏တန်းထျန်ထဲတွင် အလွန်အမင်းနာကျင်မှုကို ခံစားခဲ့ရသော်လည်း အခုတော့ အနည်းငယ်သက်သာသွားလေပြီ။ သူဟာ ဓားနှစ်လက်ကို တစ်ပြိုင်တည်းကိုင်၍ တိုက်ခိုက်ရန်အတွက် တစ်ကယ်ကို ယုံကြည်မှုရှိခဲ့သည်။

စစ်မှန်သောချီစွမ်းအင်များသည် ခဏတာမျှ သူ့ခန္ဓာကိုယ်တွင်း၌ ပရမ်းပတာဖြစ်ခဲ့သည်။

သို့သော်လည်း သူ့ရဲ့အထုပ်အပိုးထဲက ကျိုးပဲ့နေသော နတ်ဓားနှစ်လက်ကြောင့် *အာဟာရပြတ်၍ သေဆုံးသွားသောကုလားအုတ်က မြင်းတစ်ကေယင်ထက်ဝောာ ကြီးနေသေးသည် ဆိုသလိုပင်။

ဓားကျိုးများထဲရှိ ဓားစွမ်းအင်တို့သည် သူစုပ်ယူရန်အတွက် ကျန်ရှိနေပါသေးသည်။ သို့တိုင် စုပ်ယူနေရင်းလည်း နာကျင်နေဆဲသာ။

(*မြန်မာလိုဆို ဆင်ပိန်ကျွဲနဲ့တူပါတယ်- ပိန်သွားတဲ့ဆင်က ကျွဲထက်တော့ကြီးနေသေးတာပေါ့)

အစောပိုင်းတုန်းက အသက်အန္တရာယ်ရှိလောက်အောင် သွေးတွေထွက်နေသော်လည်း ယဲ့ကျိုးသူ့ကို ဆေးတိုက်ပြီးနောက် ဓားချီများကို ဖိနှိပ်ရန် အားပြည့်လာသည်။

သူ့ဘေးက ယဲ့ကျိုးက ဘာလုပ်နေတယ်ဆိုတာ ဘယ်သူသိပါ့မလဲ။

ရုတ်တရက် တုကူးကျော့၏နာကျင်မှုများ ပျောက်ဆုံးသွားရပြီး သူ့ကိုယ်ထဲက ဓားချီများက သဲလွန်စပင်မကျန် ပျောက်သွားလေသည်။