بك اهتَديت

قهر الرجال

أبعدت آية معاذ عن صالح بقوة وهي تقول بصوت مرتفع :

_"هو في إيه أنا مش فاهمة حاجة ، وبعدين باشا مين حد قالك إنه ظابط ده مهندس "

إبتسم صالح إبتسامة خبيثة بعدما أدرك أنه قد كذب عليه في السابق عندما أخبره أنه ظابط وقال:

_"لا أنا كنت بشبه عليه فكرته واحد ظابط صحبي كده بس طلع مش هو "

أقترب معاذ منه ونار غضبه تكاد تخرج من عينيه وأمسك به من تلابيب قميصه وقال وهو ينظر إليه نظرات مخيفة :

_"أنت هتستهبل ياد ؟؟.... ، عارف لو ممشيتش من هنا دلوقتي أنا هعمل فيك إيه ؟؟...."

أبعده صالح عنه وذهب يُمسك بيد آية ويقبلها ليستشاط معاذ غضباََ ويقول الآخر ببرود :

_"أمشي إيه أنا في خطوبتي مع حبيبة قلبي آية ، أنا مش فاهم إيه مشكلتك معايا أنا لحد دلوقتي محترم أننا في بيتكم "

أمسك معاذ بيد صالح  ليبعدها عن آية ويضغط عليها ويقول :

_"ايدك دي تبعدها عنها يا قذر ، لما تشوف ودانك هتبقى آية ليك  "

إبتسم صالح إبتسامة خبيثة وقال ببرود :

_"بشوفها في المراية وفي كاميرة تلفوني "

تدخل حكيم ليوقف تلك المعركة التي أصبح الجميع يشاهدها وقال لمعاذ بصوت مرتفع :

_"في إيه يا معاذ ابعد عن صالح واتكلم عدل جرا إيه مش متعود منك على كده والكلام بالطريقة دي مع الضيوف !!...."

كاد معاذ أن يتحدث مرة أخرى لولا أن إبتسم حكيم للضيوف وأخبرهم مسرعاً أن يكملوا الرقص وهو سيقوم بحل تلك المشكلة وسحب معاذ من يده إلى الغرفة وتحركت معه آية ومرام

_"أقدر افهم في ايه ؟؟.... ،ومالك ومال خطيب بنت خالتك ؟؟....."

عقب عليه معاذ ونار الغضب تخرج من عينيه :

_"يا جدي الولد ده مش كويس أنا عارفة كل اللي اقدر اقوله عنه أن ولد قذر ومستحيل يتجوز آية هيلعب بيها ويخلع "

تدخلت آية في الحوار لتجعل معاذ يسكت بعدما وضعت أصبعها أمام وجهها:

_"اياك تقول كلمة ثاني اسكت ، ولا كلمة ثانية عن صالح انت ايه اللي دخلك في حياتي أصلاََ ، مين سمحلك تقول هتجوز ومين وهسيب مين ؟؟... "

تدخلت مرام في الحديث قائلة :

_"اهدي يا آية أكيد معاذ عنده الأسباب اللي تخليه يعمل كده اسمعي الأول "

نظرت آية إلى مرام بإشمئزاز ثم أقتربت منها وقالت وهي تنظر إليها من فوق إلى أسفل :

_"وأنتِ مين اللي قالك تتكلمي أصلاََ ؟؟....."