~ملكتي قلبي ياملاكي~

8

~ بعد مرور ثلاث اسابيع من الصد من ابطالنا وتعب الجد متعب~
يوم خروج الجد متعب من المستشفى
اتصل الجد على بنته نهى وقال:" اسمعي وانا ابوك مابي حد يجي ياخذني غير خيّال غيره منب طالع معه" قالت :" يبه الحين اخوي خالد مره معصب على خيّال وماضنتي يمدي يجيك" قال الجد:" يعصب مايعصب خل يجي ياخذني خيّال وبسس" ردت وقالت:" ابشر الحين اروح اقول له"

~ عند خالد وولده خيّال~
خالد بصراخ:" صصااححييي انت صاحيي انا انا ماصرخت على ابوي تجيييي انت يالبزقه ( يالبزر) تصارخ عليييههه!!" قال خيّال:" ولله اسف يابوي ولله ماكان قصدي حتى اسال جديي وشوف بيقول لك اني معذذورر" مسكه خالد من ياقته وقال:" خيّالووهه اناا مابي امدد يدي عليك بسسس كلل شي ولا ابووييي واموتت واعرفف وش هالموضوع الي توصل انك تصارخ على جدكك فيييهه" بهالحضه دخلت نهى وقالت:" خالد بس بس خل الولد وبعدين ابوي يبيه يجي ياخذه مايبي احد غير خيّال" لف خالد على ولده من نطق:" شفت يبه قلت لك جدي عاذرني بس انت الله يهديك" طلع خيّال تارك ابوه بتأنيب الضمير

~ المستشفى ~
وصل خيّال ل جده وطق الباب ودخل بعد ماسمح له الجد دخل وحب راس جده واهو منزل راسه قال:" سلام جدي" رفع يده لجد لناحية فك خيّال ورفعه وقال :" ماينحني راسك وانت حفيد متعب ال خاسر" قال خيّال واهو يحب راس جده :" ولله اسف ياجدي جعل لساني القطع يوم اني صارخت بوجهك ولله اسـ" قاطعه الجد وقال:" لا تتاسف يا عيون جدك انت ماغلطت وانا كنت عارف وش فيك ويلا الحين امش نرجع البيت" ركبو السياره واهم بالطريق نطق الجد وقال:" وش سوت ملاك اول مادرت؟ " تنهد خيّال بصوت مرتفع وقال:" اخخ ياجدي وش ماسوت طقتني طق وزود على تعذيب قلبي وتانيب ضميري جت هي الله يصلحها وكملتها ويوم درت انك تدخلت العنايه المركزه صرخت صرخه واغمى عليها ولله ياانها قطعت قلبيي وكل العيال اجتمعو عندها ويوم جيت بدخل طردني بهاج بس تدخل هزاع وطلعهم كلهم وخلاني معها وطلعت كل الي بقلبي عندها " هز راسه الجد بيأس على حال حفيده ووصلو للبيت والكل جا يسلم على الجد الا ملاك الي خيّال كان يدورها بعيونه وبرضو الجد كان يدورها نطق الجد وقال:" ابعدو عني بس وين حفيدتي؟؟؟" الكل استغرب لان لها ثلاث ايام مو بالبيت ومحد كان يدري غير سعود ولد عمها فز سعود وقال:" قبل ثلاث ايام قالت بتروح لصاحبتها ووديتها " الكل صار فوق راسه استفهام لان يدرون ان سعود وملاك علاقتهم مع بعض مو ذاك الزود وخصوصاً اثير الي استغربت شلون ملاك تروح بدون لاتقول لها

~ فلاش باك ~
سعود جالس بغرفته وفجاه طق باب غرفته وسمح له بالدخول رفع راسه من على جواله وشاف ملاك عند الباب استغرب وقال:" ملاك ؟ شفيك فيك شي؟" قالت ملاك:" لا مافيني شي بس ابي اطلبك طلب" قال سعود واهو بقمة الاستغراب :" اطلبي واعتبريه تم بس على حسب" قالت:" انا مااقدر اكمل العيشه هنا انا تعبت نفسيتي بزياده من رجعنا واشتقت لحياتي القديمه وشخصيتي الحنونه وكل شي فيني اشتقت له وماعجبتني قسوتي هنا وتغيير شخصيتي " قال :" اوكي بس برضو مافهمت" قالت:" الي اقصده ابيك تساعدني اني ارجع للندن وماعليك اذا فقدوني قول اني رحت لصاحبتي وماعليك بعلم صاحبتي الخطه بس تكفى اناا مااقدر على العيشه هنا صح اني بنعيم وجدي وجدتي مو مخلين بخاطري شي بس ولله اني مااتحمل تكفى حط نفسك بمكاني" تفهم سعود موقفها وحالتها وقال:" تم يابنت العم مايصير بخاطرك الا الطيب " وبالفعل من طلعت من الغرفه فتح الابتوب وحجز لها وارسل لها التذكره
~ عند ملاك ~
طلعت من غرفة سعود واتصلت على ريما ( وحده من شلتهم) شلتهم مكونه من( رَيلام - اثير - ملاك - ريما - جنى - درر- اميره) اتصلت على ريما وقالت لها انها تبي تقابلها وافقت ريما واتفقو على بيت ريما وصلت ملاك لريما وجلسو وخذتهم السوالف بعدين قالت ريما :" صح انتي جايه بتكلميني بموضوع وش هو" قالت ملاك:" اي صح تكفين بطلبك طلب واتمنى ما ترديني" قالت ريما :" اطلبي واعتبريه جاك" قالت ملاك بتوتررر:" اسمعي انا ابي ارجع لندن بسـ" قاطعتها ريما وقالت:" تكفين لا تقولين انك بتروحين بدون علم اهلك " هزت راسها ملاك بالايجاب وقالت:" اي وسعود ولد عمي حجز لي بس ابيك تغطين علي عساس اني نايمه عندك لثلاث شهور تكفين بس ثلاث شهور" هزت راسها ريما بياّس من حال صاحبتها وخصوصاً ان ريما ماكانت تدري بالحياه الي عايشتها ملاك ويوم درت ماقدرت ووافقت ريما وقالت:" خلاص من عيوني واذا دقو بسوي مشاركه وبدخلك المكالمه وانتي ردي اوكي؟" هزت راسها بالايجاب ملاك وحضنت ريما ورجعت البيت

~الواقع~
تقدم سعد وقال:" وش تقول وانا عمك وش الي راحت لصاحبتها وبدون علم اهلها صاحي انت؟" قال سعود:" اي هالله هالله ياعم قالت لي ودني ووديتها " تقدم صقر وعيونه مليانه عصبيه مسكه مع ياقته وقال:" وششششش تقول انتت صاحييي تودي بنت وتخليها تنام ببيت صاحبتهاا ثلاث اييامممم!!!" فك سعود يدين صقر وقال ببرود :" اي واهي حلفتني مااقول لكم بس ماقدرت وقلت لكم تبي شي ثاني؟" كل هالمواقف تصير قدام عيون خيّال الي مايدري وش يسوي هل هو يروح ويفجر ب اخوه ولا وش بالضبط بهالحضه جا هزاع لسعود وقال:" اسمع سعود انا مابي انفجر عليك وانطق وين وديتها عند اي صديقه اخلص؟ " لف بهاج على اثير وقال:" اثير اثير انتي اكيد تعرفين وينها عند اي وحده من شلتكم قولي وريحيناا" قالت اثير بحزن:" لا ولله اني مااعرف وكم مره اروح لغرفتها القاها مقفله " طلعو ام خالد وام نياف وام هزاع ونهى والعنود من داخل البيت واستغربت ام هزاع بتجمع الكل وخصوصاً وجه سعد الي من شاف البندري ووجه صار الوان تقدمت البندري وهمست لسعد وقالت :" شصاير ؟ " سحبها سعد لغرفتهم وقال لها:" ارتاحي وبكلمك بموضوع" جلست البندري ووجها انقلب من نطق سعد :" ملاك طالعه من ثلاث ايام لهدرجه مافقـ" قاطعته واهي تقول :" وششووو وش تقول انتتت قالت انها بتنام ولحد يدخل عليها ويينن رايحه؟ " قال سعد :" رايحه لبيت صديقتها بس انا شاك بالموضوع ماضنتي انها عند وحده من صديقاتها" بعد نقاشات طويله هدت ام هزاع وطلع سعد يتاكد من الموضوع

~ بالحوش~
طلع سعود من البيت تارك اهل البيت وسالفة ملاك وكل شي طلع وركب سيارته وحرك بعيد عن البيت دق على ملاك وقال :" ملاك الووضضضعع تكهرب شنسويي" ردت ملاك وقالت ب ارتياح :" ماعليك بصور سناب اني سافرت وابشرك بعدت عن لندن ورحت ل ايطاليا عند مرت عمي ابراهيم ومحد راح يدري وبصور ومابحط اللوكيشن حقي ارتاح انت " قال سعود :" زييينن زيينن حلو مره والحين اسمعي الحين كلمي ريما وقولي لها تدق على اثير وتصارحها عشان لااحد يدور عليك عبث " نطقت ملاك وقالت:" تدري سعود" قال:" وشو " قالت :" طول عمري ماكنت متوقعه اني بختلط معك صدق صدق انت غييرر عن اخوانك صدق شكراً" ضحك سعود وقال:" شلون غير اخواني قصدك غير بالزين ولا الشين" قالت :" لا لا بلعكس ولله شخصيتك مره حللووهه واتمنى ماتخرب علاقتنا" ضحك وقال:" ان شاءالله ماراح تخرب بس لو خيّـ" حس بنفسه بيجيب العيد وكمل يقول :" ماعلينا قولي لي شخبار مرت عمي ابراهيم؟" قالت :" ولله بخييرر واستقبلتني بكلل حب وتعتني فيني زين واي صصحح تخيل مين جا ل ايطاليا وسكن قريب من بيت مرت عمي؟" استغرب سعود وحس انه ويليام لان فرحة ملاك مو طبيعيه وقال:" ويليام؟" قالت:" اييييي تخييلل ماادرييي شلونن ووشلون سواااهاا" قاطع كلامها سعود وقال:" تحبينه؟ "

" قراءه ممتعه❤️...
لا احلل القراءه بدون النجمه والاضافه والكومنت ❤️"