~ملكتي قلبي ياملاكي~

19

~ المدرسه~
دخلو اثير وملاك للمدرسه واتجهو على طول للفصل دخلت ملاك وجلست بمكانها جنب رَيلام
اماكنهم
ريما - جنى
اثير - درر
رَيلام - ملاك
اميره - بنت من بنات الفصل
جت الحصه الرابعه والاستاذه دخلت وقعدت تشرح الدرس والكل مستمع لها الا ملاك الي الى الان تفكر بكلام صقر اخوها انتبهت الاستاذه لشرود ملاك وقالت:" ملاك قومي اقري" ملاك ماسمعتها وقالت الاستاذه:" ياملاك " قربت الاستاذه وطقت طاولة ملاك وقالت ملاك:" هلا " قالت الاستاذه:" وينك بنخلص الدرس وعقلك مو معنا" قامت ملاك من مكانها وطلعت من الفصل بدون لاتاخذ اذن من الاستاذه حوقلت الاستاذه وقالت:" يلا نرجع نكمل الشرح" خلصت الحصه وقامت درر من مكانها واتجهت لعند رَيلام وقالت:" شفيها " قالت رَيلام:" مين؟" قال درر:" وش الي مين يوههه الشله اليوم عقولهم مو معهم اقصد ملاك" قالت :" اههاا مدري امشو ندورها " طلعو البنات يدورون ملاك

~ الساحه ~
ملاك كانت متربعه على الارض وتفكررر ومرت من قدامها كوثر ومعها شلتها ناظرتها كوثر وقالت مستقصده سمع ملاك:" مسويه ف امها ساطيه وطلعت بدون لاتستاذن " سمعتها ملاك ورفعت حواجبها وقالت:" تقصديني!" ناظرتها كوثر وقالت:" فيه احد غيرك طلع من الفصل بدون لايستاذن!" قامت ملاك من مكانها وتقدمت لكوثر وطبطبت على كتف كوثر وقالت:" اذا انتي قد هالكلام عيديه" قالت كوثر:" قدها وف امك خير سوي لي شي " ملاك كانت تتننظر هياط كوثر عشان تطلع كل الطاقه السلبيه الي فيها مسكت شعر كوثر وقعدت تضربها ضرب ققووي وكوثر برضو ماسكتت لملاك وقعدت تضربها طلعو شلة ملاك للساحه وصرخت رَيلام واهي تركض لناحية ملاك عشان تفزع لها واهي تقول للبنات:" تعاللوو " مسكت سميه رَيلام وقالت:" هوب هوب وين رايحه" مسكت شعرها رَيلام وقالت:" ماربته امه الي يمس طرف من شعر ملاك " قالت سميه واهي تمسك شعر رَيلام :" واذا انا الي مسكت شعرك وش بتسسوين؟" صرخت اميره وقالت:" ولله ماتمسكين شي منها وانا بنت عبدالعزيز" قربت من اميره نجود وقالت:" ماكان ودي اقربك لكن واضضضحح جلدك يحكك" بدو الكل يتهاوش ماعدا درر واثير الي كانو داخل ولما طلعو انصدمو من شافو البنات يتهاوشون جت بتروح اثير لهم لكن مسكتها درر وقالت:" خل نسحب الكل الا ملاك واضح تبي تطلع طاقتها السلبيه" بهالحضه طلعت المديره وقالت بصراخ:" وشش صاييرر" نادت الوكيله والاستاذات وفرقو البنات والمديره اخذتهم لغرفتها دخلو ورا المديره وسكرت المديره الباب وجلست على مكتبها وقالت:" اعيد واكرر انتو بناتت ليه تصرفاتكم تصرفات عيال!!" قالت ملاك:" بتقعدين تغلطين علينا معد بسكت لك انا تعبت وانا اسكت" قالت المديره:" لا تراديني واحترمي فارق العمر الي بينا" تنهدت ملاك وقالت:" طيب اخلصي وش بتسوين فينا تعهد ولا استدعاء ولا فصل؟" قالت المديره:" كل هالثلاث بتصير لكم والحين كل وحده تعطيني رقم ولي امرها" قالت ملاك :" بعطيك رقم جدي عشان يتفاهم معك ومع فصلك لنا" قالت الوكيله:" انتي ياام لسان تقدمي عطيني وانتو كل وحده تروح لفصلها " قالت ملاك:" نعم نعم وش الي كل وحده تروح لفصلها!" قالت رَيلام :" ولله مااتحرك الا مع ملاك " قالت اميره:" اي وف راسكم شي سووه" قالت كوثر:" مسوييين مانقدر على فراق صحبتنا" قالت ملاك:" انتي جلدك يحكك صح تبين اكمل عليك ترا عادي؟" جت بترد كوثر لكن صرخت المديره وقالت:" بس انتي وياهاا" زفرت ملاك وقالت:" اخلصي عطيني الفصل وعطيني الجوال ادق على احد من اهلي" عطتها المديره الجوال ودقت على كل اخوانها ماعدا صقر وللاسف ماردو وفكرت تدق على عبدالعزيز لانها تبي تقهر صقر بالي سواه لكن تراجعت ودقت على خيّال ورد وقالت:" هلا خيّال انا ملاك تعال خذني لاني انفصلت" سكرت المكالمه قبل تسمع اسالته وخذت ورقة الفصل وطلعت وقابلتها اثير وضربت كتفها وقالت:" يالمجنونه وش سويتي " قالت ملاك:" تكفين اثير ابعدي عني ولله خلاص ببكي من الضيقه" قالت اثير:" ابكي بس لاتطلعين حرتك بخلق الله وانا اعرف الي سواه صقر غلط بس مو تنكتمين كذا بعدين تنفجرين على خلق الله" مشت ملاك وقالت واهي تبعد عن اثير:" ترا دقيت على خيّال يجي ياخذنا جهزي اغراضك" استغربت اثير وجت بتكلمها لكن تراجعت لانها عارفه لو قالت شي ملاك بتفصل عليها

~ قصر الجد متعب ~
طلع خيّال من غرفته وكان بطريقه لخارج القصر لكن قابله صقر وقال:" ارحب شعندك طالع من صبح الله" قال خيّال:" وينك ماترد على اختك؟ " استغرب صقر وفتح جواله ورفع نظره لخيّال وقال": مادقت علي ليه؟" قال خيّال :" مدري دقت علي من جوال المدرسه وقالت تعال خذني انفصلت ومدري ايش" قال صقر :" كله مني خليتها تزعل واكيد طلعت حرتها ببنات مدرستها " حوقل خيّال وقال:" يلا انا طالع" طلع خيّال وكان طول الطريق يفكر ليه مادقت على احد ثاني شمعنى هو ليه بالذات هو ؟ وصل المدرسه وطلع ملاك ومعها اثير ركبو السياره وقال خيّال:" وش مهببين هالمره لدرجه وصلت للفصل؟" قالت ملاك:" اثير مالها دخل واساساً مافصلوها بس انا " عقد حواجبه وقال:" وليه تنفصلين؟" قالت:" بااختصار جلدت كوثر " ضحك خيّال وقال:" ولله انك سسسسااطييه " زفرت ملاك وحطت راسها على الشباك وقعدت تفكررر كيف ممكن تقول للاهلها انها انفصلت وصلو البيت ونزلت ملاك وراحت لغرفتها  نامت لين الساعه 9 الليل وصحت من اتصلت عليها رَيلام وقالت:" فاضيه بجيك" قالت ملاك:" يلا تعالي" بعد مده رن الجرس وجت العامله بتفتح لكن صقر قال:" خليه انا بفتحه" راح فتح الباب وشاف بنت حللووه لكن تعوذ من بليس وصد دخلت رَيلام وقابلتها العامله وقالت رَيلام :" غرفة ملاك وين؟" علمتها العامله وين غرفة ملاك ورقت رَيلام ودخلت على ملاك فزت ملاك وحضنتها بادلتها الحضن رَيلام ولحضتها ملاك ماقدرت تمسك نفسها وانفجرت بكي وعلمت رَيلام السالفه كامله قالت رَيلام:" اسمعي صح هو غلط بكلامه لكن اعذريه كان خايف عليك ومايبي يضرك شي واكيد هو ماقال هالكلام من قلبه وصدقيني الحين هو نادم اشد الندم على كل كلمه قالها انتو قريبين من بعض مستحيل يزعلك واهو الحين ينتظر اللحضه المناسبه عشان يراضيك صدقيني الي ابيه منك الحين ياملاك تقومين وتروحين عنده وتقولين له طاح الحطب ومن هالكلام ولو كان عندي اخوان ولله ماازعل عليهم ولا ثانيه" حضنتها ملاك وقالت:" انا اهلك وناسك واخوانك وصاحبتك وكل شيييي لاتزعليين" بعدت عنها رَيلام وقالت :" مازعلت على اخواني انا انا زعلت على امي وابوي يوم يفرقونا " حضنتها ملاك وقالت:" اسففه مره " قالت:" لاتتاسفين وقومي قدامي تراضو " هزت راسها ملاك وقالت:" خليك دقيقه وراجعه " رمت ملاك جوالها على رَيلام وطلعت راحت غرفة صقر وطقت الباب مارد صقر ودقت مره وثانيه وثالثه ولا رد دخلت عليه ولقته نايم قربت من عنده وجلست بالنص بالسرير وقعدت تصحيه مثل ماكانت تسوي اول فتح عيونه صقر وقال باانزعاج:" لاحوللل اطلعي مو وقتك" تنهدت ملاك وقالت:" الشرهه علي الي جايه اتصالح معك وانت الغلطان" قامت من عنده وراحت غرفتها لكن استغربت من لقت الغرفه فاضيه وتدل ان رَيلام راحت انسدحت على سريرها ونامت واهي مقهوره من صقر زياده

هل تتوقعون ملاك بتتصالح مع صقر بعد طردته لها واهو نايم ولا لا؟
" قراءه ممتعه❤️...
لا احلل القراءه بدون النجمه والاضافه والكومنت ❤️"