~ملكتي قلبي ياملاكي~

10

~ حايل ~ اخر الليل
اثير بعد ماشافت الستوري وكضت لخيّال عشان لا يشوف الستوري ويتضايق بس الصدمه انها دخلت غرفته ولقته منسدح وفاتح ستوريها والابتسامه شاققه وجهه تقدمت له وسحبت الجوال وقالت:" الله الله عليك ياخيّالوه وانا جايه اركض مابي تشوف الستوري طلع انت الي موصلها لها!" قال بضحكه :" اي شعليك؟ " قالت :" شلوننن" قال :" ابد تطورت علاقتي مع عبدالرحمن وقلت له يجب لها ورد بمناسبة الفلنتاين بس " قالت اثير بصدمه:" خييييّاللووههه بالبدوي وش عرفك فييهه!" قال :" شعليك المهم انها وصلتها" قالت اثير:" بس ماضنتي ترجع ترا على كلام نياف يقول انها معد راح ترجع" انقلب وجه خيّال وقال:" متى قالل لكم نياف وليه انا اخر من يعلمم!!" قالت اثير :" اسال نفسك ليه معد تجلس معنا بعدين تعال عاتب ليه مانقول لك" تناقشو لوقت طويل بعدين كل واحد راح غرفته ونام

~ غرفة سعود~
قالت ملاك:" مين ويليام؟ " قال سعود :" اجل " قالت:" ويليام صديقي من كم سنه ولو بحبه كان حبيته من زمان مو يوم تاكدت من مشاعري لخيّال وبعدين اسمع" قال سعود:" صح صح عليك وش بغيتي؟" قالت:" احجز لي خلاص برجع بس لاتعلم احددد اوكي بتفق مع جدي يقول للكل انكم بتروحون للمخيم وتحتفلون بيوم التأسيس وانا بجيكم هناك بلبس التأسيس" قال سعود:" ولله فكرتك بطططلله يلا سلام بحجز لك " سكر منها وبالفعل حجز لها وطيارتها بعد يومين

~ ايطاليا~
راحت ملاك ل امل مرت عمها بعد ماسعود ارسل لها تذكرتها طقت بابا الغرفه وقالت امل:" ادخل" دخلت ملاك وسلمت عليها وقالت:" خاله امل بقول لك شي" قالت امل ب استغراب:" شفيك يابنتي فيك شي؟ عبدالرحمن زعلك مره ثانيه؟" قالت ملاك بضحكه :" لا لا بلعكس بتوحشني محارشته لي" استغربت امل بزياده من كلام ملاك وقالت:" ملاك عسى ماشر فيك شي صاير شيي؟؟" قالت ملاك:" خاله امل انا خلاص قررت ارجع لحايل" قالت امل بابتسامة حزن:" حلو بترجعين بس ولله بفقد حسك بالبيت ومطاردتك لعبـ" بهاذي اللحضه دخل عبد الرحمن وقال:" وش وش الي بفقد حسك ؟ " قالت ملاك:" ياملقوف مالك دخل " بدت المناقرات بينهم وامل ماقدرت وقالت:" خلاصص انتي وياه صدعتو براسيي وانتي تعالي الليله بتنامين بحضني" رفع حاجبه عبد الرحمن وقال:" سلامات من ضناك بالضبط؟" قالت ملاك :" ياليل ذا الغيور خلاص بقول لك بنام حضن خاله امل عشاني بعد بكره برجع لحايل" انصدم عبدالرحمن وقال:" بترجعين متاكددههه!!!" قالت :" اي ولله برجع" قال:" وناسسسه بروح ابشر خيّال" جا بيطلع الا ملاك تمسك يده وتقول :" يابزر اسكت مابي احد يدري" لفت على امل وقالت:" خاله امل شرايك تسحبين جوال عبدالرحمن عشان لايفضح فيني" قالت امل بضحكه :" يلا يلا جيب جوالك" عقد عبدالرحمن حواجبه وقال:" يمه ترا انا ولدك مو هي شذا صرت طرف ثالث مع السلامه مع السلامه بس" طلع وتارك امه وملاك ميتين ضحك عليه فزت ملاك وقالت:" افففف نسسيت اكلم جدي اتفق معهه" قالت امل بضحكه مخروشه:" خرشتيني الله يصلحك روحي روحي"طلعت ملاك من عند امل وراحت غرفتها واتصلت على جدها