~ملكتي قلبي ياملاكي~

34

~ الصبح~
~ قصر ال محيا~
صحت امال وتروشت ونزلت لعند امها واخوها جلست وقالت لها امها:" اقول ياامال بنيتي ورا ما تقدمين على حدا هالمستشفيات؟" قالت امال:" يمه توني متخرجه مابي الحين" قال عبدالوهاب:" وش ماتبين الحين قدمي بس قدمي" قالت امال:" عبدالوهاب قلت مو الحين" قال:" وانا قلت الحين " قالت:" اف اف طيب" قامت من عندهم وراحت لغرفتها واتصلت على العنود وقعدو يسولفون وبعد مده قالت امال بتحلطم:" اف تخيلي العنود" قالت العنود:" شنو حبي" قالت:" امي تبيني اقدم على مستشفيات اتوظف والصراحه انا مابي" قالت العنود:" ليه ؟ انا اشوف توظفي احسن" قالت امال:" فاضيه انا اقعد ادور بالمستشفيات ادور وظيفه مالي خلق" قالت العنود :" فيه المستشفى الي يشتغل فيه اخوي سعود توظفي معه" قالت امال:" لا احس صعبه" قالت العنود :" ليه صعبه مااشوف فيه شي صعب" قالت امال:" مدري يختي صعبه اتوظف مع اخوك" قالت:" وش الي مع اخوي عساس بتصيرين مساعدته تراك بتصيرين دكتوره مثله" قالت:" بس انا تخصصي مثل تخصصه ف بصير معه لا صعبه" قالت العنود :" اقول جيبي اوراقك بروح اقول له" قالت امال:" عنودي مدري احس صدق صعبه" قالت العنود:" اقول ماعليك منه" سكرت منها وقامت لغرفة سعود اخوها

~ العصر~
نزلت ملاك تركضض وطلعت واخذت الطلبيه من المندوب وتوجهت لقسم خيّال دخلت وشافته نازل واهو لابس ثوبه والواضح انه بيروح كشرت وقال:" وانت بس طلعات ؟ " ضحك وقال:" ليه معصبه طيب؟" قالت:" لانك كل ماجيت ابي اكلمك القاك بتطلع" قال:" تخسي ابو الطلعه اجلس معك يحرمي" ضحكت ومسكت يده وسحبته للكنب جلسو وشاف معها الكرتون عقد حواجبه وقال:" وش ذي؟" قالت:" هم هاذي طلبيه انا طالبتها فيها اشياء كيييييوت " قال:" وعسى فيه شي لي عشان تكشرين كذا وتخليني اكنسل الطلعه" قالت:" واضح هالطلعه بقلبك اطلع خلاص" قال:" وانا يقوى قلبي اطلع واتركك زعلانه؟" قالت :" ومين كذب عليك اني زعلانه؟" قال:" كل هالبوز الي ناط عشره متر قدام " قالت:" ه ه ه ه ماتضحك ترا مره سخيف" قال:" خلاص يلا وريينيي" قالت:" مافي ويلا انقلع" قال:" هي تراه بيتي" قالت:" بيتك قبل ماتتزوج" قال :" يعني اخيراً اعترفتي انك زوجتي" قربت يديها من وجه خيّال وحضنت كفوفها بين وجه وقالت:" تصدق اي" شالت يدها وبلحضه صفقته وهربت قام يركض وراها وكان يتوعد فيها بصوت عاليي وقفت ملاك من قال:" ولله ل اقدم العرس تشوفين" وقفت ولفت عليه وقالت:" نمزح معك خير!" قال :" الحين نمزح معك ويوم تضربيني مافكرتي اني بقدم العرس؟" قالت بدلع :" خيّالي سوري" جلس على الكنب وقال بهيمان:" انتتييي وش سويتي فيني" قالت:" ماسويت شي اقول يلا قوم نتغدا" قال:" والطلبيه؟" قالت:" بعدين مو الحين بطلع اغراضك واخذ اغراضي" قال :" الا صح ملاكي" قالت:" لبيه" قال:" متى ناويه تنتقلين؟"قالت :" مو الحين ياخيّال وراك مستعجل!" قال:" لحضه لحضه تذكرت شيييييي" قالت ملاك:" وش تذكرت؟" قال:" امس يوم اجي للمديره قالو لي البنات انك عند المديره ولما دخلت مالقيتك وين كنتي ؟" انسدحت ملاك على الكنب وقالت:" كنت امردغ وحده" قال:" ملاك وين ملاك الحنونه والحساسه ؟" قالت:" موجوده للحين" قال:" لا مااشوف الا ملاك بهيئة ولد وش الي غيرك؟" عدلت جلستها وتربعت وقالت بجديه:" الي غيرني البيئه الي انا فيها خيّال انت متخيل اني 10 سنوات كنت برا ومتعوده على كل شي واجي هنا واشوف اشياء غريبه اكيد بتغير ياخيّال" قال:" مستعد ارجعك لبريطانيا طول الحياة بس توعديني من الحين ترجعين ملاك الاوليه الي ماتتهاوش؟"قالت:" خيّال كني مو عاجبتك؟"قال :" لو ماعجبتيني ماكان تزوجتك" قالت:" اجل ليه هالكلام كله؟" قال :" بس طلبتك طلب فيها شي؟" قامت من مكانها وقالت:" مافيها شي ، انا بروح اتغدا" قال:" انتظري ببدل ثوبي ونطلع سوا" قالت:" مايحتاج انا بطلع لحالي" طلعت من عنده وراحت للدكه الي بالسطح جلست فيها وقعدت تفكر وش السبب الحقيقي لتغيير شخصيتها