~ملكتي قلبي ياملاكي~

30

~ الصبح~
المطبخ
دخلت ملاك واستغربت ان الكل نايم للحين جلست على الطاوله بعد مااخبرت العامله تسوي لها فطور فتحت جوالها تحديداً محادثتها مع سعود عشان تعلمه انها بتروح لعمها ابراهيم دخل خيّال وشافها معطيته ظهرها قرب منها وغطا عيونها بيدينه عرفت مين هو من ريحة عطره الي تجذبها تنهدت وقالت :" اعرفك خيّال فك يدك" شال يده وقال بعصبيه:" وش عرفك؟ بعدين ليه داخله محادثة سعود؟" قالت:" اول شي ريحة عطرك فاضحتك ثاني شي مو شغلك ويلا مناك" قامت من على الطاوله وقالت واهي طالعه:"Jenny I want to eat in my room and don't forget to tell the driver that I'm leaving" قال خيّال:" وين بتروحين؟ " ناظرته وقالت:" مب شغلك" ضغطت على المصعد عشان ترقى لكن وقف المصعد يد خيّال دخل وراها صرخت وقالت:" شتبيييي" قال:" برقى لغرفتي شتبين؟" قالت:" مو عساس نقلت هناك؟" قال:" هونت قلت معد بنام ف قسمي لما تصيرين حلالي" قالت:" ياكرهي لهالموضوعع" فتح المصعد سحبت عليه وراحت لغرفتها تلبس

~ المستشفى ~
طقت الباب ملاك وسمح لها بالدخول لكن انصدمت او تجمدت من شافت عبد الرحمن وامل موجودين عنده قامت امل من الكرسي وجت لعند ملاك وقالت:" ادري انك منصدمه لكن شوفي فيه جانب ايجابي انه عايش " ناظرت ملاك عمها وقالت:" كيف " قام عبدالرحمن وقال:" وش الي كيف بنت صاحيه انتي" قال ابراهيم بضحكه:" لا هي تقصد انتو كيف عرفتو " قالت امل :" ليه كنتي تعرفين؟" قالت ملاك :" اااا اي كنت اعرف من كم يوم عرفت بس حلفوني مااقول ل احد خصوصاً هالدلخ" قال عبدالرحمن:" مين الدلخ؟" قالت:" انت واعلى مابخيلك اركبه الحين فيه عمي بيدافع عني " قال :" عشتو عشتو اول كنا بس امي تدافع عنك الحين حتى ابوي" لف على امه وابوه الي يناظرون هوشاتهم وكمل كلامه:" الحين مين ضناكم انا ولا هي" قال ابراهيم:" ياخي شفيك عليها انت خلها تعالي حبيبة عمكك" قربت ملاك وحضنت عمها ناظرها عبدالرحمن وقال:" ولله اني انرحم " قالت ملاك :" خلاص اسفه تعال" رجع وكان بيتكلم لكن قاطعته ملاك وقالت:" ولله خفيف على طول يرضى" قال:" ولله ل ازعل صدق عاد" قالت ملاك :" ازعل محد مهتم"

~ غرفة العنود~
تغيرت نفسية العنود وتقريباً رجعت العنود الاوليه طق الباب سعد ولما سمحت له العنود دخل وقال:" فاضيه وانا عمك؟ " قالت:" اي حياك ياعمي" قال:" الله يحييك ابي اكلمك بموضوع " قالت:" اسلم ياعمي شبغيت؟" قال:" خيّال اخوك ناوي يخطب ويملك على ملاك اليوم ومدري كيف اصارحها ف شرايك انتي تكلمينها" قالت:" تامر امر الحين ادق عليها واكلمها بس ياعمي ماضنتي توافق على الملكه لان تعرف ملاك تبي شي كبير" قال :" ولله بهالموضوع بنخليها هي وخيّال يتفاهمون فيه احنا مالنا دخل ويلا تامرين على شي " قالت:" لا مشكور والف مبروك مقدماً" طلع سعد تنهدت العنود بفرحه على ضيقه فرحه لان حب اكثر اثنين يتهاوشون بالحياه بينتصر وضيقه لان ماراح تكون مع نادر تنهدت ثانيه وقالت بنفسها :" الله يرحمه يارب " رفعت جوالها عشان تتصل على ملاك