~ملكتي قلبي ياملاكي~

45

~ بعد مرور شهرين ~
خلال الشهرين الي مرت
* اختبرو ملاك وتُلى وتالا واثير تحصيلي وقدمو على الجامعه وكل وحده حطت التخصص الي هي تبيه وينتظرون القبول*
* للحين ماتحسنت علاقة ملاك وخيّال *
* تحسنت علاقة سجى مع الكل ورجعت تكمل جامعه بتخصص غير تخصصها والي اهو محاماة*
* صقر صار قريب من اثير *
* سعود خطب هوازن اخت عبد العزيز*

~ يوم الاربعاء ~
صحت ملاك وشافت خيّال مو مكانه مااعطته اي اهتمام وراحت للحمام ( الله يكرمكم) وتروشت وسوت السكن كير حقها وطلعت بعد مالبست تيشرت اسود ماسك على الجسم وبنطلون ابيض واسع جلست على التسريحه وسوت شعرها وحطت ميكب خفيف وطلعت عشان تروح تسوي لها قهوه بكورنر الكوفي وبعدها تنزل للدور التحتي عشان تروح لقسم الجد يس شافت خيّال بغرفة الملابس يجهز بدلة عسكريه راحت له ولا تكلمت ناظر لها وقال:" مافي حتى مبروك الوظيفه" هزت راسها بالايجاب وقالت:" مبروك" طلعت وتنهد بضيق وتذكر اغنية عبدالمجيد وبدا يقولها:"
شخبار قلبك عسى ما فارق أفراحه
أدري جرحتك وشلت بخاطرك مني
خسران بعدك وقلبي ضاعت أرباحه
غلطان أدري وأبي منك تسامحني

مرتاح ولا يتصنع قلبك الراحة؟
شايل في خاطرك؟ ولا البال متهني؟
مجروح ولا شفى قلبك من جراحه؟
زعلان للحين والا راضيٍ عني؟

تدري عيوني بغيابك ما هي مرتاحه
تبكي على فراق طيفك وإنت ذابحني
ياللي ذبحني غلا شكراً على رماحه
اللي طعني بها وما يوم ريحني

جيتك من الشوق والأشواق ذباحه
اسأل عيونك عسى للحين تذكرني
راضي بجرحك وأنا ما اتصنع الراحه
تكفى عشاني أبي ترجع وتسمعني
كانت تسمعه ملاك بحكم انها بكورنر الكوفي الي بالصاله الي فوق تنهدت وقالت تقصد بكلامها ضنها الي ماشافته:"
خذاك الموت رغم إن العمر توه مابدا وعلى فرقاك ‏
رحت بغلطه أبعرف ليه مستعجل رحيلك يابعد عيني ‏

وقف عمري على آخر ليالي عشتها بروحي ‏
وأحس روحي طفت بعدك وأدور من يضويني ياضناي ‏

تبكيني الذكريات والافكار واطيح من حيلي بدون أدراك
‏ وأنا ماقدرت الدنيا علي إنها تبكيني ولاقدرت ابي على غلطة ابوك
تنهدت وتعوذت من ابليس وخلصت قهوتها ونزلت تحت وطلعت لقسم الجد دخلت عليهم واهم يفطرون راحت للجد والجده وابوها وعمها وسلمت عليهم وباست راسهم وجلست مكانها قال الجد:" يمه ملاكي وين خيّال" بهالحضه دخل خيّال بلبس العسكريه وقال:" جيت ياجدي" وقامو الكل بعد ماشافوه تقدم نياف وقال:" اكشخ ياخوي الف مبروك" قال هزاع:" ولله وطالع مز بالبدله ياحظ اختي" ضحك خيّال وقال بغرور:" ولله من يومي" بهالحضه منيره شافت ملاك منزله راسها وتاكل همست لها وقالت:" تجين لقسمي نسولف" هزت راسها ملاك وقامو وطلعو بدون لا احد يحس لانهم مركزين مع خيّال نزل صقر يركض واهو لابس البدله وتوه بيسلم عشان يطلع لكن شاف خيّال صرخ وقال:" اككككششششخ ياخيّالوه ولله وسويتها" قال خيّال:" اسوي الي براسي يعني اسويه" قال خالد:" يلا امشو الصاله نسولف شوي قبل تروحون لدواماتكم"