~ملكتي قلبي ياملاكي~

21

~ بيت الجد متعب ~
راحو اهل نادر وبقو الرجال بالمجلس خيّال كان سسررحان يفكر كيف يقول لجده ان مثل ماوافق على زواج العنود ليه مايوافق على زواجه من ملاك وقاطع سرحانه الجد متعب واهو يقول :" سعود قوم ناد لي ملاك ابيها شوي " طارت عيونه من قام سعود واهو يناظر خيّال ويبتسم ابتسامة جانبيه نادا سعود ملاك ودخلت ملاك وسلمت على الجد وقالت:" سم جدي بغيتني بشي وش هو؟" قال الجد :" مب هنا بقول لتس تعالي معي للغرفه " مسكت ملاك يد الجد عشان تساعده على الوقوف ولما وصلو لغرفة الجد وجلسو فيها قال الجد بدون مقدمات:" اول ماجيتو لحايل خطّبتس خيّال مني ورفضت وخطّبتس مره ثانيه ورفضت والحين الراي لتس لو خطّبتس بتوافقين؟" انصرعت ملاك من كلام الجد وقالت:" انا مستحيل اوافق او اتزوج من اقرابي ياجدي " قال الجد :" انا عارف ان عبدالعزيز ذا اكل قلبتس بس يابنتي حتى لو عبدالعزيز ولد صديقي مهما كان القريب اولى وانا جدتس" قالت ملاك:" جدي انا ماحب احد وتوي صغيره على الزواج ياجدي افهمني" قال الجد :" براحتتس وانا جدتس " حبت ملاك راس جدها وقالت:" انا اسفه بس مقدر " طلعت ملاك واهي لطريقها لغرفتها قابلت خيّال وقالت:" انا اسفه" جت بتمشي لكن مسك معصمها خيّال وقال:" اسفه على وش؟ " قالت:" على اني رفضتك" فكت يدها من يده وراحت لغرفتها بحكم ان الوقت تاخر ولازم تنام دخلت غرفتها ولقت قطوتها لوسي نايمه على السرير راحت لعندها وشالتها وقالت:" ودلللبييي النايمين وحشتييني مره " قعدت تلعب معها شوي بعده قررت تروح تقول ل ابوها الي صار لانها ماتقدر تسكت

~ غرفة الجد متعب ~
طق خيّال باب غرفة الجد ولما سمح له الجد بدخول قال:" سلام جدي" قال الجد :" وعليكم السلام " قال خيّال:" جدي وش قلت لملاك عشان تتأسف مني؟" قال الجد :" ماقلت الا الصدق لها وعلمتها انك قد خطبتها وانا رفضت فيها شي!" قال خيّال بصدمه:" جديييي ليه قلت لهاا يلا الحين بترجع الهوشات بينا الله يسامحك بس"

~ غرفة سعد ~
طقت ملاك غرفة ابوها وسمح لها بالدخول دخلت وقال ابوها :" يامرحبا ببنتت ابوها وقلبه " قالت:" البقى بابا " ضحك سعد وقال:" ماتجي ياعيوني " قالت ملاك:" عادي المهم بابا بقول لك شي تو جدي قاله لي" قال سعد :" اسلمي وانا ابوك قولي" قالت :" قال لي ان خيّال خطبني منه مرتين اول ماجينا لحايل ورفضه والحين القرار لي اذا خطبني اوافق او لا وانا قلت مستحيل اتزوج واحد من قرايبي وقالت ل ابوها السالفه من طق طق لين السلام عليكم " قال سعد :" اسمعي وانا ابوك خيّال رجال ويحبك وكل شي وان خطبك استخيري بس لاترفضين من البدايه " قالت ملاك:" اكيد بستخير بس انا ابي اتزوج بعد كم سنه يعني انا توي 18 سنه اذا جيت 24 كذا عادي بتزوج اما الحين مستحيل يابابا " قال سعد :" براحتك وانا ابوك والي تبينه انا معك فيه " حبت راس ابوها وطلعت وراحت لغرفتها ونامت الكل نام

~ العصر ~
اجتمعو اهل القصر كله وقال الجد :" مثل ماتعرفون رمضان يوم الاثنين وأسأل الله ان يبلغنا واياكم واحنا في صحه وعافية ويجعلنا وإياكم من صوامه وقوامه ومن المقبولين " الكل نطق بصوت واحد "امين" كمل الجد كلامه وقال:" وانا قررت اسوي عزيمه كبيره منها نعزم خويي علي ومنها نعزم اهل نادر ونخلي هالعزيمه يوم الخميس وان شاءالله محد يرفض منهم " قال خالد :" يعني يبه تبينا نكلم اهل عبدالعزيز واهل نادر عشان يجون صح؟" قال الجد :" هالله هالله "
قامو البنات يسوون قهوه عشان جمعة المغرب والي يشتغل والي يسولف واهو يطبخ همست ملاك ل اثير :" متحمسه اشوف اهل عبدالعزيز احسهم حلوين مثله" ضربت اثير كتف ملاك وقالت:" بس ياخفيفه " قالت ملاك :" محد خفيف بس ترا مره حلو وتراه اكبر مني بكثير" قالت اثير :" عساس خيّال مو اكبر منك " جت تُلى وضربتهم وقالت:" وش تتهامسون فيييهه!" قالت ملاك:" ولا شي بس اقول لها احس متحمسه اشوف اهل خوي جدي الي مدري من وين طلعو " قالت تُلى :" تصدقون حتى انااا بس بنسوي لهم تحليل كامل اذا راحو ماعليكممم" التفتت اثير على تالا والواضح انها متوهقه هي والعنود بسوالف سجى وقالت :" تالا تعالي معنااا" ناظرتها تالا وتغيرت ملامح وجهها من الضيق ل الفرح وقالت:" تمام " مشت واهي تعطي بيدها من تحت قلوب ل اثير جتهم وقالت:" اوففف صح انها اختي لكن ولله مااطيق اسولف معها " ضحكت ملاك وقالت:" مالومك حبي المهم اتفقنا ان يوم الخميس بس يروحون الضيوف نجلس جلسه ونحلل اهل خوي جدي تحليل " قالت تالا بحماس:" اوففففف ععششقييي" التفتت ملاك من قالت ام نياف :" ملاك بنيتي تعالي ودي صينية القهوه لمجلس الرجال " اومات براسها ملاك وحطت طرحتها فوق راسها وراحت اخذت الصينيه ودخلت المجلس وحطت الصينيه فوق الطاوله واهي تزفر لانها شافت حوسة العيال بالمجلس بدت تنظفه واهي تتحلطم دخل خيّال وقعد يناظرها واهو ماسك الضحكه وماقدر يمسك ضحكته من قالت:" اكيد راس البلا الي مايتسمى خيّال" لفت عليه وناظرته من فوق لتحت وقالت:" خير شتبي " قال:" هوب هوب مابقى الا تجلديني" قالت:" اجلدك واكسر راسك يعني ماصدقنا على الله العاملات ينظفون تـ" قاطعها وقال:" تكسرين راس مين ياعيون خيّال؟" تجمدت ملاك من الي سمعته لكن تداركت ملامح وجهها وصدمتها وقالت:" راسك يابعد قلب امك" تنهد وقال:" ياشينك يختي قولي ياقلب ملاك شي " قالت:" وانت صدقت اني احبك!!!" قال:" اي واذا كلامي كذب اثبتي لي " ناظرته وغمزت وقالت:" انتظر الخميس" شالت اخر غرض وطلعت تاركته مع نيران عصبيته لما فهم مقصدها

~ قصر ال هايف ~
مجتمعين كل البيت ويسولفون طبيعي وكان عبدالعزيز يلعب مع فراس وسعد عيال اخوه يلعبون سوني دق جوال علي ورد وقال:" يامرحبا بهالصوت يامرحبا اشتقت لك ياخوي شخبارك عساك بخير " قال متعب :" بخير بخير ياخوي انت شخبارك " قال علي:" انا بخير ياخوي مدامك بخير " قال متعب :" ياخوي طالبك ولاتردني وابيك تقول تم" قال علي:" تم شبغيت ياخوي" قال متعب الخميس انا مسوي عزيمه وعازم فيها اهل خطيب بنتي وابيك انت واهلك كللهمم تجون من كبيركم لصغيركم" قال علي:" تم ياخوي اعتبرني اول الحاضرين" سكر من متعب وناظر عبدالعزيز وقال:" انت يالدكتور امش بقول لكم شي" ناظره عبدالعزيز وقال:" ابشر ابشر يبه وانتو بسرعه حطو ستارت وامشو" قامو مع عبدالعزيز وجلسو وقال عبدالعزيز:" اسلم يبه شبغيت ؟ " قال علي:" اسمعوني كلكم والي بيعتذر بزعل عليه ليوم الدين" قال خميس :" اوف يبه ليوم الدين شبغيت يبه واعتبره تم" قال صالح :" يبه خوفتني وش الي ليون الدين ؟" قال علي:" اي ليوم الدين واسمعو الخميس خويي متعب مسوي عزيمه وابي من كبيركم لصغيركم يجي مابي اي احد يعتذر وانتو بعد يابنات الي مو جاي بزعل عليه" قال عبدالعزيز:" يبه ليه ماقلت لهم بزعل عليكم ليوم الدين؟" قال علي:" انت تبي تنجلد صح؟ " قال عبدالعزيز:" اسف اسف " ضحكت هوازن وقامت تصفق وتقول:" ززفففففووه" لف عليها عبدالعزيز وقال:" الحين ابي اعرف مين الكبير انا ولا انتي!" قالت هوازن:" صح اكبر منك وغصب عنك تحترمني بس بررضضضو لازم اطقطق عليك ياحضرة الدكتور " قال عبدالعزيز:" امسي بس امسي" قال خميس:" بس انتي وياه مابقى الا تتجالدون عندنا" قال فراس:" كفو يبه عليك فيهم" ضرب عبدالعزيز راس فراس بخفه وقال:" عيب انا عمك احترمني" كملو العائله يومهم عادي وانتهاء اليوم عند كل العوائل

" قراءه ممتعه❤️...
لا احلل القراءه بدون النجمه والاضافه والكومنت ❤️"