~ملكتي قلبي ياملاكي~

15

~ الصبح~
بيت ام نادر

تعريف بسيط عنهم
" ابو نادر : سلطان بن سعود بن سامي ال محيا "متوفي "
" ام نادر : عمرها 60 جهير بعد ماتوفى ابو نادر ماتزوجت "
" عبد الوهاب : عمره 48 متزوج وعنده بنتين وولد "
" سهى زوجة عبد الوهاب : عمرها 44 "
"ولدهم : سليمان عمره 18 اخر سنه ثانوي
" بنتهم : ساره عمرها 11 سنه خامس ابتدائي
" بنتهم الثانيه : امل عمرها 6 سنوات اولى ابتدائي

" نادر : عمره 24 سنه غير متزوج

" امال : عمرها 20 سنه غير متزوجه

دخل نادر للبيت وركضت له امل بنت اخوه وقالت:" عموو نادر " نزل لمستواها وحضنها وقال:" عيون عمو نادر ها جاهزه نروح للبقاله؟" هزت راسها بالايجاب بهالحضه طلعت امه وقالت:" يمه نادر متى جيت؟" قال نادر:" توني هالحين جاي ليه يمه بغيتي شي؟" قالت امه:" توك جاي من وين وليه مانمت بالبيت؟" قال نادر:" الا يمه نمت بالبيت بس بالملحق لاني جلست العب سوني وغطني النوم هناك " قالت امه:" زين زين يلا انا بقول للعاملات يسوون الغدا على بال ماتجي انت وامل" طلع نادر وامل للبقاله وكان نادر يييهههوجس بالجمال الي شافه

~ بعد مرور ثلاث اسابيع ~
~ قصر الجد متعب~
صحت ملاك وتروشت وسوت السكن كير حقها وراحت لغرفة جدتها طقت الباب وسمحت لها الجده بدخول دخلت وتقدمت للجده وحبت راسها وقالت:" كيفك جدتي " قالت الجده:" بخير وانا جدتك بغيتي شي" هزت راسها ملاك بالنفي وقالت:" لا بس ابي انسدح عندك شوي " قالت الجده:" تعالي ياعين جدتك تعالي " انسدحت عليها ملاك وجلست تسولف مع جدتها بعدين دخل خيّال وقال :" جدتي فاضيه" فزت ملاك من مكانها وقالت:" جدتي انا بطلع " مسكتها الجده وقالت:" اي فاضيه ياعين جدتك وانتي اجلسي ابي اكلمكم انتو الثنين بموضوع" استغربت ملاك وقالت:" وش الموضوع ؟" ناظرت الجده خيّال الي واقف عند الباب وقالت:" اقرب اقرب " قرب منها خيّال وجلس قالت الجده:" شصار فيكم ياعيالي وش الي غير حالكم من وناسه ورفاهيه لمشاكل ان كان الي بينكم مس ( جن ) وديناكم يقرون عليكم وان كان فيكم سحر وديناكم لشيخ يقرا عليكم ويفك السحر وان كانت عين خل نوديكم لشيخ يقرا عليكم وان كان الحب هو الي سوا بحالكم كذا مالكم الا نجمعكم بالحلال بس جاوبوني انتو تحبون بعض ولا لا؟ " قالت ملاك:" مابينا ولا شي ياجدتي بس هو غلط ولازم يتحمل كل خطأه وانا مااكذب عليك واقول لك مااحمل مشاعر له بلعكس فيه مشاعر بس انمسحت من غلط هالغلطه " قال خيّال:" ياجدتي مابينا الا كل خير بس زي ماقالت انا غلطت ولازم اتحمل خطاي وانا يشهد علي ربي اني املك مشاعر لها من لما كانت صغيره " قالت الجده :" مدام مابينكم الا كل خير ورا ماترجعون خيّال وملاك الاولين الي يدافعون عن بعض ومايقدرون يتهاوشون مع بعض ؟ " قالت ملاك :" لا يجدتي انا اشوف ان علاقتنا تصير سطحيه عشان كل واحد منا مايتضايق من الثاني وانا الحين استأذنكم عندي مشوار" طلعت بدون لاتسمع اجابه منهم التفت خيّال على جدته من نطقت :" الله يهديها وانت بعد لاتصير حساس عاد ترا اخبر خيّال حفيدي عصبي مو يتضايق " ضحك خيّال وجا بينطق الا دخل الجد وقال:" يتضايق اذا زعلته بنت سعد ولا عندنا عصبي ويكسر راس الي يتكلم عليه" ضحك خيّال وقام يبوس راس جده وقال:" ولله مدري انا طالع على مين اعصب اتوقع اني طالع على متعب ال خاسر تعرفينه ياجدتي؟" قالت الجده :" اي اكيد اعرفه اذا ماعرفته اعرف مين؟" ضحك خيّال وقال:" يلا انا اخليكم بطلع " قال الجد :" استودعتك الله لاتنسى اذكارك" طلع خيّال وجا بيطلع لكن وقف من سمع منادات ملاك له لف وراه وقال:" هلا بغيتي شي؟" قالت ملاك:" اا عادي ماتروح للاسطبل اليوم؟" قال :" لا ومع السلامه" ملاك ماتدري ليه قالت كذا لكن انجرحت من اسلوبه راحت فوق لغرفة مرة عمها " ام نياف " طقت الباب وسمحت لها ام نياف بالدخول لفت وشافت انها ملاك قالت:" ملاك بنتي تعالي" تقدمت ملاك وقالت:" خاله سحر تكفين تكفين دقي على خيّال وقولي له يرجع " استغربت سحر من كلام ملاك وقالت:" هاو ليه شفيك يابنتي" قالت ملاك :" تكفين طلبتك عندي احساس ان بيصير شي تكفيين خليه يرجع"