~ملكتي قلبي ياملاكي~

38

~ المستشفى ~
دخلت ملاك المستشفى وقابلها يزن ودلها على غرفة كوثر وقبل لاتدخل قال لها:" تكفين شجعيها وخليك قويه تراها منهاره" هزت راسها بالموافقه لكلامه ودخلت واول شي سوته كوثر لما شافت ملاك انهارت ركضت لها ملاك وحضنتها وقعدت تقول :" بس ياحبيبتي بس" قالت كوثر بصوت باكي:" ب. بمو.ت ياملاك" قالت ملاك:" لا لا مين قال هالكلام ربي بيشافيك ان شاءالله وبنرجع نتهاوش انتي اهدي ترا توه بالبدايه يمديك تتشافين " رفعت راسها كوثر وقالت:" انتي مين علمك؟" قالت ملاك بضحكه:" انتي حتى وانتي تعبانه وتبكين تتليقفين " قالت كوثر واهي تمسح دموعها:" مابي احد يعرف حتى صحباتي وصحباتك" قالت ملاك:" صح انتي عدوتي بس ترا مستحيل اعلم احد وهاذا سر بيبقى بينا وان شاءالله كل يوم بجي عندك انا" قالت كوثر:" انا اسفه على كل شي سويته" قالت ملاك:" عاديييييي من الحين نفتح صفحه جديده وننسى الماضي" قالت كوثر:" عرفيني عنك اكثر" قالت ملاك:" من عيييوني وانتي عرفيني عنك اكثر" بدت ملاك تقول لكوثر عن نفسها وكوثر تقول لملاك عن نفسها وقعدو يسولفون وبعد مده قالت كوثر:" يمامييي يعني عرسك الاسبوع الجاي؟ طيب حددتي اي يوم؟" قالت ملاك:" اييي تخيلي توني اليوم اصدم خيّال بالموضوع بس اليوم الى الان مافكرت واحس بخليه لما تطلعين من المستشفى " قالت كوثر :" انا شدخلني؟" قالت ملاك:" من اليوم ببدا اجهز معك انتي بس اف تكفين طلعتي غيير عن الي بالمدرسه " قالت كوثر:" اي انا غير بس الي مضايقني ويخليني اطلع حرتي بالناس يزن اخوي من ابوي" قالت ملاك:" مستحيه اصارحك اني اعرف" قالت كوثر:" شلونن؟" قالت ملاك :" يزن قال لي" صرخت كوثر ب اسم يزن دخلو يزن وخيّال مع بعض ركض وقال يزن:" خير شفيك!" قالت كوثر:" من متى انت وملاك تعرفون بعض" ماتت ضحك ملاك وقالت:" عساس بتهتمين وتغارين" قال خيّال:" انتو كيف تضحكون مع بعض عادي؟" قال يزن:" اي صح غريبه" قالت ملاك موجهه كلامها لخيّال :" انت شعليك؟" قالت كوثر موجهه كلامها ليزن :"وانت بعد وش عليك" قال يزن:" يمه طلعو نفس الشخصيات وبعدين انتي مو كنتي قبل كم ساعه تبكين ومنهاره ومدري وش ولله لو ادري ان الوضع كذا كان صالحتك مع ملاك من زمان" قالت ملاك:" خلصتو؟ يلا اذلفو بنام عندها" قال خيّال :" هي بنت ترا زوجك هنا استاذني طيب؟" قالت:" مابستاذن ويوم العرس بنحدده انا وكوثر" قال خيّال:" وش هالصداقه السريييعه" قال يزن:"معوضين خير ياخويي" اشرو ملاك وكوثر بيدينهم بمعنى اطلعو طلعو خيّال ويزن وقعدو ملاك وكوثر يسولفون

~ قصر ال خاسر~
اثير متصله على البنات وكانو يفسرون كلام ملاك لما قالت ل اثير انها بتنام عند كوثر ببيتها قالت اميره:" ياان ملاك مهدده او" قالت جنى:" او ان صدق تصالحو" قالت رَيلام:" خلونا منهم تخيلو طارق اخوي صار حنون معي بزييياده بعد الي صار" قالت اثير:" الحمدلله لك يارب جعله دوم مو يوم قولي امين" قالت اميره:" بنات انا اشششك ان كوثر خاطفه ملاك مو طبيعي ترا" قالت جنى:" انتتظر المدرسه بس عشان احقق مع ملاك" قالت رَيلام :" ليه ننتظر المدرسه نجتمع ونحقق معها" قالت اميره :" يلا الحين برسل بالقروب ونجتمع ببيتي وانتو قولو معكم" بالفعل ارسلت وكلهم قالو معكم الا ملاك كتبت :" اعتذر منك اميره مقدر اجي هالاسبوع كامل🙏🏻" قالت اميره:" قللللتتت لكم انها مخطوفه" قالت اثير:" بنات مدري اصبرو اسال خيّال" بالفعل سكرت من البنات ودقت على خيّال ورد وقالت:" اسمع خيّال بسالك ملاك وين هي؟" قال خيّال:" ببيت صاحبتها ليه؟" قالت :" صاحبتها مين " قال:" اسمها كوثر" قالت:" خيّال انت تعرف ان بينهم عداوه شلون تخليها تجلس عندها" قال:" انحلت العداوه ويلا سلام" سكر منها ودقت على البنات واكدت لهم ان ملاك صدق عند كوثر

~ بعد ثلاث ايام~
~المستشفى ~
قالت كوثر:" يعني يادكتور متى اطلع؟" قال:" بتقدرين تطلعين اليوم بس بعد اسبوعين ترجعين عشان نبدا الكيماوي " قالت ملاك:" شفتي يمديييك يمديك وربي واذا ماامداك تتجهزين لعرسي انا بنفسي الغيه " قالت كوثر بضحكه:" اي عشان خيّال يلعنك ويلعني معك" قالت ملاك :" ماعلييك بس يلا دقي على يزن وقولي له يجي" دقت كوثر عليه وجا واخذهم ووصل ملاك للقصر ولما جت تنزل مسكتها كوثر وحضنتها وقالت:" شكراً " قالت ملاك:" على ايش؟" قالت:" على كل شي اولهم انك شجعتيني" قالت ملاك:" عادي شدعوه ولاتنسين ترا احنا اعداء " غمزت لها وضحكت كوثر وقالت:" اعداء بس تكفين لاتعلمين احد" قالت ملاك :" كوثر وش قلت لك انا ؟ مستحيل اتكلم بشي مو عني" ودعتها كوثر ونزلت ملاك واول مادخلت قابلت شلتها واثير واقفين قدامها عقدت حواجبها وقالت:" بسم الله علي شفيكم؟" قالت اميره:" وش الي شفناه؟" قالت ملاك:" وش الي شفتوه؟" قالت جنى:" انتي كنتي حاضنه كوثر قبل شوي!" قالت ملاك:" اي شفيها؟" قربت رَيلام من ملاك وحطت يدها على جبين ملاك ولفت على البنات وقالت:" مو حاره" قالت اثير:" امشي جاوبينا شلون راحت العداوه؟" قالت ملاك:" اجتمعنا وحلينها فيها شي؟ " قالت اميره:" بنت اذلفي عن وجهي" قالت ملاك:" اوكي يلا سلام" ابتعدت عنهم ملاك ودخلت قسم خيّال قالت جنى:" اثيير الحقي الغبيه دخلت قسم اخوك" قالت اثير:" اي عادي من تملكو واهم يجتمعون بقسمه" قالت رَيلام:" امشو ندخل انا بنفجر من الي صار"

~ قسم خيّال~
دخلت ملاك ورقت فوق وشافت ان خيّال نايم استغلت الفرصه وقربت منه وجلست جنبه وقعدت تلعب بشعره وبحكم نوم خيّال الخفيف انزعج من تحريكها لشعره فتح عيونه وشاف ملاك جنبه ضحك وقال:" قلنا قدمتي الزواج بس مو تجلسين جنبي" صفقته ملاك وقامت وقالت:" ماتستاهل اذلف عن وجهي" طلعت من الغرفه ولحقها وقال:" شفيك شفيك نمزح" قالت:" الحين انا مشتاقه لك وجايه لك وتاركه البنات تحت ف الاخير تقول كذا؟" قال:" يابنتي نمزح ولله وتراني فاقدك مره مره" قالت:" اي اي واضح عالعموم انا بروح لعند جدي" قال:" اصبري اتروش وابدل واجي معك" قالت:" طيب" رقى خيّال وجت ببال ملاك خطه انها تسحب عليه بالفعل نفذت الي براسها وراحت لقسم الجد وجلست تسولف ونست خيّال وانها سحبت عليه جلست تسولف مع البنات وماحبو البنات يضغطون عليها بموضوع كوثر وقعدو يسولفون ب اشياء ثانيه بعد مده طوييله دخل خيّال والعصبيه طالعه من راسه شاف ملاك واشر لها تقوم وراه هزت راسها ملاك بالنفي وخيّال سوا بيده اوكي وجاء بيرقى لكن ملاك ماقدرت وحست انه بيسوي شي ف قامت وراه وسحبها مع معصمها ودخلها غرفته القديمه وقال بعصبيه:" مو قلت انتظريني؟" قالت:" شفتك طولت قلت اروح" قال:" وماتشاوريني؟" قالت ملاك:" تراك مكبر الموضوع مره " قال:" اي اي مكبره لدرجه لما كنت بستشيرك وش البس مالقيتك" قالت:" خلاص المره الجايه" قال:" مافي مره جايه اطلعي" قالت:" ترا بطلع" قال:" اطلعي" جت بتطلع لكن قبل تطلع صرخت وقالت:" بقققول لهم وش اتفقنا " سحبت عليه وطلعت تاركته مع عصبيته

" قراءه ممتعه❤️...
لا احلل القراءه بدون النجمه والاضافه والكومنت ❤️
+ حبايبي فيه قناة بالتلقرام بصير انزل فيها التلميحات ووقت النزول ومنها افتح الشات ونسولف سوا https://t.me/tlgramre❤️ "