~ملكتي قلبي ياملاكي~

48

بعد يومين
~ العصر~
صحت ملاك ولفت جنبها ماشافت خيّال لكن شافت باقة ورد ومعها ورقه فتحتها وبدت تقرا كلام خيّال:" صباح الخير ياام عيالي صباح الخير ياملاكي يلا اصحي طيارتنا بعد كم ساعه ابي اجي والقاك ملكه تنتظرني" تمغطت وراحت للحمام ( الله يكرمكم ) وتروشت وسوت السكن كير حقها وطلعت وتجهزت ونزلت للصاله مع اهلها والبنات تسولف معهم لما يجي خيّال وبعد مده جاء خيّال ودخل للخيمه وسلم على عمانه وابوه وجده والعيال وجلس جنب صقر وقال:" ولله وحشني هزاعوه" قال صقر:" يوه الحين ماصدقت على الله اني اتعود على غياب اخوي تجي انت تسافر ولا مع اختي ياشيخ دز" قال الجد:" الا ياخيّال متى رحلتكم؟" قال:" رحلتنا ياجدي الساعه 8 العشاء ليه شكلك طفشت مننا" قال الجد:" انا اطفش من افضل احفاد اخسي" قال خيّال:" محشوم ياجدي امزح معك" قام خيّال وكمل قال:" يلا استأذنكم بروح اخذ حرمي واروح لقسمي نريح فيه لما يجي وقت رحلتنا" طلع وراح للصاله دخل وشاف عمته ام ملاك وسلم عليها وقال:" الا بسالك ياعمه وين ملاك" قالت:" ملاك شوفها توها طالعه لقسمكم قالت تبي تريح قبل السفر" هز راسه ولما جا بيطلع شاف امه سلم عليها وقالت:" توك راجع من الدوام؟" قال:" هالله هالله ليه بغيتي شي يانظر عيني " قالت :" سلامتك ياروح امك" طلع ودخل لقسمه ونام اهو وملاك لما وقت رحلتهم

~المطار~
وصلو ملاك وخيّال للمطار وخلصو كل شي وجلسو بحياك لما تجي وقت رحلتهم قال خيّال:" جدي قال روحو بالطياره الخاصه وعييت قلت بتطفشين من مقابل وجهي" قالت:" زين سويت بتكون هدوء مابي ابي ازعاج انا" بعد مده ركبو الطياره ولما اقلعت جت ملاك بتصور قال لها خيّال:" ترا ماحبيت الستريت ارجعي للكيرلي" ناظرته ملاك وقالت:" مب شغلك البس السماعه وانت ساكت لبسها وشغلت الاغنيه وجلسو يتاملون الغيوم كيف هي حلوه بعد مده حست بخيّال نايم لفت عليه واستغلت شكله وقعدت تصور شكلهم وبعد مده اخذها النوم معه على بال مايوصلون بريطانيا اليوم الثاني

~ حايل~
~ قصر ال خاسر~
~ اخر الليل~
دخلت اثير المطبخ وطلعت ادوات الماتشا عشان تسوي لها شغلت جوالها وشغلت اغاني وبدت تغني مع الاغنيه واهي لابسه السماعه مو لم احد دخل صقر وشافها تنتظر الغلايه قرب منها صقر ومسك اكتافها شهقت اثير وجت بتصارخ لكن مسك فمها وقال:" اص اص انا صقر" تنهدت باارتياح وقالت:" خوفتني مره يالصقر" قال:" بسم الله عليك ياعيون الصقر" قالت:" وعليك" قال:" اي وش تسوين؟" قالت:" شفت الكل نام وانا ماجاني نوم قلت اسوي لي ماتشا تبي؟" قال:" يع لا ولله لا انتي ولا ملاك تشربون هالحنا وتبوني اشربها معكم" قالت:" طيبب جرب" قال:" لا مافي" قالت:" اجل احلم اوافق عليك يلا تشاو" اخذت الماتشا وجت بتطلع مسك يدها وقال:" لحضه خلاص يلا سوي لي بس بشرط" ناظرته من فوق لتحت وقالت:" ويتشرط بعد يلا قول وش شرطك" قال لها :" شرطي هو انك لما تخلصين الماتشا تلبسين ونروح لخطاف" قالت:" يوه يالصقر ولله اني اخاف منه" قال:" افا ماهقيتها منك" قالت:" اشرط شرط ثاني مابي ولا اقول لك مب لازم تشرب انقلع لقسمكم" قال:" وش ذا تطردني من قسم جدي مره ماتجي" قالت:" اجل انا بنقلع سلام" قال :" ولله اني عارف انك تكرهيني" لفت عليه وعقدت حواجبها بصدمه وقالت:" ماللهههه اي دخل روح نام الله يسعدك" قال:" طيب تكفين يلا ابي اوريه حبيبتي " قالت:" روح وره حبيبتك انا شدخلني" قال:" طيب طيب يااثير " طلع وتركها طلعت بعده وراحت جلست بالصاله تشرب الماتشا وتناظر االايباد راح للغرفه لبس ثوبه على السريع ونزل شافها جالسه تجاهلها وطلع استوقفه صوتها واهي تقول :" لحضه بجي معك" ناظرها وقال:" مااشوف انه لازم انا بروح اوري خطاف حبيبتي " قالت بغيره :" طيب يالصقر انقلع انت وخطاف وحبيبتك خطافة الرجاجيل" دخلت وجلست على الكنب دخل وراها واهو ميت ضحك على جملة خطافة الرجاجيل جلس مقابلها وقال:" ياخطافة الرجاجيل قومي ابي اطلع معك" قالت:" انا تخليني خطافة رجاجيل والقرده حبيبتك ماتسميها خطافة رجاجيل؟ هين ياصقر" ضحك بعلو صوته من كلمة يالقرده وقال:" قومي يالقرده اجل" ناظرته وقالت:" انا قرده؟ طيب ياصقر" قال:" هاذي مرتين تقولين فيها صقر ترا" قالت:" لانك" سكتت وقال صقر:" لاني ايش" قالت:" ولا شي روح قبل ياذن الفجر ويصحى جدي" قال:" زعلانه؟" هزت راسها بالنفي قام وقال:" استودعتك الله يانظر عيني تصبحين على خير " اكتفت باانها تبتسم له طلع ركب السياره وتوجه لخطاف