~ملكتي قلبي ياملاكي~

23

~ الثلاثاء ~
بيت ام نادر
ام نادر بالمطبخ مع امال وسهى زوجة ولدها مع مساعدات من بنت ولدها ساره ضرب الباب نادر وقالت جهير ل سهى:" يمه سهى تغطي خل نشوف وش يبي " تغطت سهى وقالت جهير :" ادخل " دخل نادر وباس راس امه وقالت:" هالبوسه وراها بلا انطق شعندك" ضحكت ساره وقالت:" عمو جده حافظتك حفظ " لف عليها وقال:" اص اص " وناظر امه وقال:" اقول يمه كلمي ام العنود واتفقو على يوم الملكه ابي اطلع معها مو طبيعي " قالت جهير:" اهدا اهدا يالخفيف تونا برمضان شلون تملك عليها ؟" قال:" عادي يمه نملك وسوو حفله بس لاتشغلون اغاني " قالت ساره :" احلف قول قسم كيف نسوي حفله بدون اغاني؟ "  قال:" اي عادي نملك على بعض وبس ليه لازم اغاني ! " قالت جهير :" انت تبيها تنفصل منك صـ" قاطع كلامها اتصال الجوهره ردت وقالت:" يامرحبا يامرحبا بالجوهره" فز نادر لما سمع الاسم وقرب اذنه لجوال امه وقالت الجوهره:" شخبارك عساك بخير يااوخيتي " قالت جهير :" بخير بخير دامك بخير شلونك شلون العيال شلون بنتنا " قالت الجوهره:" بخير كلنا بخير وبنتكم بخير واساساً محد خلاني ادق الا هي اشغلتني الا تبي تعرف عن عاداتكم اذا تكلم البنت خطيبها ولا لا" لفت جهير على نادر الي قعد يهز راسه بالموافقه ويترجى امه توافق ضحكت جهير وقالت:" الله يهديهم يااوخيتي احنا عادي عندنا وترا الولد مستعجل يقول ابي املك عليها حتى لو انه رمضان سوو حفله بدون اغاني مب صاحي هالولد جنني" ضحكت الجوهره وقالت:" الله يوفقهم يااوخيتي ويسعدهم يارب وترزقهم الذريه الصالحه يارب هالحين ارسل لك رقم البنت وعطيه اياه" سكرت الجوهره من جهير وبالفعل وصل الرقم وقالت جهير لنادر:" بعطيك اياه بس توعدني انك ماتتزبن بالغرفه تكلمها؟ " قال بحماس :" وعد وعد بس عطينيييي" ضحكت وقالت:" بس بس يالخفيف" عطته الرقم وطلع وكملو هم طبخ الفطور

~ قصر الجد متعب ~
البنات كلهم متجمعين بغرفة تُلى يسولفون دخلت عليهم العنود واهي مرووققه وقالت:" اخذ رقمي يابناتتت" انصدمت تالا وقالت:" صادقققه " قالت العنود:" اي ولله تو جدتي كلمت ام نادر وعطت نادر رقـ" قاطع كلامها اتصال نادر ابتسمت ورفعت نظرها للبنات وجت بتنطق لكن سبقتها ملاك واهي تقول :" مايحتاج عارفين روحي ردي يالخفيفه" قامت العنود من مكانها وراحت لغرفتها دخلت وسكرت الباب وراها وردت وقالت :" الو" رد وقال:" يامرحبا يا ناعم الصوت والعود
احيا بصوتك يوم هاتفك ياني" العنود ماقدرت تقول شي من كثر الحياء اكتفت باانها تسكت قال نادر:" لا لا مااتفقنا انك تسكتين تكلمي " قالت:" اتكلم وش اقول معرف مره" ضحك وقال:" اي الحين ماتعرفين تقولين ومستحيه ويوم جدتك تكلم امي عشان رقمك مااستحيتي" قالت العنود:" ياخي مو بيدي البنات اشغلوني " قال:" يعني لو البنات ماقالو مابتكلميني؟" قالت:" لاتدور الزله انت" ضحك وقال:" ياجعلني ماافقد هالصوت" قالت :" امين يارب تدري الي اشوفه الحين ماقاله لي سعود اخوي" عقد حواجبه نادر وقال:" وش قال لك سعود الله يسترر" قالت:" يقول انك هادي مره وانت عندي وعند امك لا" ضحك وقال:" انتي من شفتك ذيك الليله وانا متغييير مره مره غيرتيني يابنت خالد" ضحكت وقالت:" يلا انا الحين لازم اسكر" قال:" ويينن الناس تونا توي بكلمك عن الملكه" قالت:" الملكه خلها بعد العيد احسن" قال:" وانا وش بيصبر قلبي يابنت خالد؟" قالت:" بيتصبر بيتصبر عادي يلا باي" سكرت بوجهه قبل تسمع رده لانها عارفه لو بيرد بيكمل لين بكره