~ملكتي قلبي ياملاكي~

35

~ بيت رَيلام"
بيت اول مره نزوره

الاب :" سليمان بن زايد بن سلطان ال جراح "
الام :" سعاد بنت سالم بن جاسم ال خالد"
الابن الكبير:" تركي بن سليمان بن زايد ال جراح عمره 30 سنه"
الابن الوسط:" طارق بن سليمان بن زايد ال جراح عمره 26 سنه"
البنت قبل العنقود:" رغد بنت سليمان بن زايد ال جراح عمرها 20سنه"
اخر العنقود :" رَيلام بنت سليمان بن زايد ال جراح عمرها 18 سنه"

دخل طارق لغرفة رَيلام وكان بشدة العصبيه قرب من عندها ومسكها من اعلى تيشرتها وقال:" انتي كم مره بنعلمك ماتتهاوشين مع خلق الله تعبنا معك واحنا كل شوي مغطين عليك عند المدرسه انتي احمدي ربك مدخلينك مدارس عالميه غيرك يتمناها " فكت يده رَيلام وقالت:" انت شدخلك فيني شدخلك بحياتي انت لا ابوي ولا امي ولا اخوي الكبير شتبي فيني" قال:" المهم اني اخوك واعرف مصلحتك فهمتي؟" بهالحضه دخل تركي وقال:" ولد اتركها لا اكسر خيزرانة ابوي على راسك شدخلك فيها؟" قال طارق:" الي دخلني ان المدرسه امس متصلين علي وقايلين اختك متهاوشه لين متى لين متى هالحركات؟" دخل الاب وقال:" محد له دخل ببنتي لو سمحتو انت وياه والي بيمسها كنه ماسني فهمتو؟" خذا رَيلام معه وكانت رَيلام تبكي وتحلف وتقول:" بابا ولله كذاب اساساً مااتصلو عليه هو عرف من خويه ولله" قال سليمان:" بس ياابوي انا مصدقك ماعليك" هدت رَيلام وهدا الوضع بالبيت بس كان سليمان يتوعد بولده طارق لانه اول مره يمد يده على اخته

~ قصر ال خاسر~
المغرب
دخل خيّال الخيمه حقت العيال جلس بدون لايلقي السلام عليهم ناظره صقر وقال:" ماودك تسلم؟" قال خيّال:" السلام عليكم" دخلت روح وركضت لصقر وقالت:" خالو صقر تدري ملاك وش صار فيها؟" فز خيّال وقال:" وش فيها؟" قال نياف:" اظن بنتي قالت خالو صقر ماقالت عمي خيّال!" قال خيّال:" مو شغلك تعالي حبيبتي وش فيها ملاك؟" قالت روح:" معرف بس سمعت البنات يصحونها وقولون ملاك افتحي الباب ويصارخون" فزو العيال كلهم واولهم اخوان ملاك وخيّال طلعو العيال وكانو يركضون خيّال يركض ويدعي ان مافيها شي وصقر يركض ويدعي انها ماتسوي بنفسها شي وبهاج يركض ويدعي انها نايمه وهزاع يركض ويدعي انها حاطه السماعه وماتسمعهم دخلو لقسم الجد رقو كلهم لعند غرفة ملاك وشافو ان الكل واقف ويضرب باب غرفة ملاك قرب سعد من هزاع وقال:" اختك ياهزاع ماتردد ياهزاع ماترددد" قال هزاع:" اهدا اهدا يبه تكفى تراك الحين خايف انت مفروض تهدي جدي وجدتي تراهم كبار لاتخوفهم زياده اهدا يبه اهدا " التفت الجد وشاف خيّال واقف اخر السيب وبجانبه صقر وكنهم يعرفون شي الكل مايعرفه صرخ الجد وقال:" انتو وش وقفكم هناك تعالو " قرب نياف من الجد وقال:"ياجدي اهدا مافيها الا كل خير اهدا " قربو بهاج وسعود وعبدالرحمن وابراهيم ونواف وحاولو يكسرون الباب لين ماانكسر انفتح الباب والصدمه لما شافو ملاك مستلقيه على السرير دخل الكل وتقدم سعد واهو يشيلها لحضنه ويقول:" ملاك ملاك بنتي تسمعيني ملاك بابا ردي تكفين" تقدم هزاع وشالها وقال:" بوديها المستشفى يايبه وانت اجلس مع جدي تراه خايف" جا بيتكلم سعد لكن استوقفه خالد وقال:" اسمع كلام ولدك واجلس" طلع هزاع وشاف خيّال واقف ناظره وقال:" وش تنتظر؟ امش نوديها المستشفى " صحى خيّال من كلللل الهواجيس الي كان يهوجسها وكن ثلج نزل عليه وخلاه يصحصح طلع هو وصقر وهزاع حامل ملاك معه وركبو السياره وحركو للمستشفى دخلو للمستشفى وخذو الممرضات ملاك وبعد مافحصوها قالو انها ماكله حبوب ولازم يسوون لها غسيل معده جلس خيّال على الارض وتلطم بشماغه وكنه يحاول يخفي دموعه شاف صقر خيّال ومن كثر ماانه خايف على اخته حط اللوم على خيّال وطلبه مع انه واقف مع خيّال بس نسى وقتها كوثر وفعايل كوثر وركز على خيّال وكن خيّال هو السبب تقدم صقر لخيّال ومسكه مع ياقته وقال بدموع :" كله منك كللله منك انت ماتعرف وش فيها عشان تقعد تطلبها هالطلب تدري الشرهه مو عليك الشرهه علي انا واهلي يوم وافقنا عليك" تقدم هزاع وقال:" صقر وش هالكلام الي تقوله!" قال خيّال:" خله خله انا غلطت ولازم اتحمل غلطي" قال هزاع:" ممكن تفهموني وش السالفه واي غلط!" بهاللحضه طلعت الدكتوره وقالت:" الحمدلله المريضه بخير واهي الحين بالغرفه وحالياً نايمه تقريباً ساعه وتصحى وعلى فكره هي لازم تتنوم عندنا عشان الفحوصات والاشعه"دخل خيّال على ملاك وكان صقر بيدخل وراه لكن مسكه هزاع وقال:" خله " قال صقر :" انتو ماتدرون هي وش عاشت عشان تسوون فيها كل هالاشياء وتضغطون عليها ارحموها ارحموهاا"

~ داخل الغرفه~
دخل خيّال وجلس مقابل ملاك مسكها مع كتوفها ورفعها له وحضنها وقال واهو حاضنها:" اسف اسف ياعين ابوي انتي اسف ياقلب خيّال وروحه اسف يانبض قلبي اسف ياشرايين قلبي سامحيني ماكنت متوقع ان بطلبي ذا بيجرحك لهالدرجه سامحيني ياعيوني تكفين" ماحس خيّال الا بالي تكمل معه الحضن شد يدينه على حضنها وكمل يتكلم ويقول:" انا غلطت ياعيوني واعتذر تكفين ان كان للحين بخاطرك سامحيني واناعـ" قاطعته ملاك واهي تبعد عنه وتحضن وجهه بكفوفها وتقول:" مو منك الغلط مني انا انا الي جيت لهالدنيا وخليتكم تزعلون كثير ومعد تهتمون لي" غطا فمها خيّال وقال:" اص اص وش هالكلام " قالت:" خيّال هاذا الصدق انا جيت وخربت على سجى انا جيت وخربت على كوثر انا جيت وخربت عليك " قال :" خربتي على سجى بوشو ! وكوثر هاذي مين؟ ووش خربتي علي فهميني ياقلبي انتي" قالت ببكاء :" خربت حياتك انت وسجى لو اني انا مو موجوده كان انت وسجى عندكم اطفال الحين وخربت عليك لاني جيت ورجعتك للماضي وخربت على كوثر لاني جيت المدرسه وخذت البنات منها ولله ياخيّال مو مني ولله البنات يجوني ولله" قال:" ملاك! مين قال لك انك رجعتيني للماضي ومين قال لك ان انا وسجى المفروض نتزوج ومين كوثر هاذي !" قالت ملاك:" خيّال ممكن ننفصل؟" قال خيّال:" انا ماصدقت على الله نتزوج تبينا ننفصل! نبعد اي ننفصل احلمي مستحيل اخسرك ثاني مره خلاص" قالت بصراخ وعتاب:" تعبت ياخيّال تعبت ولله من كل شي تعبت من حياتي ومن كل شي فيني ليه مصر اننا نكمل مع بعض ليه ليه احنا طول الوقت نتهاوش مايصلح نكمل مع بعض صدقني" قال بصراخ:" مستحيل مسسسستحيل ياملاك اخسرك ولله مااطلق وراسي يشم الهواء" دخل صقر وقال:" وش فيك تصارخ انت صاحي!!!" قال خيّال:" لو سمحت ياصقر لاتتكلم معي قبل لاتعرف وش السالفه " قال هزاع:" وش السالفه ليه تصارخون؟" قال خيّال واهو جاي يطلع:" ملاك تبينا ننفصل" شهق هزاع وحول انظاره لملاك الي كانت تبكي باانهيار قرب منها وقال:" صدق ياملاك؟" قالت ملاك :" اي صدق خلاص تكفى ياهزاع لاتـ" طاحت ملاك مغمى عليها واهي تتكلم طلع صقر يصارخ للممرضه يناديها ويقول:" ددكتوره دكتورره تعالييي" خيّال كان جالس بالسيب ومتلطم نفس حركته قبل لاتصحى بس كان بكاءه زياده عن الي قبل فز من سمع صراخ صقر وركض لملاك شافها طايحه بين احضان هزاع دخلو الدكاتره وفحص الدكتور ملاك وقال:" اغمى عليها بسبب الانهيار العصبي وهاذا شي خطير بالنسبه لها واهي توها مسويه غسيل معده اتمنى منكم كلكم تطلعون وتخلونها لحالها" قال صقر:" والمرافق؟" قال الدكتور:" مايحتاج مرافق والحين ارجعو وطمنو اهلكم انها بخير ولحد يجيها خلال هاذي اليومين عشان مايزيد التعب الي فيها والحمدلله على سلامتها " راح الدكتور ولف هزاع عليهم وقال:" سمعتو صح؟ يلا امشو نرجع" رجعو مع هزاع وتركو ملاك لحالها بالمستشفى دخلو البيت وعلمو اهاليهم بالي صار لملاك بس ماعلموهم عن طلبها لخيّال انهارو الجد والجده واهل ملاك بسبب الي صار وماقدرو يروحون بسبب كلام هزاع

~ قسم خيّال~
دخل واهو مايشوف اي شي من الضيقه رقى للغرفه وكان يبي يطلع كل الحره صرخ صرخه طلعت كل التعب الي فيه وقال:" لييه ليييه ليه ننفصل ليهه!" راح توضى وصلى الوتر وقعد يدعي ربه انها تتراجع عن القرار وبعد مادعاء ربه راح لسريره وقعد يهوجس لين اخذه النوم

" قراءه ممتعه❤️...
لا احلل القراءه بدون النجمه والاضافه والكومنت ❤️
+ حبايبي فيه قناة بالتلقرام بصير انزل فيها التلميحات ووقت النزول ومنها افتح الشات ونسولف سوا https://t.me/tlgramre❤️ "