~ملكتي قلبي ياملاكي~

14

~ بيت اميره ~
دخل مالك لغرفة تُلى وتالا وقال:" بنات قلب ابوهم كيفكم؟" قالت تُلى :" ولله مو بخير يابابا" قال مالك:" افا افا وانا ابو سجى شفيكم؟" قالت تالا:" بابا ملاك متنومه بالمستشفى والكل عندها تكفى نبي نروح لها" ( معلومه غريبه: مالك معجب بملاك وكم مره يحاول يتقرب منها) قال مالك بصدمه :" شفييييها؟" دخلت سجى وقالت:" هد يبابا ولله لو انها وحده من بناتك" قال :" اخلصو البسو بوديكم لها" قالت تُلى :" ولله؟" اوما براسه وجا بيطلع الا قابل اميره وقال:" مادريتي بنت اخوك متنومه بالمستشفى " قالت اميره:" ميين ! " قال مالك:" ملاك" قالت سجى:" ياخي ولله لو ان ملاك بنت الملك ماخفتو عليها كذا شفيكم!" قال مالك:" يابنت انتي طالعه على مين كل ذا الحسد والغيره طالعه على مينن!" قالت اميره:" احنا بنروح تبين تجين حياك" قالت سجى بهمس بنفسها:" ولله بروح يمكن خيّال فيه"

~ المستشفى ~
دخل خيّال لملاك وسلم وجلس على الكنب وقال:" الحمدلله على سلامتك" قالت ملاك :" الله يسلمك ماتعرف ليه ناديتك؟" هز راسه بالنفي وقال:" لابالله اني ماعرف واستغربت ويوم ناديتيني" تقدم عندها وجلس على ركبته قدامها وقال :" يابنت العم ولله اني اسف ولله اني نادم قد شعر راسي وانتي فهمتيني غلط ولله ماكنت بمسك وقلت لك ماني ماسك وانتي مب حلالي ولله اني اسف تكفين ملاك لاتاخـ" قاطعته ملاك وقالت:" لاتتاسف وانا جايبتك عشان اقول لك شي وقوم من مكانك وعدل جلستك" قال خيّال ب استغراب :" اسلمي " قالت:" ابي الحين اطلع وتوديني انت للاسطبل" استغرب خيّال من طلبها وقال:" الاسطبل؟ شتبين فيه؟" قالت :" ابي اشوف ملك عندك شي؟" زاد استغراب خيّال وقال :" ابد تم بس" قاطعته ملاك وقالت:" لابس ولا شي والحين ناد الكل لاني ابي اطلع" اوما براسه وطلع واهو مستغرب تقدم سعد منه وقال:" ها وانا عمك وش تبي منك" رفع راسه لعمه وقعد يناظر عمه واهو مستغرب تقدم هزاع وهز راس خيّال بيده وقال:" ولد تسمعنا شقالت لك" قال بهاج بضحكه:" شكل اختي وقفت الكلام من فمه وجمدته" لف هزاع على بهاج وقال:" مو وقققتت سماجتك ابد" تقدم نياف لخيّال وقال:" انا اعلمكم كيف بيرد" صفقه نياف وقال خيّال :" ها ها صح اسف عمي قالت ودني للاسطبل انت بس بدون احد وانا مستغرب" قال نياف بضحكه:" هد هد يالحبيب ترا عمي سعد مهوب طاير تكلم بشويش" قال خيّال:" صمها انت صفقتني وانا منلخم اكيد برتاع" ضحك سعد وقال:" يلا يلا ندخل عندها" دخلو الكل وتقدمت البندري وحضنت بنتها وقالت:" خوفتيني علييك يابنتي وش الي صار فيك؟" قالت ملاك:" ماصار فيني الا كل خير والحين ابي ارجع ماحب المستشفيات بعدين وين اثير ؟" قال هزاع:" طيب اسالي عن اخوانك على طول اثير!!!" بهالحضه دخلت اثير وقالت:" هاذا انا هنااا بس كنت اكلم الشله عشان يجون للبيت ونسوي جلسه ونسولف" قالت ملاك:" الحمدلله قلتي لهم خل نغير جو شويي" قال الجد :" يلا قم ياسعد سو لها خروج اعرف حفيدتي ماتحب المستشفيات زي جدها" قالت ملاك:" فدددييييتت تتعوببيي ياناس" قالت الجده:" وش تعوبي انتي اسمه جدي متعب" ضحكو اثير وملاك وقالت اثير:" فددديييتت جوهرتتي الغيورره" قال الجد :" وش جوهرتيي!!" ضحكت ملاك بصوت عالي وقالت:" حتى انت تغاارر" دخل خالد وقال:" الحمدلله على سلامتس ياحبيبة عمهاا" تقدم خالد وحضنته ملاك وقالت:" الله يسلمك عمموو " همس خالد ب اذنها وقال:" وش سبب الصدمه لايكون حبيب القلب" استحت ملاك وكمل يهمس بااذنها:" ترا قافطتس ياعيون خيّال " توسعت عيون ملاك وقالت:" عمي وش هالكلام لا تكفى" ضحك عمها وبعّد طلع سعد يكمل اجراءات الخروج ودخلو بعده اميره ورجلها وبناتها نطق الجد وقال:" هاو اميره شجابتس وانا ابوتس ف اخر الليل ؟ " قالت اميره:" كل شي يهون لعيون حبيبة عمتها" ابتسمت ملاك بتسليك وقالت:" جدي يلا تكفى ابي اطلع" قال مالك:" مفروض تجلسين الليله هنا عشان ترتاحين " خزته ملاك وقالت:" مالك شغل " ضحكت اثير وقالت سجى:" مااشوف انه شي يضحك ومفروض تحترمينه لانه اكبر منك وزوج عمتك" قالت ملاك :" دزي امها انتي ترا الكل عارف ليه جايه لاتخليني افتح بيبان مغلقه" دخل سعد ومعه الدكتوره وقالت الدكتوره:" الحين بتطلعين بس اوعديني معد تتعبين نفسك وجسدك" ضحكت ملاك وقالت:" وعد بس شيليه" ضحكت الدكتوره وقالت:" ذكرتيني بجدك كذا مايحب المستشفيات مره يلا هاتي يدك" شالت المغذي من يدها والكل رجع للقصر