~ملكتي قلبي ياملاكي~

12

~ عند اثير وملاك ~
توهم راجعين الا قابلهم نواف وقال:" ماشاءالله وين كنتوو؟؟" قالت ملاك:" كنا جالسين نسولف ليه؟" قال نواف:" تسولفون برا المخيم ماشاءالله عليكم" قالت اثير:" فيك شي ترا مو طبيعي الي تسويه "
ضحك نواف وقال:" ابد ولله جاي اسرق ملاك منك واحشتني وابي اسولف معها" خزته اثير وقالت:" ماشاءالله الله يهني سعيد بسعيده ترا انا بعد بنت اخوك وش هالسحبه؟" ضحك نواف بصوت عالي وقال:" ياربييي الغيورين ابد ياعيون عمك ترا انتي مقابلتني طول الوقت اما ملاك توني اشوفها وبعدين فيه كم حساب ابي احاسبها عليها " تكلمت ملاك بملل:" اف عمو بسرعه قول الي تبيه تراي دايخخه" استغرب نواف من كلمة عمو وجا بيتكلم الا شاف خزت اثير لملاك خزتها اثير وقالت:" وانتي رحتي ورجعتي والنوم ماتغير عنك خير؟عالعموم انا بررح واخليكم " راحت اثير وقالت ملاك:" يلا قول الي عندك" قال نواف:" اول شييييي من متى علاقتك مع سعود بهاذا الزود ؟ " قالت ملاك:" الحين انت ساحبني عشان تسالني عن علاقتي مع سعود مو منجدك نواف" قال نواف" لا منجدي ياملاك ترا الكل مستغرب من علاقتكم المفاجئة وهاذا وجهي اذا ماناداك هزاع وسالك وش بينك وبين سعود " قالت ملاك:" ولله سعود اكتشفت انه غييرر عن الكل بشكل مو طبيعي تخيل نواف انه لما قلت له قال مستعد اسوي لك الي تبين بس تتعدل نفسيتك وترجعين ملاك الحنونه؟" قال نواف:" اسمعي ياقلب عمك الكل كان متوقع انك ترسلين لخيّال او صقر او هزاع بس سعود سعود ياملاك؟ سعود الكل يعرف انه جاف وشخصيته قاسيه كيف قدر يساعدك بشي زي هاذا وانتي صغيره؟" قالت ملاك:" بقول لك الصدق انا قلت لسعود لاني عارفه انه ماراح يرفض ولو قلت لصقر او هزاع او خيّال راح يرفضون وانا وحده نفسيتي كانت مره تعبانه وتكفى نواف لاتضغط علي زياده " حس نواف ان فيها شي وقال:" شفيك ياقلب عمك فيك شي احد مضايقك؟" قالت ملاك:" لا لا مافيني شي بس ابي انام لاني دايخه" قال نواف:" اجل يلا قبل تروحين تنامين روحي عند ابوي يبيك بعدين روحي نامي" هزت راسها بالايجاب وراحت لجدها

~ بالخيمه~
الكل مجتمع من احفاد الجد متعب وحريم اولاده وعياله دخلت ملاك ونصت الجد وقالت:" سم ياقلبي بغيت شي؟" قال الجد:" ياامرحببا ولله وسهلاً ياهلا بحبيبة جدها تعالي تعالي" راحت له ملاك ولما جلست رفعت انظارها لسجى الي جالسه مع خيّال ويتهامسون ويضحكون سمعتها تهمس له بصوت دلع يجيب المرض:" الحين ذي مستصغره نفسها بس عشان جدي يدلعها؟ " وقفت ملاك وراحت لها تحت انظار خيّال وقالت:" لا ياروح قلب امك انتي مااستصغرت نفسي عشان جدي يدلعني انا من جيت على هالدنيا وانا مدلعه ولا انتي غايره عشا" قاطعها صقر ومسك يدها وقال:" ملاك بس خلاص " جت بتتكلم الا قاطعها وقال:" قلت خلاص وامشي معي" طلعو صقر وملاك الي بقمة العصبيه لانها تعرف مدا غيرة سجى بدلع جدها لها وحُب خيّال لها وكم مره سكتت بس خلاص لين متى

~ صقر وملاك~
مسك صقر راس ملاك الي من ابتعدت عنهم وانفجرت بكاء خصوصاً انها عند صقر مو احد ثاني قال:" وه وه وه كل ذا عشان سجى مسسستحيييلل يماما توك تجلدينها بالكلام وكنتي بتقولين اشياء تسود الوجه ليه الحين تبكين؟" قالت ملاك:" الحين انت مصدق اني ابكي بسببها تخسي وانا بنت سعد ماتنزل مني دمعه بسببها بس ياخي ماشفت كيف يتهامسون ويضحكون وحتى لما دخلت ماعطاني اييييي اهتمام حتى نظره ماعطاني ليه شسوييت؟؟" قال صقر ب استغباء وضحكه خفيفه :" مين تقصدين؟" قالت:" صقير مو وقتك مره مره " ضحك صقر وحضنها وقال:" يييااعيون صقير انتي فديت الي يغارون وبدو يحبون وه بس" بعدت ملاك من حضنه وقالت :" صقر وقسم لو ماتهجد ل افرشك هنا" ضحك صقر بصوت عالي وقال:" الحين انتي يالنتفه بتفرشيني مسسستتحييل هههههههههه" زفرت ملاك وقالت:" اوه واضح مروق انت وانا حالياً مالي اي خلق عشان اضحك بروح انام باي" راحت ملاك وصقر جلس واتصل على خيّال عشان يجيه