~ملكتي قلبي ياملاكي~

18

~ قصر الجد متعب~
وصلت ملاك وسلمت على جدها وجدتها وامها وابوها وعمتها نهى وعمها نواف وعمها خالد ومرته جت بتجلس لكن دخل صقر وكان بققمة العصبيه ومن لمح اخته ناظرها وقال بنبره هاديه :" ملاك امشي معي" اومات براسها وقامت معه طلعت وراه ودخلو قسمهم وجلسو بالمجلس عشان لحد يسمعهم قال صقر :" صاحيه انتي تروحين مع غريب لو سوا لك شي حتى لو قال لك انا اعرف جدك تصدقينه!!" ملاك ساكته ومااعطت اي رد واكتفت انها تنزل راسها كمل كلامه قال:" اكلمك انطقي بتصدقينه وتركبين معه!!" ملاك سساكته لانها عارفه لو تكلمت بتزيد النار حطب ف اكتفت بانها تسكت ناظرها وقال:" ماناديتك وعصبت عليك عشان تنزلين راسك وتسكتين ابيك تببريين غلطك ياملاك" رفعت راسها وقالت بنفاذ طاقه وصبر:" اي غلط تتكلم عليه انا ماغلطت وبعدين لو انت يالشاطر ما ارسلت السواق كان ماجلست معه وصبرت معه " قال:" اساساً اساساً ليه طلعتي تركضين وخليتينا انا وخيّـ" قاطعته وقالت بصراخ :" لان ويليام جا هنا وخطبني من بابا فهمت ليه انا طلعت اركض فهمتتت؟؟" جا بيتكلم لكن قاطعته وقالت:" اسكت ماخلصت كلامي انا خل اكمل لك ولما طلعت كنت اركض ليه لان ابي الحق قبل يدخل على جدي وعماني لكن وش الي خرب ابو ركضتي الدكتور الشاطر عبدالعزيز صدمني وجرح جبهتي وانت بدال لاتقعد تهاوشني تحمد علي بالسلامه ولا اقول لك مااهتميت لكلامك لانك خلاص معد صرت قريب مني ياشيخ هزاع صار يفهمني اكثر منك شغيرك علي ها قول؟"

~ الخيمه ~
الكل يسولف طبيعي لكن الي صدمهم دخول هزاع بركضه واهو يقول :"صقر وينن؟ " قال خيّال:" هد هد بعدين صقر مع ملاك مدري وين راح قال لها امشي معي وراح" ناظره هزاع وقال:" الحمدلله على سلامتك ويلا بروح اشوف وينه " طلع يركض يدور صقر وملاك دخل قسم بيتهم وسمع صراخ ملاك او عتابها لصقر فتح الباب وشاف الوضع كيف بين صقر وملاك سمع وش قال صقر لملاك:" انا ماتغيرت انتي الي تغيرتي ياملاك صرتي غريبه مره محد يفهمك لا انا ولا هزاع ولا اي احد وتصرفاتك صايره مره غريبه وتلومينا اذا تغيرنا عليك لاتلومين لانك تغلطين الغلط واحنا الي نسكتـ" قاطعته ملاك الي خلاص نقطه وتنفجر وقالت بنبره هاديه وترجف :" اوكي انا اسفه" جت بتطلع ناظرت هزاع نظره قطعت قلبه واهو ماسوا شي تقدم هزاع لصقر وقال:" انت بدال لاتنصحها خليتها تدخل ببالها انها تعيد الغلط لاتلومها الحين اذا كرهتك لانك انت الي كرهتها فيك بكلامك ياصقر انت جرحتها بكلامك مهما غلطت ماتقول كلام زي كذا وتخليها تندم على كل شي بعدين مفروض ماتكلمها واهي صغيره مفروض تكلم الدكتور الي اخذها واهي صغيره مهما صار مفروض ماتقسى كذا ياصقر ولله لو يدري عنك ابوي لايكسر الخيزرانه على ظهرك حتى وملاك هي الغلطانه ليه لانك جرحتها وكسرت قلبها للمره الثانيه اقولها لك لاتلوم ملاك اذا كرهتك كلامك مره يجرح" طلع من عنده وترك صقر بدوامه

~ السطح ~
دخلت ملاك للسطح وجلست على الارض عشان تتأمل الغيوم زين جلست تهوجس بكلام صقر اخوها كل ماتذكرت كلمه نزلت معها عشر دمعات ومتاكده ان هالكلام مو من قلب صقر لانها تعرف حنيته صح  كل مره يتهاوشون بس هالمره ماتوقعت قسوته وعصبيته خلته يقول هالكلام مهما صار مستحيل تعذره على الي قاله بهالحضه دخل هزلع للسطح وشافها جالسه لحالها تقدم عندها وباس راسها فزت ملاك بخوف وقالت:" خوفتني" قال:" اسف عادي اجلس؟" هزت راسها بالايجاب وجلس جنبها قعدو دقايق ساكتين لين قال هزاع:" تدرين من لما كنتي صغيره كذا اذا فرحتي او زعلتي تجين وتجلسين عند النجوم لحالك عشان كذا تعودنا اذا اختفيتي نعرف انك بالسطح " ناظرته ملاك وقالت متجاهله كل كلامه :" انا ماغلطت هو الي غلط وارسل السواق من عندي" ناظرها هزاع وقال:" هو غلط وانتي غلطتي هو مفروض مايتكلم بهالقساوه وانتي مفروض دقيتي علي او على بهاج مو تروحين له " قاطعته ملاك وقالت:" روح اساله ولله اني لما شفت ان السواق راح عني دخلت عليه واهو عنده مريضه وقعدت اهاوشه لان هو السبب بكل الي صار لي " قال هزاع :" الي فات مات الحين وحصل خير ان شاءالله وانتي اعذري صقر لانه كان خايف عليك" قالت ملاك :" اعذره بكل شي الا الكلام الجارح مستحيل اعذره وبقسى على نفسي وبعلم بابا" قال هزاع :" تعلمين ابوي عشان يهاوشه وتزيدين النار حطب ياملاك ماانصحك تعلمين لان بتزيد الهوشه بينكم" بدت ملاك تبكي وقالت واهي تبكي:" خل تزيد لو ماعلمت بابا بيتمادى انا ماقد غلطت ليه يخليني غلطانه واهو الغلطان " حضنها هزاع وملاك تبكي ب انهيار وهزاع ساكت وسمح لها تطلع كل الي بقلبها بكت ملاك لين نامت بحضن هزاع وكان بيصحيها لان مايصلح تنام واهي تبكي تنهد وشالها لغرفتها وداها لغرفتها جلس شوي عندها يهوجس بعدين راح لغرفته عشان ينام لمح غرفة بهاج طق الباب ودخل بعد مابهاج سمح له سلم على بهاج وقال:" وينك اليوم مختفي؟ لاحس ولاخبر" قال بهاج:" ابد قاعد اشتغل على مشروع التخرج ليه صاير شي؟" تنهد هزاع وقال:" قلي وش ماصار " ترك بهاج الابتوب وقام من على المكتب وراح للكنبه عند هزاع وقال:" وش صاير وجهك مب عاجبني" قال هزاع:" ملاك بدت تكره اخوك " عقد حواجبه بهاج وقال:" مستحيل ملاك تزعل من صقر صاحي انت؟" قال هزاع :" لا صاحي ماعليك بس صقر قال لها كلام يجرحها والصدق جرحني انا وانا مال امي دخل " قال بهاج:" ياخي لاتتكلم بالقطاره اخلص قل كل شي" قال هزاع السالفه لبهاج وانهاها بـ:" بكت بكت بحضني لين ماحست على نفسها ونامت وحنا بالسطح" قال بهاج :" صاحي ذا ولا وش وش هالكلام الي قاله مهما صار مايقول كذا امي وابوي يدرون؟" قال هزاع:" لا وانت عارف اذا ابوي درا وش بيسوي بصقر بس الحين الي ابيه اننا نغير من نفسية ملاك وننسيها السالفه حتى لو هي غلطانه كفايه الي جاها من صقر" اتفق معه بهاج وقال:" بكره انا الي بوديها المدرسه لحد ياخذها " طلع هزاع من عند بهاج وراح نام

~ الصبح ~
صحت ملاك وسوت روتينها اليومي المعتاد ولبست مريولها وطلعت ادوات الماتشا وسوت لها ول اثير عشان ياخذونها معهم للمدرسه نزلت ومعها المقين حطت واحد عند شنطتها والثاني عند شنطة اثير راحت لطاولة الفطور الي الكل كان يفطر فيها جلست بجانب اثير وهمست ب اذنها اثير:" اليوم بنداوم تكفين بدون هوشات" ضحكت ملاك وهمست ب اذن اثير وقالت:" يوه عاد كلي طاقه سلبيه بس انتي جيبي ربطه عشان اربط شعري اذا شفت شلة كوثر " رفعت عيونها وجت عينها بعين صقر لكن غيرت موقع نظرها لنياف الي قال:" ملاك واثير تكفون مانبي المدرسه يتصلون علينا ويقولون بناتكم متهاوشين مع احد " ضحكت ملاك واهي تقوم من مكانها ناظرت صقر وقالت :" ولله ياولد العم اليوم كلي طاقه سلبيه وابي اطلعها ب احد " قامو اثير وملاك عشان يطلعون لكن اوقفهم صوت بهاج واهو يقول :" ملاك اثير انا الي بوديكم اليوم خلو السواق مع اهلي" ضربت ملاك كفها بكف اثير وقالت:" يس نروح نشتري كوفي" قالت اثير:" والماتشا الي مسويتها؟" قالت ملاك :" عادي وحده نخليها للطلعه والكوفي نشربه الحين" ضحك بهاج وقال:" ماتوفرين يلا امشي لعيونك" طلعو الثلاثي وناظر هزاع بحده لصقر بعدين ناظر ابوه وقال:" يبه ماركزت بجرح ملاك الي بجبهتها؟" قال سعد :" الا بس شفت نفسيتها مو حلوه ماحبيت اضايقها تعرف وش فيها؟" فز صقر وقال:" صدمت بدكتور لما كانت مرافقه مع خيّال بس " قال هزاع :" يبه بعد الفطور ابيك لحالك" هز راسه سعد بالايجاب وكملو فطورهم

" قراءه ممتعه❤️...
لا احلل القراءه بدون النجمه والاضافه والكومنت ❤️"