~ملكتي قلبي ياملاكي~

39

~ الصبح~
بعد كم يوم وقبل عرس ملاك وخيّال بيوم
صحت ملاك على اتصال خيّال ردت وقالت:" شتبي؟" قال:" للحين نايمه؟" قالت:" يعني وش متوقع؟ " قال:" جت الساعه 8 وانتي للحين نايمه قومي يلا" زفرت وقالت:" انا ندمت اني تزوجت واحد ديك ينام متاخر ويصحى بدري نام وفكني" ضحك وقال:" قدها يالخفاش؟ اقول قومي بسرعه باخذك تسلمين على خوالي معي" قالت:" وش ابي اسلم خلاص بعرسنا نسلم مره وحده بعدين انا دايخه الحين اذلف" قال:" دقيقتين ماتجين قسم جدي ولله ادخل قسمكم واسحبك معي" قالت :" اف اف طيب بروح اتجهز" سكرت بوجهه واهو يحسبها راحت تتجهز لكن الحقيقه انها رجعت تنام

~ الظهر~
جالس خيّال بالصاله بقسم الجد رفع نظره للباب يحسب الي دخل ملاك لكن رجع ينزلها للجوال من شاف هزاع قرب هزاع وقال:" ارحب ياولد العم شعندك هنا" قال خيّال:" البقى ابد ولله انتظر حرمي المصون تجي عشان نمشي صارلها ساعاتتتت ماجت وش هالتجهيز" ضحك هزاع وقال:" اي تجهيز كذبت عليييك يالهطف تراها نايمه بغرفة جدي " قال بصدمه:" اسسسالك بالله صاحيه ذيي!" قال هزاع واهو يجلس:" وقسم بالله وترا جدي طالع يعني يمديك ترقى لها" قام خيّال واهو يرقى فتح الباب وشافها نايمه جا عندها وبدون لايفتح النور جلس مقابل وجهها وبدون لايتكلم قعد يصحيها بيده فتحت عيونها وصرخت واول شي سوته ضربته كف صرخ خيّال ب الم وقال:" وجع خير انا خيّال" قالت:" شتبي؟" قال:" اجل بتتجهزين " قالت:" يوه عاد شسوي انت ماينفع معك الا الكذب عشان تفكني" قال :" اجل يلا قدامي قومي تجهزي " قالت:" ولله مااتجهز انا للان مو زوجتك ترا " قال:" زوجتي بتصيرين بكره ولا انتي ناسيه؟" شهقت وقالت:" مفروووضضضض ماتشوفففنييي انقلع برا" قال توسعت عيونه وقال بصدمه:" سلااامات" قالت واهي تدفه عشان ينزل من السرير ويطلع:" اي اي يلا ققوممم" قال:" تخسيين بس" قالت:"اقول يلا قوم" قال:" بشوفك " قالت:" احلم بس" قامت من عنده وطلعت من الغرفه وراحت للصاله وكان موجود بالصاله امها وام خيّال وزوجة نياف والجده الجوهره دخلت ملاك والقت السلام للكل جلست جنب منيره قالت سحر موجهه كلامها لمنيره وملاك :" واخيراً شفت حريم عيالي قدامي عقبال العيال كلهم " قالت البندري:" اي ولله الله يسمع منك صقر الله يهديه رافض فكرة الزواججج " قالت ملاك:" ماما صقر مايحب هالطاري خليه على راحته " جت بتتكلم ام هزاع لكن قاطعتها الجده الجوهره وقالت:" احفادي لحد يغصبهم على الزواج متى مابغو خطبنا لهم فهمتو" لفت منيره على ملاك وقالت بهمس:" خلصتي كل اغراضك؟" قالت ملاك:" اي الحمدلله بس متوتره وفيه موضوع ابي اسالك عنه" ضحكت منيره وقالت:" عرفته بس ماعليك ترا بس اول يومين او ثلاث بتتالمين الباقي خلاص بتتعودين" قالت ملاك:" طيب لازم من اول يوم؟" قالت منيره:" هو مو لازم بس الواضح ان خيّال مستعجل عليك" قالت ملاك:" يخسي اساساً ماحطيت ملابس قصيره" قالت منيره:" شلون؟" قالت ملاك:" ابد طقيت الصدر وقلت لحد يجي يشتري معي ملابسي وشريت كلهم طوال" قالت منيره:" ياويلك من ربي حرام عليك خفي على الرجال" قالت ملاك:" وانا مين بيخف علي؟" بهالحضه تنحنح خيّال وتغطت منيره ودخل سلم على جدته وقال:" خلصتي؟" قالت ملاك:" لا" قال:" وليه؟" قالت موجهه كلامها لخالتها ام خيّال:" خالتي شوفيه يبيني اروح معه لخواله وانا مابي" قالت البندري:" وليه ماتبين؟" قالت ملاك:" يماما توي على انه يسحبني معه من بيت لبيت" قالت البندري:" لا موب توك خلاص روحي معه وش فيها" قال خيّال:" اي ولله صادقه خالتي وش فيها لو رحتي معي؟" قالت سحر:" اقول ماراح تاخذها لولا مكان توها البنت حتى مااعرست عليها خلو كنتي مرتاحه ولاتضايقونها" قامت ملاك وحضنت سحر وقالت:" يييوه الله لايخليني من حمااتي بس" قال خيّال:" ولله حلوه ذي يمه توقفين معها وولدك لا!" قامت ملاك من مكانها ومسكت خيّال من يده وطلعو للدكه وجلست ملاك وقالت:" ممكن معد تتشره؟" قال:" لا" قالت:" مو على كيفك ترا" قال:" على كيف مين اجل؟" قالت ملاك:" على كيفي وبس " قال:" الوعد بكره" قالت:" على طططاري بكره شرايك شرايكك ناخر العرس" قال:" شرايك شرايكك تنطمين " قالت:" انا انطم؟ اوكي" قامت وجت بتطلع طلع بوجهها هزاع وقال:" شفيك" قالت:" انطم انت الثاني" سحبت عليه وطلعت دخل هزاع وقال بضحكه:" شفيها منفسه" قال خيّال:" قالت شرايك نأخر العرس وقلت لها شرايك تنطمين " قال هزاع:" وخلتني انطم معها تدري" مات ضحك خيّال على الي قاله هزاع