~ملكتي قلبي ياملاكي~

81

~ الدكه~
لف صقر على اثير وابتسم بسخرية وقال:" الحين صرت الصقر؟" قالت:" تكفى طلبتك تعرفني ماحب احد من اهلي يشفق علي" قال:" قلت لك بكسر راسه وش تبين بعد؟" قالت:" ليه قسيت؟" ضحك بعلو صوته وقال:" الحين ليه اقسى؟؟ مين الي صدت بوجهي يوم تذكرت؟ مين الي تركتني وانا بعز تعبي؟ مين الي راحت وتزوجت خويي وجابت منه ولد ولا سمته بااسمي ؟ مين الي يوم رجعت واهي متناقضه ها علميني مو هاذي انتي؟؟؟ ولا يوم كسرك جيتي تدورين حناني وانا الي حتى الضيقه من تشوفك تركض ولا تجيك ها علميني ليه اخترتي العذاب وخليتي الحنان ليه ماصبرتي وانتي عارفه ان الي صار لي كان مده وبيرجع كل شي طبيعي ولا متلهفه على الزواج والعيال ها؟ مب كنتي تبين تجيبين الجموح واكون انا ابوها؟ مب كنتي تبين تجيبين فيصل وانا اكون ابوه؟ علميني يابنت العم علميني؟ انتي اكثر وحده تعرفين قد ايش انا اكتم ومااتكلم لكن وش عقبه ؟ عقب مافات الاوان وشفت واحد مسك وانتي لي؟ وعقب ماشفت واحد جاب منك ولدي وانتي لي؟ علميني علميني يااثير؟" كانت اثير مع كل كلمه يقولها كانت تنزل منها مليون دمعه ناظر بعيونها وقال:" ردي ولا ماعندك شي تقولينه لان كل شي قلته صح" قالت:" صح صح صح كل الي قلته الا اني متلهفه ياصقر انت اكثر واحد تعرف قد ايش احبك لكن انت ماتدري وش الي صار ياصقر انا مهدده ولله العظيم مو بيدي الي صار انا ماتوقعت عزام كذا يكون تكفى صقر اسمعني" ناظرها صقر وقال:" كل ماقلتي قلتي مهدده يلا علميني وش التهديد؟" قالت:" انا من يوم انت كملت سنه وعزام يرسل لي انه سمعني لما قلت سالفة لما نمت عندي انت وقعد يهددني باانه راح يعلم اهلي ويفضحنا وقال عندي لك صور لو ماتوافقين علي اذا تقدمت لك بنشرها وكنت خايفه ووافقت وللحين محد يدري من اهلي تكفى صقر افهمني افهمني " تركها صقر بعد ماسمع كلامها وراح متوجه لقسمه عشان بكره يروح لعزام تنهدت اثير من تغير صقر وراحت لغرفتها

~الصبح~
~ المستشفى~
صحت ملاك وشافت خيّال منسدح على الكنبه وحاط الشماغ فوق وجهه ونايم رفعت تيشرتها وناظرت مكان العمليه تنهدت بضيق من الي قاعد يصير لها لكن حمدت الله وشكرته على انها قدرت تشوف عيالها بكامل عافيتهم حاولت ترفع نفسها عشان تاخذ جوالها وقدرت اخذته واتصلت على صقر وبعد مده طويله رد وقال بخوف:" ملاكي شفيك فيك شي تكفين قولي لي الدلخ ذا مب راضي يقول لي" ابتسمت وقالت:" اهدى اهدى مافيني شي بس شرايك تجيني انت وعيالي؟" قال:" ايييي قولي انك داقه عشان عيالك مب داقه عشان تطمنيني عليك" ضحكت وقالت:" ياقلبي ياعيوني انت ولله مافييني شي ولله الا بسالك كيفهم ووينهم؟" قال:" شوفي خل اقول لك اسر صحى معي من 5 الفجر اما كيس النوم ذا للحين نايم طالع على وحده الله يستر علينا وعليها بس تصدقين ملاك" قالت:" وشو؟" قال:" لما اشوفه احس اني اشوف خيّال صغير موطبيييعي كيف الشبههههههه" ضحكت وقالت:" عشان كذا لما اجيكم واقول لكم انهم مطلعين راسي ترا اقصد حتى ابوهم" بهاللحظه خيّال صحى وتوسعت عيونه من شافها تحش فيه وقف وجاء عندها وكان ياشر انها تسكر ضحكت وقالت:" الراس الكبير صحى ادق عليك بعدين ولاتنسى تجييببببهم" سكرت من صقر وناظرها خيّال وقال:" خخيير ان شاء الله " قالت:" وشو؟" قال:" تحشين فيني وفعيالي قدامي؟" قالت :" ماحشيت قاعده اقول الصدق" قال:" يشيخه فداك بس" قعدت تفرك يدينها وناظر كيف متوتره ومنزله راسها تنهد وحس ان بهالحركه موضوع الي صار رفع راسها وقال:" حرم خيّال ماينزل راسه كم مره قلت؟" قالت:" خيّال انا مره اسفه" قال:" على ايش ياعيون ابوي؟" قالت:" على الي صار انا كنت اعرف انك تبي عيال بس ولله مو بيدي الي صار ولله ياخيّ" بتر كلامها وسحبها لحضنه وقال:" هش هش خلاص مين قال اني ابي الحين مين؟" حس فيها تبكي بحضنه قعد يمسح على راسها وقال بحنيه:" انا يكفيني التوأم الحين متى ماطبتي ذيك الساعه فكرنا نجيب غيرهم"

~ قسم اخر بالمستشفى ~
وصل صقر للمستشفى ودلوه على غرفة ملاك دخل عند ملاك هو والكاسر واسر وركضو العيال لملاك شالهم خيّال وحطهم فوق السرير عند ملاك قال اسر لملاك:" ماما تدرين انا والكاسر نمنا عند خالو صقر بقسمه بس تخيلي عمتو اثير لما درت اننا بننام عند خالو صقر بالقسم ومعنا صقر عيت واخذت صقر وراحت قسم جدو خالد وسكرت عليها هي وصقر وماخلتنا نلعب معه" ناظرت ملاك صقر الي من سمع السالفه طلع من الغرفه ناظرت ملاك الكاسر كيف جالس يناظر يدها الي فيها المغذي وسساكت واهو مو عادته كذا بالعاده يسولف ويشاغب لكن هالمره ساكت وجالس يناظر يدها رفعت يدها ومسحت على كيرلياته وقالت:" شفيه الكاسر مين مزعله؟" كان سااااكت ومايقول شي ناظرت ملاك خيّال وكانها تقول ندمت اني جبتهم لي قال خيّال:" الكاسر شفيك امك تكلمك رد" مسك يد امه وقال:" ماما تعورك؟" ابتسمت وقالت:" لا اساساً لو تعورني عندي 3super herp(ثلاث ابطال خارقين) يحموني صح؟" هز راسه وقال:" بس برضو ماحب اشوفك كذا" قال اسر:" ماما بقول لك سر" ضرب الكاسر اسر وقال:" ياويلك تقول ولله ازعل منك زي مازعلت على سحاب" قال اسر:" ماما ترا الكاسر كان عند حلال جدي ويبكي"

~ غرفة عزام~
دخل صقر للغرفه وكل مايتذكر كلام اثير تشب نيران غضبه زياده فز عزام من شاف صقر قرب صقر من عزام ومسك ياقته وقال:" سوال واحد ولو ماصدقت فيه موتك بيكون اليوم فهمت؟" قال عزام:" الي قاعد تسويه يعتبر اقتحام المرضى بعد لا ابلغ عليك" بقس صقر عزام وقال:" مااعاش الي يهددها فهمت" بقسه صقر مره ثانيه وقعد يكرر التبقيس يطلع حرة اثير وحرته هو وبسبب تعب عزام ماكانت بنية جسمه قادره تساعده شال صقر يدينه من حس ان عزام فاقد الوعي طلع من الغرفه وراح شرا شريحه جديده ورجع القصر دق على اثير وردت وقالت:" هلا صقر" وقال بدون اي اهتمام:" انزلي الدكه" سكر منها ونزلت اثير وعطاها الشريحه وقال:" بسرعه قدامي وهاتي الي معك" قالت:" بس" قال بحده:" بدون بس بسرعه قدامي" شالت شريحتها واعطته وكسرها قدامه وقال:" ذي من اليوم وراييح شريحتك الجديده"

" قراءه ممتعه❤️...
لا احلل القراءه بدون النجمه والاضافه والكومنت ❤️
+ حبايبي صرت انزل انستا ( euxxu7) "