~ملكتي قلبي ياملاكي~

49

~ حايل~
صحت اثير بكل روقان بعد ماكلمتها وقالت لها ان صقر بيملك عليها اليوم ف لازم تصحى بدري تروح تشتري لها فستان وتتجهز على السريع طلعت للصاله وسلمت على ابوها وامها وقال سعود:" ولله مدري وش حببكم بالزواج خلكم عزابيين نفسي احسن" قال خالد:" مابقى من عيالي الا انت والعنود الله يعيني" قال سعود:" شدعوه يبا ولله لو اننا مطلعين عيونكم" قالت سحر:" كنا انا والبندري نصدع من فعايلكم انت وصقر والحين انا لحالي الي ببتلش " قال سعود:" ولله ظلم وش ذا" قال نياف:" مو ظلم هاذا الصدق اعرس بس" قال سعود:" وع ولله مابي" قالت سحر:" مب على كيفك بخطب لك " قال سعود:" يايمه كم مره قلت مابي كفايه الي خطبتها وماعجبتني" قالت اثير :" حرام ولله هوازن كانت حلوه ورزه" قال:" خلاص خلي صقر يتزوجها" اخذت اثير المخده ورمتها على سعود وجتها روح تركض وتقول:" ليه تضربين عمو سعود" قالت اثير:" تحبينه؟" قالت روح:" اي بس مو اكثر منك" جلست بحضن اثير وبعد مده قال خالد:" ولله اني فاقد حس خيّالوه بالبيت ماتعودت" قال نياف:" ولله حتى انا معد فيه احد يدرعم علي بالبيت" قالت سحر:" مافي احد يدخل ويقول" قلدت نبرة خيّال وكملت:" يمه جوعان وش فيه اكل" قالت اثير:" اف تاااخرت باي" قامت وطلعت واخذت معها روح بعد ماعلمت نياف ومنيره راحت المول مع العنود والبنات

~ بريطانيا ~
صحت ملاك وراحت للحمام( الله يكرمكم) تروشت وسوت السكن كير حقها ولما طلعت توجهت للتسريحه تسوي شعرها ناظرت بطنها البارز قليلاً وقالت:" طول حياتي احافظ على جسمي بعدين تجون انتو وتخربون ماحبيت مره " صحى خيّال وشافها تسولف مع بطنها ابتسم قاطع تأمله اتصال هزاع رد وقال:" نعم ياهزاع نعم" ضحك هزاع وقال:" بقول لك شييييي"قال خيّال :" اخلص" قال هزاع:" اطلع ل اي مكان بعيد عن ملاك" قام خيّال وجاء بيطلع ناظرته ملاك وقالت:" على وين انت وهزاع؟" قال:" اخوك يبيني شوي وجاي" كشرت ملاك رفع حواجبه خيّال من حركتها وسوا كتم للمكالمه وراح لها وتوه بيبوس خدها نزلت راسها ضحك بهستيريه من حركتها وقال:" اسف بروح اشوف وش يبي وبرجع وعد" طلع وقال هزاع:" كان نمت احسن؟" قال خيّال:" اراضي اختك ولله ياهزاع هرمونات الحمل مششششكله تصدع بالراااس" قال هزاع:" ليه" قال خيّال:" انت تخيل بس انها امس بكت ب انهيار ولله ياهزاع ب انهيار بس عشان المندوب سكر بوجهها!" ضحك هزاع وقال:" ماعليك ذي دايم تسويها مو هرمونات مستغرب ليه ماتسويها معك" قال خيّال:" مو طبيعي الا صح وش تبي انت" قال هزاع:" اي نسيت اسمع ابي ترجعون لحايل نسوي سبرايز لصقر كلنا بحاول بسعود انه يقنع اثير تقنع صقر يمدد كم يوم عشان يمدي نرجع ونتجهز" قال خيّال:" انت مو بالمهمه؟" قال هزاع:" الا وعندنا اسبوعين اجازه نرتاح فيها لان الاسبوع الثالث بيكون اصصصصصعب اسبوع وعشان كذا قلت لك" قال خيّال:" خلاص بشوف ملاك مع ان ماضنتي من بدا يطلع بطنها معد تبي حتى تطلع متقرفه من شكلها وتتحلطم واجد" قال هزاع:" حاول اقنعها وبعد ابيها مفاجأة لها انها تشوفني" قال خيّال:" بحاول ماعليك يلا تبي شي" قال هزاع:" سلامتك يابو الكاسر" سكر منه وابتسم خيّال من كلمة يابو الكاسر دخل لملاك وشافها جالسه على الكنب وفوقها الايباد جلس جنبها وقال:" ملاكي لو طلبتك طلب بترديني؟" قالت:" على حسب وش ياعيوني" قال:" ابي نرجع الرياض بس اسبوع نفاجئ اثير وصقر بملكتهم ونرجع" قالت:" بس ملكتهم اليوم" قال خيّال:" ماعليك "