~ملكتي قلبي ياملاكي~

65

~بعد مرور اسبوع~
~قبل استقبال ملاك بيومين~
~اخر الليل~
دخلت ملاك الغرفه واهي شايله الكاسر وشافت خيّال بدون تيشرت منسدح عند اسر فاصخ منه التيشرت ومبقي البربتوز قربت منه وقالت:" خيّال لبسه حرام عليك بيتعب ولله" قال:" ماعليك مني انا وولدي خلك مع ولدك ولاتتدخلين فينا" باست ملاك الكاسر وقالت:" وه بسم الله على وليدي" قام وقال:" انتي هي تراك ناسيتني انا واسر من اسبوع واحنا نقرب منك وانتي ساحبه علينا وجالسه مع الكاسر" قالت:" خيّال اص انا ماافرق بين عيالي" قال:" اذا ماتفرقين بينهم انا تفرقين بيني وبينهم" قالت:" انت منجدك تغار؟" قال:" اي اي منجدي كل مره ابي اتقرب منك تتجاهليني سلامات؟" قالت:" خيّال العيال توهم مالهم الا اسبوع غرت منهم صاحي انت؟" قال:" اي صاحي واذا مارجعتي تهتمين فيني ولله بسوي شي يزعلك" اخذت ملاك الكاسر وحاولت تشيل اسر وودتهم لغرفتهم وجت انسدحت جنب خيّال وقام وقال:" لاتقربين مني" قالت:" منجدك انت ياخيّال ولله انك مجنون ولله" قال:" اي اي مجنون عندك شي؟" قالت:" تعال طيبببب؟" قال:" لا مابيك" قالت:" يعني بتنام بالصاله اليوم؟ حماس من زمان مانمت لحالي بالسرير" قال:" ملاكوه اهجدي" قالت:" واذا ماهجدت؟" قال:" بجرم فيك" قالت:" خلنا من هالموضوع خيّالي" قال:" فيها خيّالي ذي" جاء وانسدح بحضنها وقال:" عيون وقلب وشرااييييين وروح ودنية وانفاس خيّال امريني" قالت ": مايامر عليك عدو بسسسسسس عندي طلب" قال:" صح اني زعلان بس تدللي" باست راسه وقالت:" احبك ولله احبك ادري ماترفض لي طلب" قال:" وش الطللبب طيب" قالت:" فلوس سهله" قال:" كم تبين؟" قالت:" كل بطاقتك الذهبيه لوسمحت" قال:" ملاك الذهبيه فيها مبلغ وقدره لفلتنا وش تبين فيها" قالت:" خيّال صدق وش تبي بالفله خلاص خلنا هنا مابي اطلع عن جدي" قال:" اصلاً جدي هو الي قايله" قالت:" وش قال" قال:" سر عاد المهم اخذي البطاقه السوداء الذهبيه احلمي فيها" قالت بزعل:" خيّال قلت ابيييييها" رفع راسه لها وقال:" وانا قلت لا" بعدته وقالت:" لوكنت معطيني البطاقه كنت سمحت لك تقرب مني بس مافي" قال:" السوداء فيها مبلغ بيكفيك واكثر واكثر خذييييها" قالت:" مابي ابي الذهبيه" قامت وجت بتطلع فز وراها ومسكها وقفل الباب حاوطها وقال:" على وين؟" حط جبينه على جبينها واختلطت انفاسهم ببعض وقالت:" عند عيالي" قال:" واذا قلت مافي؟" قالت:" سهله بروح واخلـ" بتر كل كلامها من حط مبسمه على مبسمها سحبها للسرير و...

~ الصبح~
صحى خيّال ولف على مكان ملاك يدورها مالقاها قام ودخل على غرفة عياله ولا لقاهم رجع الغرفه لبس ثوبه وطلع متوجه لقسم الجد طق الباب وفتحت العامله سكرته وراحت لملاك وقالت:" ms malak mr khayal is at the door( انسه ملاك السيد خيّال عند الباب)" قامت ملاك وحطت اسر على حضن اثير لان الكاسر مع العنود وقامت لعند الباب فتحته وطلعت للدكه تعرف اذا يبيها يكون بالدكه راحت ورفع راسه خيّال من شافها وقال:" يامرحبا" قالت:" البقى" ضحك وقال:" لا لا البقى نقولها لكلمة ارحب" قالت:" يوه بالمصطلحاتكم يلا وش تبي" قال:" صحيت ومالقيتك ولا لقيت العيال خفت تهربين" قالت :" ولله شكلي بسويها موطبيعي ياخيّال ورانا شغل مو طبيعيي ف عشان كذا اليوم عيالك معك لوسمحت" سحبها لحضنه وقال:" وام عيالي؟" قالت:" ام عيالك بتكون تجهز استقبالهم" قال:" وشلون فستانك بكره؟" قالت:" سررررر" قال:" يلا قولي انا والعيال بنجيب لك هديه" قالت:" وجودكم بحياتي اكبر هديه بس فكوني" قال:" دخيل الله هالكيرلياااااات" قالت:" بكره بستشورهم" قال:" وليه؟" قالت:" عشان استقبال عيالك يوههه" قال:" تدرين جدي مابقى احد ماعزمه؟" قالت :" حتى جدتي اف ولله ياخيّال احس بموت مابي اطلع عيالي عليهم واذا بطلع بطلع بس الكاسر" قال:" وليه؟" قالت:" اسر يشبه لك ولله مااطلعه" قال:" يابنت طلعيه خل يعرفون ان زوجك مز" لفت عليه وقالت:" خيّالوه دز عني" قال:" امزح امزح يالغيوره عالعموم حبيبي" قالت:" شنو" قال:" بروح اشتري لي وللعيال ثياب" ضحكت بعلو صوتها وغطاء فمها وقال:" بنت العيال بالخيمه" قالت:" خيّال مو منجدك بتفصل لهم ثياب" قال:" اي عيالي بفصل لهم" قالت:" اذا جاء الشتاء بشتري لهم ملابس حلللوه" قال:" لا بفصل لهم ثياب سود" قالت:" اف بيطلعون خيّال صغير" قال:" بنت محد يجي مثلي" ركضت واهي تقول:" الا عيالليييي" جاء بيلحقها لكن دخلت تلبس عبايتها

~ المول~
دخلو البنات للمول وقالت اثير:" اول شي خل نخلص الفساتين اخت ملاك وش حابه لون؟" قالت ملاك:" خيّال يحب الازرق ابيه" ضربت تالا ملاك وقالت:" هدي تراك مو بالبدايات عندك ورعان" قالت ملاك:" بس انا وخيّال طول حياتنا بدايات" قالت سجى:" يييع مو لايق عليك خليك غنوجه بدون موضوع الزواج" قالت العنود:" بتمشون ولا امشي واخليكم؟" مشو ورا العنود ودخلو محل وكل وحده قعدت تدور لها فستان لقت لها سجى وقالت:" شششششرايكم؟" قالت ملاك:" واااي يجنن يجنن خذييييييه خذييييه" قالت سجى:" بس ماتحسونه مسمني؟" قالت ملاك:" لا بلعكس انا الي اخاف البس شي ويسمني" قالت الموظفه:" معليش على التدخل بس انتي نحيفه بلعكس بتطلع عليك الفساتين مرتبه" قالت ملاك للعنود:" ينفع ابوسها؟" قالت اثير بضحكه:" كان خيّال يذبحك" قالت الموظفه:" شكلك توك متزوجه" قالت العنود:" لااااا عندها ولدين توها والده" قالت الموظفه:" ماشاءالله مو واضح عليك انك متزوجه توك صغيره" ركضت ملاك لفستان وقالت:" بروح اجربه احس عجبني" دخلت ملاك ولبسته وطلعت وقعدو البنات يمدحون فيها وقالت تُلى:" افففففف ولله ياحظ خيّال فيك يشينه خذاك مننا" قالت ملاك:" اقول بسرعه حلو ولا لا؟" دخلت حرمه كبيره بالسن ومعها ولدها شافت ملاك بالفستان وتقدمت لها وقالت:" بسم الله عليس يابنيتي من انتي بنته؟" همست تالا ل اثير وقالت:" بتخطب ملاك امسكي صوري لخيّال" رفعت اثير الجوال تصور وملاك ردت على الحرمه وقالت:" انا حفيدة متعب ال خاسر" قالت الحرمه:" ياتبارك الرحمن تدرين انا عندي ولد شوفيه هناك عسكري وش زينه جمال ومال بس ناقصه بنت الحلال" ضحكت ملاك وقالت :" ياحليلك ياخالتي الله يحفظه لك بس انا عندي عيال" قالت الحرمه:" هاو كم عمرس" قالت:" 19 سنه" قالت:" توس صغيره وش الي عندس عيال" قالت العنود:" الا الا ياخالتي متزوجه" لفت الحرمه على اثير وقالت:" وانتي يابنيتي" قالت:" انا متزوجه اخوها" قالت الحرمه:" يعني مافي نصيب لوليدي؟" قالت ملاك:" لا ياحبيبتي الله يكتب له نصيب" راحت الحرمه وقالت تُلى:" عشتو طيب وفيه اربع انفار هنا ليه ماشافتهم؟" قالت العنود:" انتي لاتتكلمين عندك واحد" قالت تُلى:" ياكرهههي بس" ضحكت ملاك وقالت:"نفس كلامي يوم مع خيّال وشوفيني معي ولدين" قالت سجى:" اقول امشو نكمل تعبت" قالت اثير:" رسلت المقطع لخيّال" قالت ملاك:" اي مقطع؟" ورتها اثير المقطع وقالت ملاك:" يازق بيلعن خيري الحين" قالت تُلى:" تستاهلين" بعد مرور وقت طويل خلصو البنات فساتينهم ورجعو القصر

" قراءه ممتعه❤️...
لا احلل القراءه بدون النجمه والاضافه والكومنت ❤️
+ حبايبي صرت انزل انستا ( euxxu7) "